ປະເທດຖືກຮັບຜົນກະທົບຢ່າງໜັກໜ່ວງທີ່ສຸດຍັງຄົງແມ່ນ ອາເມລິກາ, ດ້ວຍຈຳນວນຜູ້ຕິດເຊື້ອພະຍາດ ໂຄວິດ - 19 ແມ່ນ 15.351.692 ຄົນ ໃນນັ້ນມີ 290.377 ຄົນເສຍຊີວິດ, ຖັດຈາກນັ້ນແມ່ນ ອິນເດຍ ແລະ ບຣາຊິນ.
ພາບປະກອບ: AP
ຕາມເວັບໄຊ ສະຖິຕິ worldometers.infoແລ້ວ, ໄລ່ຮອດເວລາ ປະມານ 1 ໂມງເຊົ້າຂອງວັນທີ 8 ທັນວາ (ຕາມເວລາ UTC), ໂລກໄດ້ຢັ້ງຢືນມີຜູ້ຕິດເຊື້ອພະຍາດ ໂຄວິດ - 19 ກ່ວາ 67,9 ລ້ານຄົນ, ໃນນັ້ນມີ ຜູ້ເສຍຊີວິດ 1.549.617 ຄົນ. ປະເທດຖືກຮັບຜົນກະທົບຢ່າງໜັກໜ່ວງທີ່ສຸດຍັງຄົງແມ່ນ ອາເມລິກາ, ດ້ວຍຈຳນວນຜູ້ຕິດເຊື້ອພະຍາດ ໂຄວິດ - 19 ແມ່ນ 15.351.692 ຄົນ ໃນນັ້ນມີ 290.377 ຄົນເສຍຊີວິດ, ຖັດຈາກນັ້ນແມ່ນ ອິນເດຍ ແລະ ບຣາຊິນ.
ແລະກໍ່ໃນເຫດການທີ່ກ່ຽວຂ້ອງໃນລະຫວ່າງວັນທີ 7 – 8 ທັນວາ, ບັນດາອົງການທີ່ມີໜ້າທີ່ຮັບຜິດຊອບຂອງ ຫວຽດນາມ ປະຈຳ ສະຫະລັດ ອາຣັບ ເອມີເລັດ (UAE), ສະຖານທູດ ຫວຽດນາມ ປະຈຳ ອິນເດຍ ແລະ ບໍລິສັດການບິນແຫ່ງຊາດ ຫວຽດນາມ ໄດ້ສົມທົບກັບບັນດາອົງການທີ່ມີໜ້າທີ່ຮັບຜິດຊອບຂອງ UAE ແລະ ອິນເດຍໄດ້ຈັດສົ່ງພົນລະເມືອງ ຫວຽດນາມເກືອບ 350 ຄົນ ກັບຄືນປະເທດຢ່າງປອດໄພ. ພາຍຫຼັງເຮືອບິນລົງຈອດຢູ່ສະໜາມບິນສາກົນ ກາມແຣັງ, ແຄ໊ງຮ່ວາ, ຜູ້ໂດຍສານທັງໝົດໄດ້ຮັບການກວດສຸຂະພາບ ແລະ ແຍກຕົວຕາມຂໍ້ກຳນົດ.
(ແຫຼ່ງຄັດຈາກ VOV)