ທ່ານ ຫງວຽນວຽດຢຸງ ເອກອັກຄະລັດຖະທູດ ຫວຽດນາມ
ປະຈຳ ນິວຊີແລນ ກ່າວຄຳເຫັນທີ່ພິທີ
(ພາບ: vietdung/TTXVN)
ວັນທີ 3/9 ຢູ່ Wellington, ສະຖານທູດ ຫວຽດນາມ ປະຈຳ ນິວຊີແລນ ຈັດຕັ້ງພິທີຮັບແຂກເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນການປະຕິວັດເດືອນ ສິງຫາ ແລະ ວັນຊາດທີ 2 ກັນຍາ, 40 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ - ນິວຊີແລນ. ກ່າວຄຳເຫັນທີ່ພິທີ, ທ່ານ ຫງວຽນວຽດຢຸງ ເອກອັກຄະລັດຖະທູດ ຫວຽດນາມ ປະຈຳ ນິວຊີແລນ ທົບທວນຄືນບັນດາຜົນງານ ເຊິ່ງ ຫວຽດນາມ ບັນລຸໄດ້ໃນ 70 ປີຜ່ານມາ. ກ່ຽວກັບການພົວພັນ 2 ຝ່າຍ ທ່ານເອກອັກຄະລັດຖະທູດ ຫງວຽນວຽດຢຸງ ຕີລາຄາສູງການພັດທະນາຢ່າງແຮງຂອງການພົວພັນຄູ່ຮ່ວມມືຮອບດ້ານລະຫວ່າງ ຫວຽດນາມ ແລະ ນິວຊີແລນ ໃນໄລຍະຜ່ານມາ, ພ້ອມທັງ ເນັ້ນໜັກວ່າ: ໝາກຜົນອັນດີງາມຂອງການຢ້ຽມຢາມ ນິວຊີແລນ ຢ່າງເປັນທາງການຂອງທ່ານນາຍົກລັດຖະມົນຕີ ຫວຽດນາມ ຫງວຽນເຕີ໋ນຢຸງ ໃນເດືອນ 3/2015, ສະແດງໃຫ້ເຫັນຄວາມຕັດສິນໃຈຂອງການນຳຂັ້ນສູງ 2 ປະເທດໃນເລື່ອງນຳການພົວພັນຮ່ວມມື 2 ຝ່າຍເຂົ້າສູ່ລວງເລິກ, ແທດຈິງ ແລະ ມີປະສິດທິຜົນກ່ວາ, ພິເສດ ແມ່ນໃນບັນດາຂົງເຂດ ຊຶ່ງ 2 ຝ່າຍມີຄວາມຕ້ອງການ ແລະ ທ່າແຮງ.
ຫົວໜ້າສະຖານກົງສູນໃຫຍ່ ຫວຽດນາມ ປະຈຳ ຮົ່ງກົງ ແລະ ມາກາວ, ຈີນ, ສະຖານທູດ ຫວຽດນາມ ປະຈຳ ອີຣານ ຈັດຕັ້ງພິທີຮັບແຂກ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນການປະຕິວັດເດືອນ 8 ແລະ ວັນຊາດທີ 2/9.
(ແຫຼ່ງຄັດຈາກ VOV)