ຕອນຄ່ຳວັນທີ 1 ທັນຍາ, ຢູ່ແຂວງຝຸເທາະ ໄດ້ດຳເນີນພິທີໄຂວັນບຸນວັດທະນະທຳ, ກິລາ ແລະ ການທ່ອງທ່ຽວບັນດາເຜົ່າເຂດ ໄຕບັກ ຄັ້ງທີ 15 ດ້ວຍຫົວຂໍ້ “ສີສັນວັດທະນະທຳບັນດາເຜົ່າເຂດໄຕບັກ”. 

  ພາບປະກອບ: phutho.gov.vn  

ວັນບຸນໄດ້ດຳເນີນແຕ່ວັນທີ 1 – 4 ທັນວາ ດ້ວຍການເຂົ້າຮ່ວມຂອງນັກສິລະປະການ, ສິລະປິນ, ນັກສະແດງ, ນັກກິລາ ພ້ອມກັບພໍ່ແມ່ປະຊາຊົນບັນດາເຜົ່າໃນເຂດ. ທ່ານ ຫງວຽນດັງຖຸຍ, ຫົວໜ້າພະແນກວັດທະນະທຳ, ກິລາ ແລະ ການທ່ອງທ່ຽວແຂວງ ຝຸເທາະໃຫ້ຮູ້ວ່າ:

ວັນບຸນເພື່ອແນໃສ່ຍ້ອງຍໍຊົມເຊີຍບັນດາຄຸນຄ່າທາງດ້ານວັດທະນະທຳທີ່ເປັນມູນເຊື້ອອັນດີງາມຂອງບັນດາເຜົ່າເຂດໄຕບັກ ໃນພື້ນຖານວັດທະນະທຳທີ່ເປັນເອກະພາບ, ມີຫຼາຍຮູບຫຼາຍສີຂອງ ວົງຄະນະຍາດ 54 ຊົນເຜົ່າ ຫວຽດນາມ, ເຜີຍແຜ່ໂຄສະນາ ບັນດາຄຸນຄ່າມໍລະດົກວັດທະນະທຳ, ຮີດຄອງປະເພນີທີ່ເປັນມູນເຊື້ອອັນດີງາມຂອງບັນດາເຜົ່າເຂດໄຕບັກ ໄປຍັງເພື່ອນມິດພາຍໃນປະເທດ ແລະ ສາກົນ. ຜ່ານນັ້ນ, ປຸກລຸກຄວາມສາມາດບົ່ມຊ້ອນພັດທະນາການທ່ອງທ່ຽວເພື່ອດຶງດູດການລົງທຶນຂອງບັນດາວິສາຫະກິດໄປຍັງເຂດໄຕບັກ, ຂຸດຄົ້ນການພັດທະນາຊຸກຍູ້ເສດຖະກິດສັງຄົມ.