ຄະນະປະຕິບັດງານກຳລັງ ກວດກາ ຜະລິດຕະພັນເຫັດ ຂອງບໍລິສັດເຫັດ ຟຸ່ງເຟືອງ ຈຳກັດ ຢູ່ພື້ນທີ່ຕົວຈິງ.

ໂດຍປະຕິບັດໂຄງການປະສານງານ ສະບັບເລກທີ 7237/CTPH-BNNPTNT-UBND ລົງວັນທີ 23 ຕຸລາ 2021 ວ່າດ້ວຍຮັບປະກັນ ຄວາມປອດໄພ ດ້ານສະບຽງອາຫານ, ຍົກສູງຄຸນນະພາບຂອງຜະລິດຕະພັນ ກະສິກຳ ປ່າໄມ້ ສິນໃນນຳ້ ທີ່ມີການພົວພັນແລກປ່ຽນການຄ້າ ລະຫວ່າງນະຄອນ ຮ່າໂນ້ຍ ກັບແຂວງ, ນະຄອນຕ່າງໆ ໃນໄລຍະ 2021-2025, ພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ໄດ້ສົມທົບ​ກັບ​ບັນດາ​ຫົວໜ່ວຍ​ທີ່​ກ່ຽວຂ້ອງ ​ລົງກວດກາບັນດາຮາກຖານ ຢູ່ພື້ນທີ່ແຂວງ ຫວິ້ງຟຸກ ແລະ ຝູ໋ເຖາະ. 

ທ່ານ ຫງວຽນຍືຕຽບ, ຫົວໜ້າກົມກວດກາຄຸນນະພາບ, ປຸງແຕ່ງ ແລະ ພັດທະນາຕະຫຼາດ ໄດ້ກ່າວຄຳປາໄສທີ່ ກອງປະຊຸມ ພາຍຫຼັງການລົງກວດກາຢູ່ພື້ນທີ່ຕົວຈິງ.

ດ້ວຍ​ບັນດາ​ຜະລິດ​ຕະພັນ​ທີ່​ມີ​ທ່າ​ໄດ້​ປຽບ​ ຂອງ​ນະຄອນ ຫວິ້ງຟຸກ, ຝູ໋ເຖາະ, ປະຈຸ​ບັນ, ຕະຫຼາດ​ຮ່າ​ໂນ້ຍ ​ແມ່ນ​ຕະຫຼາດ​ທີ່​ມີ​ທ່າ​ແຮງ​ໃຫ້​ບັນດາ​ຜະລິດ​ຕະພັນ​ກະ​ເສດ​ຂອງ​ນະຄອນ​, ບັນດາຜະລິດຕະພັນ ກະເສດຫຼັກຂອງແຂວງ ຫວິ້ງຟຸກ ກຳລັງ​ໄດ້​ຮັບ​ການ​ຊົມ​ໃຊ້ຢູ່ ຮ່າໂນ້ຍ ​ຕົ້ນຕໍ​ແມ່ນ​ຜັກ ແລະ ໝາກ​ໄມ້, ຊີ້ນສັດ, ຊີ້້ນສັດປີກ, ໄຂ່, ຜະລິດຕະພັນປຸງແຕ່ງ... ໃນນັ້ນມີວິສາຫະກິດຈຳນວນໜຶ່ງ ໃນລະບົບຕ່ອງໂສ້ຕ່າງໆ ເຊັ່ນ: ບໍລິສັດລົງທຶນພັດທະນາ ການຜະລິດຈໍາກັດ Wineco ຕາມດ່າວ ຈຳກັດ, ບໍລິສັດເຫັດ ຟຸ່ງຢາ ຈຳກັດ ແຕ່ລະ​ປີໄດ້ສະໜອງໃຫ້ຕະຫຼາດ ຮ່າໂນ້ຍ​ ​ຜັກ ​ແລະ ໝາກ​ໄມ້​ປະມານ 2.000 ​ໂຕນ​, ເຫັດ 150 ​ໂຕນ; ແຂວງ ຝູ໋ເຖາະ ແມ່ນຜະລິດຕະພັນຊາຂຽວ, ຜັກ, ຫົວຜັກ, ຜະລິດຕະພັນປຸງແຕ່ງຈາກ ຊີ້ນ, ຜະລິດຕະພັນ OCOP... 100% ຜະລິດຕະພັນ ທີ່ເຂົ້າຮ່ວມ ໃນຕ່ອງໂສ້ ໄດ້ຮັບການຢັ້ງຢືນ ດ້ານຄຸນນະພາບຄວາມປອດໄພ, ໄດ້ຮັບການຫຸ້ມຫໍ່, ຕິດສະແຕມ, ມີຕົ້ນກຳເນີດຢ່າງຈະແຈ້ງ, ຕອບສະໜອງຄວາມຕ້ອງການ ແລະ ລົດນິຍົມຂອງຜູ້້ບໍລິໂພກ. 

 

ຄະນະປະຕິບັດງານໄດ້ລົງກວດກາ ບ່ອນເກັບຮັກສາຄວາມເຢັນ ຊຶ່ງເປັນບ່ອນຜະລິດເຫັດ ໂດຍບໍລິສັດເຫັດ ຟຸ່ງຢາຈຳກັດ.

ກ່ຽວ​ກັບ​ການ​ກວດກາ​ຄຸນ​ນະພາ​ບ, ຄວາມ​ປອດ​ໄພ​ດ້ານ​ສະບຽງ​ອາຫານ, ຫາແຫຼ່ງທີ່ມາ​ສິນຄ້າ ຂອງ​ແຂວງ​ ຫວິ້ງ​ຟຸກ ​ແລະ ຝູ໋ເຖາະ ຮັບປະກັນ​ການ​ສົມທົບ​ກັນ​ຢ່າງ​ແໜ້ນ​ແຟ້ນ ກັບ​ບັນດາ​ໜ່ວຍ​ງານລະຫວ່າງຂະແໜງການ ເພື່ອ​ຮັບປະກັນ​ຄຸນ​ນະພາ​ບ ​ແລະ ຄວາມ​ປອດ​ໄພດ້ານ​ສະບຽງ​ອາຫານ ກໍຄືເກັບເອົາຕົວຢ່າງວິເຄາະ ເປັນ​ປະຈຳ ​ເພື່ອການປ່າວ​ເຕືອນ ເພື່ອຫາແຫຼ່ງທີ່ມາ, ກຳນົດເຫດຜົນ ແລະ ມີວິທີແກ້ໄຂ ເພື່ອກວດກາຄວາມ​ປອດ​ໄພ ​ຂອງ​ສະ​ບຽງ​ອາ​ຫານ​ ທີ່ສະໜອງໃຫ້​ຜູ້​ບໍ​ລິ​ໂພກ​. ຮັກສາ ແລະ ພັດທະນາລະບົບຫາແຫຼ່ງທີ່ມາ ຂອງອາຫານ ກະສິກຳ ປ່າໄມ້, ສິນໃນນຳ້ ຜ່ານ​ເວັບ​ໄຊ (check.hanoi.gov.vn). ປະສານ​ງານ​ປ້ອງ​ກັນ ສະກັດກັ້ນການແຜ່ລະບາດ, ກັກ​ກັນ​ພະຍາດສັດ, ຄວບ​ຄຸມ​ໂຮງ​ຂ້າ​ສັດ, ກວດກາ​ສຸຂະ​ອະນາໄມ​ສັດຕະວະ​ແພດ ​ແລະ ພັດທະນາ​ການ​ລ້ຽງສັດ ​ແລະ ສິນ​ໃນ​ນ້ຳ.

ກວດກາວຽກງານການຫຸ້ມຫໍ່ ຢູ່ສະຫະກອນ ຜັກປອດສານພິດ ຕື໋ສາ, ແຂວງ ຝູ໋ເຖາະ.

ກວດກາພື້ນທີ່ການຜະລິດ ຂອງສະຫະກອນ ປູກຜັກປອດສານພິດ ຂອງຕາແສງ ຕື໋ສາ.

ຕາມ​ທ່ານ ຫງວຽນ​ດິ່ງ​ຮ່ວາ, ຮອງ​ຜູ້ອຳນວຍການ​ພະ​ແນ​ກກະສິກຳ ​ແລະ ພັດທະນາ​ຊົນນະບົດ ຮ່າ​ໂນ້ຍ ​ໃຫ້​ຮູ້​ວ່າ: “ຂະ​ແໜງ​ກະສິກຳ ​ແລະ ພັດທະນາ​ຊົນນະບົດ ​ຮ່າ​ໂນ້ຍ ຍາມ​ໃດ​ກໍ່​ເອົາ​ໃຈ​ໃສ່ ​ແລະ ຊຸກຍູ້​ການ​ສົ່ງ​ເສີມ​ການ​ຄ້າ ບັນດາ​ຜະລິດ​ຕະພັນ​ກະ​ເສດ​ສະອາດ, ຄຸນ​ນະພາ​ບສູງ​ ຂອງ​ບັນດາ​ແຂວງ, ນະຄອນ​ໃນ​ທົ່ວ​ປະ​ເທດ ​ແລະ ​ແຂວງ ຫ​ວິ້ງ​ຟຸກ ​ແລະ ຝູ​໋ເຖາະ ກັບ​ຜູ້​ບໍລິ​ໂພ​ກ ຮ່າ​ໂນ້ຍ. ພ້ອມ​ກັນ​ນັ້ນ, ສ້າງ​ເງື່ອນ​ໄຂ​ໃຫ້​ບັນດາ​ວິ​ສາ​ຫະກິດ​ທ້ອງ​ຖິ່ນ​ ເຂົ້າ​ຮ່ວມ​ງານ​ຕະຫຼາດນັດ, ງານ​ວາງສະ​ແດງ, ຊອກ​ຫາ​ຕະຫຼາດ​ຢູ່​ນະຄອນ ຮ່າ​ໂນ້ຍ.  ພະແນກກະສິກຳ ແລະ ພັດທະນາຊົນນະບົດ ຮ່າໂນ້ຍ ຈັດຕັ້ງບັນດາງານວາງສະແດງ, ກອງປະຊຸມ, ເວທີປາໄສ ເຊື່ອມຕໍ່ ການບໍລິໂພກຜະລິດຕະພັນເປັນປະຈຳ  ດ້ວຍການເຂົ້າຮ່ວມ ຂອງບັນດາແຂວງ, ນະຄອນໃນທົ່ວປະເທດ ເພື່ອແລກປ່ຽນ ຂໍ້ມູນຂ່າວສານ, ຕີລາຄາວຽກງານສົມທົບກັນ, ສະເໜີບັນດາ ວິທີແກ້ໄຂ ໃນການຄຸ້ມຄອງຄຸນນະພາບ, ຄວາມປອດໄພ ດ້ານສະບຽງອາຫານ, ການເຊື່ອມຕໍ່ບໍລິໂພກ ​ເຊັ່ນ: ຈັດຕັ້ງງານ​ວາງສະ​ແດງ​ສິນຄ້າ OCOP, ງານ​ມະໂຫລານ​ຜະລິດ​ຕະພັນ​ກະ​ເສດ, ງານ​ບຸນ​ດອກບົວ ​ໄຕ​ໂຮ່, ງານ​ວາງສະ​ແດງ​ສິນຄ້າ​ພາກ​ພື້ນ ​ແລະ ​ອື່ນໆ... ບັນດາ​ເຫດການ​ດັ່ງກ່າວ​ຈະ​ເປັນ​ຊ່ອງ​ທາງ​ໃຫ້​ບໍ່​ພຽງ​ແຕ່​ສອງ​ແຂວງ​ ຝູ໋ເຖາະ, ຫວິ້ງຟຸກ ໂຄສະນາເຜີຍແຜ່, ເຊື່ອມໂຍງຈຳໜ່າຍຜະລິດຕະພັນ ກະສິກຳ ປ່າໄມ້ ສິນໃນນຳ້ທີ່ປອດໄພຂອງ ຮ່າໂນ້ຍເທົ່າ​ນັ້ນ ​ແຕ່​ຍັງ​ແມ່ນໂອກາດຂອງບັນດາ​ແຂວງ, ນະຄອນ​ໃນ​ທົ່ວ​ປະ​ເທດອີກດ້ວຍ...