ຕອນຄຳ່ວັນທີ 9 ພະຈິກ, ຢູ່ຮ່າໂນ້ຍ, ສູນກາງສະຫະພັນຊາວໜຸ່ມ ຫວຽດນາມ ໄດ້ສົມທົບກັບກະຊວງສຶກສາ ແລະ ບຳລຸງສ້າງ, ກຸ່ມບໍລິສັດ ທຽນລອງ ຈັດຕັ້ງລາຍການ “ແບ່ງປັນກັບຄູອາຈານ” ປີ 2026.
ພິທີເຊີດຊູຈັດຂຶ້ນໃນວັນທີ 9 ພະຈິກ. (ພາບ: VNA)
ປີນີ້, ລາຍການ “ແບ່ງປັນກັບຄູອາຈານ” ໄດ້ເຊີດຊູຄູອາຈານດີເດັ່ນ 34 ຄົນ. ໃນນັ້ນມີ 14 ຄົນແມ່ນຊາວຊົນເຜົ່າສ່ວນໜ້ອຍຂອງ 8 ຊົນເຜົ່າ. ກ່າວຄຳເຫັນນະພິທີ, ອ້າຍ ຫງວຽນກິມກຸຍ, ເລຂາສູນກາງຊາວໜຸ່ມ, ປະທານສະຫະພັນຊາວໜຸ່ມ ຫວຽດນາມ, ປາດຖະໜາວ່າ: ບັນດາອ້າຍເອື້ອຍຄູ ຍາມໃດກໍ່ຮັກສາໄດ້ຄວາມຮັກຕໍ່ອາຊີບ, ມີເງື່ອນໄຂສະດວກຫຼາຍກວ່າເພື່ອສິດສອນ, ມີຄວາມມ່ວນຊື່ນຕື່ມອີກເມື່ອເຫັນນັກຮຽນຂອງຕົນກ້າວໜ້າ ແລະ ເຕີບໃຫຍ່:
“ສຳລັບຄະນະຊາວໜຸ່ມ, ສະມາຄົມ, ຮ່ວມເດີນທາງພ້ອມກັບຄູອາຈານ ກໍ່ແມ່ນການປະກອບສ່ວນເບິ່ງແຍງດູແລ, ສຶກສາ ແລະ ຝຶກອົບຮົມລຸ້ນໜຸ່ມ. ສຳລັບພວກເພື່ອນສະມາຊິກຊາວໜຸ່ມ, ຊາວໜຸ່ມ, ບັນດາເລື່ອງລາວມື້ນີ້ແມ່ນບົດຮຽນກ່ຽວກັບຄວາມຮັບຜິດຊອບ, ນຳ້ໃຈເມດຕາ ແລະ ເຈດຈົງນົງຜ່ານຜ່າຄວາມຫຍຸ້ງຍາກ. ຫວັງວ່າ, ພວກເພື່ອນສະແດງຄວາມຮູ້ບຸນຄຸນຕໍ່ອ້າຍເອື້ອຍຄູດ້ວຍຄວາມພະຍາ ຍາມຮຳ່ຮຽນ, ອອກແຮງງານ, ດ້ວຍການດຳລົງຊີວິດທີ່ດີ ແລະ ມີປະໂຫຍດ; ເປັນເຈົ້າການເຂົ້າຮ່ວມບັນດາວຽກງານເໝາະສົມເພື່ອຊ່ວຍເຫຼືອ ນັກຮຽນ ປະສົບກັບຄວາມຫຍຸ້ງຍາກ. ນັ້ນກໍ່່ແມ່ນວິທີແທດຈິງ ເພື່ອໃຫ້ໄວໜຸ່ມ ປະຕິບັດຂະບວນການ “ຂ້ອຍຮັກປະເທດຊາດຂອງຂ້ອຍ” ແລະ ເຊື່ອມຕໍ່ບັນດາສິ່ງທີ່ດີງາມເຊິ່ງອ້າຍເອື້ອຍຄູໄດ້ເພີ່ມພຸນຄຸນສ້າງ”.