ທ່ານພົນເອກ ໂງຊວັນລິກ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບທ່ານ Lim Jock Hoi, ເລຂາທິການໃຫຍ່ອາຊຽນ.
ທ່ານພົນເອກ ໂງຊວັນລິກ ຕ້ອນຮັບທ່ານ Lim Jock Hoi, ເລຂາທິການໃຫຍ່ອາຊຽນ
(ພາບ: TTXVN)
ໃນຂອບເຂດກອງປະຊຸມວົງແຄບລັດຖະມົນຕີກະຊວງປ້ອງກັນປະເທດບັນດາປະເທດອາຊຽນ (ADMM ວົງແຄບ) ເຊິ່ງໄດ້ດຳເນີນຢູ່ຮ່າໂນ້ຍ, ຕອນເຊົ້າວັນທີ 19 ກຸມພາ, ທ່ານພົນເອກ ໂງຊວັນລິກ, ລັດຖະມົນຕີກະຊວງປ້ອງກັນປະເທດຫວຽດນາມ ໄດ້ໃຫ້ການຕ້ອນຮັບທ່ານ Lim Jock Hoi, ເລຂາທິການໃຫຍ່ອາຊຽນ.
ທີ່ການຕ້ອນຮັບ, ທ່ານພົນເອກ ໂງຊວັນລິກ ສະແດງຄວາມປາດຖະໜາຢາກສືບຕໍ່ໄດ້ຮັບການໜູນຊ່ວຍດ້ານວິຊາສະເພາະຂອງຄະນະເລຂາອາຊຽນ ໃນການສ້າງເນື້ອໃນກອງປະຊຸມ ແລະ ທາບທາມຄວາມເຫັນກ່ຽວກັບຂໍ້ລິເລີ່ມ, ສ້າງເອກະສານໃຫ້ຄຳນິຍາມແກ່ຂໍ້ລິເລີ່ມໃໝ່, ບຳລຸງສ້າງວິຊາການດ້ານເລຂາກອງປະຊຸມ.
ທ່ານ Lim Jock Hoi ຢືນຢັນວ່າ, ຈະຕັ້ງໜ້າໜູນຊ່ວຍຝ່າຍ ຫວຽດນາມ ກ່ຽວກັບບັນດາບັນຫາທີ່ກ່ຽວຂ້ອງໃນປີຫວຽດນາມ ດຳລົງຕຳແໜ່ງເປັນປະທານອາຊຽນ, ປະກອບສ່ວນສ້າງປະຊາຊົນອາຊຽນ ໃຫ້ໝັ້ນຄົງ, ເຂັ້ມແຂງ.
ໃນຕອນເຊົ້າວັນດຽວກັນ, ທ່ານພົນເອກ ໂງຊວັນລິກ ກໍ່ໄດ້ໃຫ້ການຕ້ອນຮັບທ່ານພົນເອກ Tea Banh, ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດກຳປູເຈຍ. ການນຳ 2 ທ່ານໄດ້ເຫັນດີນຳກັນວ່າ ຈະສືບຕໍ່ຊີ້ນຳນຳພາບັນດາອົງການ, ຫົວໜ່ວຍຂອງກະຊວງປ້ອງກັນປະເທດ ຜັນຂະຫຍາຍບັນດາກົນໄກຮ່ວມມືທີ່ໄດ້ລົງນາມແລ້ວ…
(ແຫຼ່ງຄັດຈາກ VOV)