ຕອນຄ່ຳວັນທີ 07 ເມສາ, ຢູ່ວັດ Cadaransi, ເມືອງ 3, ນະຄອນໂຮ່ຈິມິນ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ເຈືອງຮ່ວາບິ່ງ ໄດ້ລົງຢ້ຽມຢາມ, ອວຍພອນບັນດາພະສົງສຳມະເນນ, ພຸດທະສາສະນິກກະຊົນ ນາມຕົງຂະແມ ແລະ ຜູ້ຕາງໜ້າຊາວເຜົ່າຂະແມ ເນື່ອງໃນໂອກາດບຸນປີໃໝ່ Chol Chnam Thmay.
(ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ເຈືອງຮ່ວາບິ່ງ
ລົງຢ້ຽມຢາມ, ອວຍພອນປີໃໝ່ Chol Chnam Thmay)
ຢູ່ທີ່ນີ້, ທ່ານຮອງນາຍົກລັດຖະມົນຕີ ເຈືອງຮ່ວາບິ່ງ ຢືນຢັນວ່າ, ພັກ ແລະ ລັດ ຍາມໃດກໍ່ເຄົາລົບ ແລະ ຮັບປະກັນສິດເສລີໃນການເຫຼື້ອມໄສເຊື່ອຖືສາສະໜາ, ການເຄື່ອນໄຫວດຳລົງຊີວິດດ້ານສາສະໜາທີ່ຖືກຕາມກົດໝາຍ, ສ້າງເງື່ອນໄຂໃຫ້ແກ່ພໍ່ແມ່ປະຊາຊົນຜູ້ທີ່ມີຄວາມເຊື່ອຖືສາສະໜາ, ຜູ້ມີຍົດສັກຕຳແໜ່ງ, ໃນນັ້ນມີສາສະໜາພຸດທີ່ປະຕິບັດການເຄື່ອນໄຫວຖືສິນກິນທານ, ການເຫຼື້ອມໄສເຊື່ອຖື. ທ່ານຮອງນາຍົກລັດຖະມົນຕີ ເຈືອງຮ່ວາບິ່ງ ສະແດງຄວາມເຊື່ອໝັ້ນວ່າ, ວັດ Cadaransi ສືບຕໍ່ບໍ່ພຽງແຕ່ແມ່ນບ່ອນເຕົ້າໂຮມຂອງຊາວເຜົ່າຂະແມ ນະຄອນໂຮ່ຈິມິນ ແລະ ບັນດາແຂວງ, ນະຄອນອື່ນໆເທົ່ານັ້ນ, ຫາກຍັງແມ່ນເຂດອະນຸລັກຮັກສາບັນດາຄຸນຄ່າທາງດ້ານສາສະໜາ, ວັດທະນະທຳທີ່ເປັນມູນເຊື້ອຂອງຊາວເຜົ່າຂະແມ ອີກດ້ວຍ.
(ແຫຼ່ງຄັດຈາກ VOV)