ຂ່າວສານ

ມຽນມາ ຈັດວາງກົດໄອຍະການເສິກ ໃນບາງແຫ່ງຢູ່ Yangon

      ວັນທີ 14 ມີນາ, ສະພາບໍລິຫານແຫ່ງລັດ ມຽນມາ ໄດ້ຈັດວາງກົດໄອຍະການເສິກ ຢູ່ເມືອງ Hlaingthaya ແລະ Shwe Pyi Thar ຢູ່ນະຄອນ Yangon.
ແຫ່ຂະບວນປະທ້ວງເຕົ້າໂຮມກັນຢູ່ ນະຄອນ Yangon (ພາບ:  AFP/TTXVN)
      ສື່ມວນຊົນແຫ່ງລັດ ມຽນມາ ໄດ້ໃຫ້ຂ່າວວ່າ  ຕາມແຫຼ່ງຂ່າວດັ່ງກ່າວແລ້ວ, ສະພາບໍລິຫານແຫ່ງລັດ ມຽນມາ ໄດ້ມອບສິດໃຫ້ຜູ້ບັນຊາການເຂດ Yangon ໄດ້ຈັດວາງກົດໄອຍະການເສິກ. ຕາມສື່ມວນຊົນຂອງປະເທດປະຈຳຖິ່ນແລ້ວ, ຂໍ້ຕົກລົງດັ່ງກ່າວ ໄດ້ຍົກອອກມາ ພາຍຫຼັງທີ່ໂຮງງານບາງແຫ່ງທີ່ຕັ້ງຢູ່ບັນດາສະຖານທີ່ດັ່ງກ່າວຖືກຈູດເຜົາທຳລາຍ.
        ນັບແຕ່ວັນທີ 1 ກຸມພາ, ກອງທັບ ມຽນມາ ໄດ້ປະກາດສະພາວະສຸກເສີນທີ່ແກ່ຍາວເປັນເວລາ 1 ປີ. ສິດອຳນາດແຫ່ງລັດ ໄດ້ຖືກມອບໂອນໃຫ້ແກ່ທ່ານຈອມພົນ Min Aung Hlaing ຜູ້ບັນຊາການທະຫານສູງສຸດ, ປະທານສະພາບໍລິຫານແຫ່ງລັດ ທີ່ຫາກໍໄດ້ຮັບການສ້າງຕັ້ງຂຶ້ນ. 
(ແຫຼ່ງຄັດຈາກ VOV)


top