ວັນທີ 6 ກໍລະກົດເຊິ່ງແມ່ນມື້ເຮັດວຽກທີ 2 ຂອງກອງປະຊຸມຄັ້ງທີ 3 ຄະນະບໍລິຫານງານສູນກາງພັກຊຸດທີ XIII.
ມື້ເຮັດວຽກທີ 2 ຂອງກອງປະຊຸມຄັ້ງທີ 3 ຄະນະບໍລິຫານງານສູນກາງພັກຊຸດທີ XIII
ຕອນເຊົ້າ: ຄະນະບໍລິຫານງານສູນກາງພັກ ໄດ້ເຮັດວຽກຢູ່ ຫໍປະຊຸມເພື່ອປຶກສາຫາລືກ່ຽວກັບສະພາບການ, ໝາກຜົນຂອງການປະຕິບັດແຜນການພັດທະນາເສດຖະກິດ - ສັງຄົມ, ການເງິນແຫ່ງຊາດ, ການລົງທຶນສາທາລະນະໄລຍະ 5 ປີ 2016 – 2020 ແລະ ຄາດຄະເນແຜນການ 5 ປີ 2021 – 2025. ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ບໍລິຫານການປຶກສາຫາລື.
ຕອນບ່າຍ: ຄະນະບໍລິຫານງານສູນກາງພັກ ໄດ້ ເຮັດວຽກຢູ່ຕາມໜ່ວຍປຶກສາຫາລືຮ່າງກົດລະບຽບເຮັດວຽກຂອງຄະນະບໍລິຫານງານສູນກາງພັກ, ກົມການເມືອງ ແລະ ຄະນະເລຂາສູນກາງພັກຊຸດທີ XIII, ຮ່າງກົດລະບຽບການເຮັດວຽກຂອງຄະນະກວດກາສູນກາງພັກຊຸດທີ XIII.
ຫຼັງຈາກນັ້ນ, ຄະນະບໍລິຫານງານສູນກາງພັກ ໄດ້ດຳເນີນປະຊຸມ, ພິຈາລະນາ, ປະຕິບັດວິໄນພະນັກງານ. ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຝຸຈ້ອງ ເປັນປະທານ ແລະ ບໍລິຫານລາຍການກອງປະຊຸມ, ຄະນະບໍລິຫານງານສູນກາງພັກ ໄດ້ປຶກສາຫາລື, ສະຫຼຸບ ແລະ ລົງມະຕິປະຕິບັດວິໄນ ອະດີດກຳມະການສູນກາງພັກ 2 ຄົນ.
(ແຫຼ່ງຄັດຈາກ VOV)