ທ່ານປະທານສະພາແຫ່ງຊາດ ສະເໜີການນຳ, ພະລັກງານ, ຄູສອນ ແລະ ນັກສຶກສາ ຂອງໂຮງຮຽນຢຶດໝັ້ນປ່ຽນແປງການສຶກສາມະຫາວິທະຍາໄລໂດຍພື້ນຖານ ແລະ ຮອບດ້ານ; ຍົກສູງຄຸນນະພາບໃນການບຳລຸງສ້າງຕາມມາດຖານສາກົນຢ່າງແທ້ຈິງ.
ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມກ່າວຄຳເຫັນທີ່ພິທີ (ພາບ: VNA)
ກ່າວຄຳເຫັນທີ່ພິທີສະເຫຼີມສະຫຼອງ 60 ປີແຫ່ງວັນສ້າງຕັ້ງມະຫາວິທະຍາໄລບໍ່ແຮ່ - ທໍລະນີສາດ (15/11/1966-15/11/2026) ແລະ ຕ້ອນຮັບຫຼຽນໄຊແຮງງານຊັ້ນສາມ, ຕອນເຊົ້າວັນທີ 14 ພະຈິກ, ຢູ່ບໍລິເວນຂອງໂຮງຮຽນຢູ່ຮ່າໂນ້ຍ, ທ່ານ ເຈິ່ນແທັງເໝິນ ປະທານສະພາແຫ່ງຊາດ ຫວຽດນາມ ໄດ້ເນັ້ນໜັກວ່າ ທາງໂຮງຮຽນຕ້ອງເປັນເຈົ້າເຕັກໂນໂລຢີສຳຫຼວດລົງເລິກໃຕ້ດິນ, ບືນຕົວອອກໄປສູ່ທະເລ, ຂຸດຄົ້ນ, ປຸງແຕ່ງລົງເລິກແຮ່ທາດຍຸດທະສາດຮັບໃຊ້ອຸດສາຫະກຳເຕັກໂນໂລຢີສູງ, ຮັບປະກັນຄວາມໝັ້ນຄົງດ້ານພະລັງງານແຫ່ງຊາດ.
ທ່ານປະທານສະພາແຫ່ງຊາດ ສະເໜີການນຳ, ພະລັກງານ, ຄູສອນ ແລະ ນັກສຶກສາ ຂອງໂຮງຮຽນຢຶດໝັ້ນປ່ຽນແປງການສຶກສາມະຫາວິທະຍາໄລໂດຍພື້ນຖານ ແລະ ຮອບດ້ານ; ຍົກສູງຄຸນນະພາບໃນການບຳລຸງສ້າງຕາມມາດຖານສາກົນຢ່າງແທ້ຈິງ. ທາງໂຮງຮຽນຕ້ອງປ່ຽນແປງໃໝ່ຫຼັກສູດຢ່າງແຮງຕາມທິດທັນສະໄໝ, ລະຫວ່່າງຂະແໜງ, ສະສົມຄວາມສາມາດດ້ານດີຈີຕອນ ແລະ ການຫັນເປັນສີຂຽວ, ເພີ່ມທະວີການຕິດພັນລະຫວ່າງ ໂຮງຮຽນ ກັບການວຽກງານຕົວຈິງ ແລະ ທ້ອງຖິ່ນ; ເປັນເຈົ້າການບຳລຸງສ້າງແຫຼ່ງຊັບພະຍາກອນມະນຸດທີ່ຍອດຢ້ຽມ, ບັນດານັກຊ່ຽວຊານແຖວໜ້າໃນບັນດາຂົງເຂດໃໝ່. ທ່ານ ໃຫ້ຮູ້ວ່າ:
ສຸມໃສ່ຄົ້ນຄ້ວາເຂົ້າບັນດາຂົງເຂດຫຼັກແຫຼ່ງ, ເປັນເຈົ້າບັນດາເຕັກໂນໂລຢີສຳຫຼວດ, ຂຸດຄົ້ນແຮ່ທາດຍຸດທະສາດ, ດິນຫາຍາກ; ເຕັກໂນໂລຢີຂຸດຄົ້ນບໍ່ແຮ່ຢູ່ໃຕ້ດິນທີ່ປອດໄພ; ການເຈາະໃຕ້ດິນຢູ່ເຂດຕົວເມືອງ ແລະ ລະບົບກ່າວເຕືອນໄພທຳມະຊາດ, ນ້ຳຖ້ວມນ້ຳແກ່ວງ, ດິນເຊາະເຈື່ອນໂດຍໄວ. ຫັນປ່ຽນຢ່າງແຮງຈາກການຄົ້ນຄ້ວາຮັບໃຊ້ ໄປສູ່ ການຄົ້ນຄ້ວານຳພາ; ຖືການນຳໃຊ້ໃນຕົວຈິງ, ປະສິດທິຜົນດ້ານເສດຖະກິດສັງຄົມແມ່ນໄມ້ຫຼ້າວັດແທກຄຸນຄ່າວິທະຍາສາດ. ສືບຕໍ່ຍົກສູງຄຸນນະພາບການໃຫ້ຄຳປຶກສາດ້ານນະໂຍບາຍ ແລະ ສ້າງສຳເລັດລະບອບລະບຽບການ.