ຕັ້ງຢູ່ແຄມໜອງ ນໍ້າຈາ໊ ຂອງ ເມືອງ ຈຸ່ງແຄ໋ງ (ແຂວງ ກາວບັ່ງ), ທັດສະນີຍະພາບ ມັດເທິ່ນໜຸຍ (ຕາເທບພະເຈົ້າ ແຫ່ງພູເຂົາ) ທ່ີສວຍງາມ ແບບທໍາມະຊາດ ແລະ ໃຫຍ່ໂຕມະໂຫຖານ ໄດ້ ຖືວ່າ ເປັນພູເຂົາ ທີ່ສວຍງາມ ແລະ ແປກປະຫຼາດ ຂອງ ຫວຽດ ນາມ, ໄດ້ດຶງດູດນັກທ່ອງທ່ຽວ ໃຫ້ມາທ່ຽວຊົມ ແລະ ຄົ້ນຫາ ເປັນຈຳນວນຫຼວງຫຼາຍ.
ຕັ້ງຢູ່ແຄມໜອງ ນໍ້າຈາ໊ ຂອງ ເມືອງ ຈຸ່ງແຄ໋ງ (ແຂວງ ກາວບັ່ງ), ທັດສະນີຍະພາບ ມັດເທິ່ນໜຸຍ (ຕາເທບພະເຈົ້າ ແຫ່ງພູເຂົາ) ທ່ີສວຍງາມ ແບບທໍາມະຊາດ ແລະ ໃຫຍ່ໂຕມະໂຫຖານ ໄດ້ ຖືວ່າ ເປັນພູເຂົາ ທີ່ສວຍງາມ ແລະ ແປກປະຫຼາດ ຂອງ ຫວຽດ ນາມ, ໄດ້ດຶງດູດນັກທ່ອງທ່ຽວ ໃຫ້ມາທ່ຽວຊົມ ແລະ ຄົ້ນຫາ ເປັນຈຳນວນຫຼວງຫຼາຍ.
ພູເຂົາແຫ່ງນີ້ ໄດ້ຖືກສ້າງຂຶ້ນເມື່ອປະມານ 300 ລ້ານປີກ່ອນ,ໂດຍຜ່ານຂະບວນການ ທາງທໍລະນີສາດ ທີ່ສັບສົນ ແລະ ເປັນພະຍານເຖິງພະລັງ ຂອງທຳມະຊາດ ແລະ ເປັນສະຖານທີ່ທີ່ດຶງດູດນັກທ່ອງທ່ຽວ ຈາກທົ່ວທຸກມຸມໂລກ ໃຫ້ມາຢ້ຽມຊົມ.
ຊາວທ້ອງຖິ່ນເອີ້ນ ມັດເທິ່ນໜຸຍ ວ່າ “Phja Piót” (ໝາຍຄວາມ ວ່າ ພູເຂົາຖືກເຈາະ). ມີເລື່ອງເລົ່າສືບທອດກັນມາວ່າ ພູເຂົາ ແຫ່ງນີ້ ເຄີຍເປັນບ່ອນຢູ່ອາໄສຂອງ ມັງກອນ ໂຕໜຶ່ງ ທີ່ໂຫດ ຮ້າຍ. ມື້ໜຶ່ງ, ມີຊາຍໜຸ່ມ ກ້າຫານຄົນໜຶ່ງ ໄດ້ຂ້າ ມັງກອນ ແລະ ປົດປ່ອຍປະຊາຊົນ ອອກຈາກການປົກຄອງ ທີ່ໂຫດຮ້າຍ ຂອງມັນ. ເພື່ອເປັນການລະນຶກເຖິງໄຊຊະນະ ຂອງຊາຍໜຸ່ມ, ພູເຂົາແຫ່ງນີ້ ໄດ້ຕັ້ງຊື່ວ່າ ມັດເທິ່ນ (ຕາຂອງເທບພະເຈົ້າ).
ເສັ້ນທາງໄປຫາ ມັດເທິ່ນໜຸຍ ຢູ່ສອງຝາກທາງ ເປັນທົ່ງນາ ມີຮົ້ວຫີນ ອ້ອມຮອບ. ພາບ: ກົງດາດ/VNP
ຈຸດເດັ່ນທີ່ສຸດຂອງ ມັດເທິ່ນໜຸຍ ແມ່ນຂຸມໃຫຍ່ແຫ່ງໜຶ່ງຢູ່ເທິງເປີ້ນພູ. ຂຸມແຫ່ງນີ້ ມີເສັ້ນຜ່າສູນກາງປະມານ 50 ມ ແລະ ສູງປະມານ 30 ມ, ສ້າງຄວາມຮູ້ສຶກຄືວ່າ ສາຍຕາ ຂອງພູເຂົາ ທີ່ ພວມຕິດຕາມທຸກສິ່ງທຸກຢ່າງຢູ່ອ້ອມຂ້າງ. ຈາກຈອມພູ, ນັກທ່ອງທ່ຽວ ສາມາດຊົມ ທັດສະນີຍະພາບ ທັງໝົດຂອງ ຂົງເຂດ ນີ້, ລວມທັງພູຫີນປູນ ທີ່ໃຫຍ່ໂຕມະໂຫຖານ, ທົ່ງນາສີຂຽວ ອຸ່ມ ທຸ່ມ ແລະ ໝູ່ບ້ານທີ່ສະຫງົບສຸກ ຫຼາຍແຫ່ງ.
ປັດຈຸບັນ, ມັດເທິ່ນໜຸຍ ເປັນຈຸດໝາຍປາຍທາງທີ່ ເໝາະສົມ ສໍາລັບ ຜູ້ທີ່ມີຄວາມຮັກມັກກັບການທ່ອງທ່ຽວສຳຫຼວດ ແລະ ສໍາຜັດກັບທໍາມະຊາດ. ນັກທ່ອງທ່ຽວມາທີ່ນີ້ ສາມາດເຂົ້າຮ່ວມການເຄື່ອນໄຫວຕ່າງໆ ເຊັ່ນ: ປີນພູ, ຍ່າງປ່າ, ສຳຫຼວດຖ້ຳ, ຂີ່ເຮືອ kayak ແລະ ຊອກຮູ້ກ່ຽວກັບວັດທະນະທຳ ທ້ອງຖິ່ນ.
ນັກທ່ອງທ່ຽວ ຂີ່ເຮືອໄປທ່ຽວຊົມ ມັດເທິ່ນໜຸຍ ແລະ ເຂດອ້ອມໜອງ ທັງແຮນ. ພາບ: ກົງດາດ/VNP
ຄວາມງາມແບບທໍາມະຊາດ ທີ່ມີພ້ອມ ຂອງ ມັດເທິ່ນໜຸຍ ໄດ້ ຮັກສາໄວ້ແບບດັ່ງເດີ່ມຕະຫຼອດປີ. ນັກທ່ອງທ່ຽວ ມັກເລືອກໄປທ່ຽວຊົມ ມັດເທິ່ນໜຸຍ ໃນລະດູນໍ້າແຫ້ງ (ເດືອນ ກັນຍາ ແລະ ຕຸລາ ຂອງທຸກໆ ປີ) ເພາະວ່າ ໃນໄລຍະນີ້ ທຸກຄົນ ສາມາດ ເດີນສໍາຫຼວດ ແລະ ສໍາຜັດປະສົບການຕ່າງໆ ໄດ້ຫຼາຍຂຶ້ນ.
ດ້ວຍທັດສະນີຍະພາບ ທຳມະຊາດ ທີ່ສວຍງາມຊວນຝັນນັ້ນ, ສະຖານທີ່ແຫ່ງນີ້ ໄດ້ກາຍເປັນຈຸດໝາຍປາຍທາງ ແຫ່ງໃໝ່ທີ່ຊາວໜຸ່ມນິຍົມ ໃນໄລຍະມໍ່ໆມານີ້ ແລະ ໄດ້ຕັ້ງຊື່ວ່າ “ຕວຽດ
ຕິ່ງກົກ” ຢູ່ເຂດປ່າຕຶບດົງໜາ ດ້ວຍທິວທັດທີ່ສວຍງາມອັນຍອດ ຍິ່ງ ຂອງໂລກ.
ມາຮອດ ມັດເທິ່ນໜຸຍ, ນັກທ່ອງທ່ຽວສາມາດມີປະສົບການກັບການບໍລິການ ຕັ້ງຄ້າຍພັກຂ້າມຄືນ. ພາບ: ກົງດາດ/VNP
ຫ່າງຈາກໃຈກາງນະຄອນ ກາວບັ່ງ ປະມານ 50 ກມ, ເພື່ອໄປ ຫາ ມັດເທິ່ນໜຸຍ, ນັກທ່ອງທ່ຽວ ສາມາດໄປຕາມເສັ້ນທາງ ດັ່ງ ນີ້: ເສັ້ນທາງຫຼວງ ແຫ່ງຊາດເລກ 3 (12 ກມ) - ກິ່ວ ໝາ໊ຝຸກ - ເສັ້ນທາງເລກ 205 (ຕາມເສັ້ນທາງໄປຫາ ຈ່າຫຼິ໊ງ ປະມານ 7 ກມ) - ໜອງທາງແຮນ - ບ້ານ ບານແຢງ, ຕາແສງ ກວັກຕວານ - ລ້ຽວໄປຕາມເສັ້ນທາງນ້ອຍຢູ່ຕີນພູ ແລະ ຍ່າງອີກ ປະມານ 1,5 ກມ.
- ບົດ ແລະ ພາບ: VNP/ກົງດາດ - ແປໂດຍ: ຢືຟຽນ