ວັນທີ 9 ມັງກອນ ຢູ່ຮ່າໂນ້ຍ, ສະມາຄົມນັກປະພັນ ຫວຽດນາມ ໄດ້ຈັດຕັ້ງພິທີປຸກລະດົມການຂົນຂວາຍແຕ່ງບົດປະພັນວັນນະຄະດີກ່ຽວກັບຫົວຂໍ້ອະນຸຊົນ ແລະ ມອບລາງວັນນັກປະພັນໜຸ່ມ ຄັ້ງທໍາອິດ. ທ່ານປະທານປະເທດຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມ ແລະ ກ່າວຄຳເຫັນຊີ້ນຳກອງປະຊຸມ.
ທ່ານປະທານປະເທດ ຫງວຽນຊວັນຟຸກ ມອບລາງວັນນັກປະພັນໜຸ່ມ ຄັ້ງທຳອິດ (ພາບ: TTXVN)
ການຂົນຂວາຍແຕ່ງບົດປະພັນວັນນະຄະດີກ່ຽວກັບຫົວຂໍ້ອະນຸຊົນ ຈະດຳເນີນໃນເວລາ 5 ປີ, ນັບແຕ່ທ້າຍປີ 2021 ຫາເດືອນ ພຶດສະພາ 2025. ເປົ້າໝາຍເຂົ້າຮ່ວມແມ່ນພົນລະເມືອງ ຫວຽດນາມ ທັງຢູ່ພາຍໃນ ແລະ ຕ່າງປະເທດ. ກ່າວຄຳເຫັນທີ່ພິທີ, ທ່ານປະທານປະເທດ ຫວຽດນາມ ຫງວຽນຊວັນຟຸກ ເນັ້ນໜັກວ່າ:
“ບັນດາບົດປະພັນ ວັນນະຄະດີສິລະປະເຮັດໃຫ້ມະນຸດມີຊີວິດທີ່ມີກຽດສັກສີ, ວັດທະນະທຳມະນຸດ ແລະ ມີຈິດໃຈທີ່ອຸດົມສົມບູນ. ຍ້ອນເຫດນັ້ນ, ຂ້າພະເຈົ້າຊົມເຊີຍ ແລະ ສະໜັບສະໜູນຍຸດທະສາດຂອງສະມາຄົມນັກປະພັນວັນນະຄະດີ ຫວຽດນາມ ເພື່ອແນໃສ່ຜະລິດອອກບັນດາບົດປະພັນວັນນະຄະດີທີ່ດີໃຫ້ແກ່ເດັກ, ພິເສດ ແມ່ນເດັກນ້ອຍຢູ່ເຂດພູດອຍ, ເຂດຫ່າງໄກສອກຫຼີກ. ຂ້າພະເຈົ້າຮຽກຮ້ອງໃຫ້ນັກປະພັນ ຫວຽດນາມ ຈົ່ງຂົນຂວາຍທົ່ວສັງຄົມສະຫງວນສິ່ງທີ່ດີທີ່ສຸດໃຫ້ແກ່ເດັກເພື່ອອະນາຄົດຂອງປະເທດຊາດ”.
(ແຫຼ່ງຄັດຈາກ VOV)