ຕອນຄ່ຳວັນທີ 22 ກໍລະກົດ, ທີ່ເມືອງ ໂມກເຈົາ ແຂວງ ເຊີນລາ, ກະຊວງປ້ອງກັນປະເທດ, ກອງບັນຊາການທະຫານປ້ອງກັນຊາຍແດນ ຫວຽດນາມ ຈັດຕັ້ງລາຍການພົວພັນແລກປ່ຽນພິເສດ “ໄມຕິຈິດມິດຕະພາບຊາຍແດນ ຫວຽດ - ລາວ”.
ລາຍການພົວພັນແລກປ່ຽນພິເສດ “ໄມຕິຈິດມິດຕະພາບຊາຍແດນ ຫວຽດ - ລາວ” (ພາບອິນເຕີແນັດ)
ນີ້ແມ່ນລາຍການພົວພັນແລກປ່ຽນຄັ້ງທຳອິດ ໄດ້ຮັບການຜັນຂະຫຍາຍຢູ່ເສັ້ນຊາຍແດນ ຫວຽດນາມ - ລາວ ເພື່ອແນໃສ່ເພີ່ມທະວີນ້ຳໃຈສາມັກຄີ, ມິດຕະພາບທີ່ເປັນມູນເຊື້ອລະຫວ່າງອຳນາດການປົກຄອງ, ປະຊາຊົນ ແລະ ກຳລັງປ້ອງກັນຊາຍແດນ 2 ປະເທດ; ຍູ້ແຮງການພົວພັນສົມທົບກັນຄຸ້ມຄອງ, ປ້ອງກັນຊາຍແດນ, ຄວບຄຸມຄົນເຂົ້າອອກເມືອງ, ສູ້ຊົນປ້ອງກັນ, ຕ້ານອາດຊະຍາກຳລະຫວ່າງກຳລັງທະຫານປ້ອງກັນຊາຍແດນ ຫວຽດນາມ ກັບກຳລັງປ້ອງກັນຊາຍແດນ ລາວ; ປະກອບສ່ວນສ້າງຊາຍແດນສັນຕິພາບ, ມິດຕະພາບ, ຮ່ວມມື ແລະ ພັດທະນາ. ທີ່ລາຍການພົວພັນແລກປ່ຽນ, ບັນດາແຂກຖືກເຊີນຂອງ 2 ປະເທດ ຫວຽດນາມ, ລາວ ສືບຕໍ່ຢືນຢັນກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ 2 ປະເທດໝັ້ນຄົງຂະໜົງແກ່ນຈົນຊົ່ວກາລະນານ; ພ້ອມທັງແບ່ງປັນກ່ຽວກັບວຽກງານພົວພັນຕ່າງປະເທດອຳນາດການປົກຄອງ, ພົວພັນແລກປ່ຽນປະຊາຊົນ, ການຕ່າງປະເທດຊາຍແດນ ແລະ ການສົມທົບກັນໃນການປະຕິບັດໜ້າທີ່ຄຸ້ມຄອງ, ປົກປັກຮັກສາອະທິປະໄຕຄວາມສະຫງົບປອດໄພຊາຍແດນ…
(ແຫຼ່ງຄັດຈາກ VOV)