ຕອນບ່າຍວັນທີ 27 ພຶດສະພາ ຢູ່ ຮ່າໂນ້ຍ, ກອງທຶນອຸປະກະລະເດັກນ້ອຍຫວຽດນາມ ໄດ້ຈັດຕັ້ງການພົບປະກັບເດັກນ້ອຍດີເດັ່ນທີ່ປະສົບກັບຄວາມຫຍຸ້ງຍາກພິເສດ ເນື່ອງໃນໂອກາດວັນເດັກນ້ອຍສາກົນ 1/6 ແລະ ຕອບສະຫນອງເດືອນເຄື່ອນໄຫວເພື່ອເດັກນ້ອຍປີ 2017.
ທ່ານນາງ ຫງວຽນທິຢວານ ອະດີດຮອງປະທານປະເທດມອບຂອງຂວັນໃຫ້ເດັກປະສົບກັບຄວາມຫຍຸ້ງຍາກ
ກ່າວຄຳເຫັນທີ່ການພົບປະ, ທ່ານນາງ ດາວຮົ່ງລານ, ຮອງລັດຖະມົນຕີກະຊວງແຮງງານ ທະຫານເສຍອົງຄະ ແລະ ສັງຄົມ ພ້ອມກັບບັນດາກະຊວງ, ຂະແຫນງການ, ທ້ອງຖິ່ນຕ່າງໆ ຈະສືບຕໍ່ຜັນຂະຫຍາຍການປະຕິບັດແຜນນະໂຍບາຍ, ນະໂຍບາຍກົດໝາຍຂອງລັດກ່ຽວກັບການປົກປ້ອງ, ເບິ່ງແຍງດູແລ ແລະ ສຶກສາເດັກນ້ອຍຢ່າງມີປະສິດທິຜົນ. ພ້ອມທັງຍູ້ແຮງວຽກງານໂຄສະນາ, ສຶກສາ, ຂົນຂວາຍເພື່ອໃຫ້ປະຊາຊົນທຸກຄົນເຫັນໄດ້ລັກສະນະຮີບດ່ວນ ແລະ ຄວາມສຳຄັນຂອງວຽກງານປົກປ້ອງ, ເບິ່ງແຍງດູແລ, ສຶກສາເດັກນ້ອຍ.
“ການພົບປະກັບເດັກນ້ອຍໃນມື້ນີ້ແມ່ນມີຄວາມໝາຍ ສົ່ງຜົນກະທົບອັນໃຫຍ່ຫລວງຕໍ່ຊີວິດກໍ່ຄືການເຕີບໃຫຍ່ຂອງພວກນ້ອງນ້ອຍໃນອະນາຄົດ. ນີ້ກໍ່ແມ່ນກຳລັງຫນູນເພື່ອໃຫ້ພວກນ້ອງນ້ອຍທີ່ປະສົບກັບຄວາມຫຍຸ້ງຍາກພິເສດໃນທົ່ວປະເທດບື່ນຕົວຂຶ້ນໃນຊີວິດ. ບັນດາຜູ້ໃຈບຸນໃຈກຸສົນ, ການນຳພັກ, ລັດ ພ້ອມກັນຫນູນຊ່ວຍໃຫ້ພວກນ້ອງໃນຊີວິດ.”
(ແຫຼ່ງຄັດຈາກ VOV)