ວັນທີ 2 ກຸມພາ 2023, ກົງກັບວັນທີ 12 ມັງກອນ ປີ ແມວ, ບ້ານວັດທະນະທຳ ຖ໋າຍເຢືອງ, ເມືອງ ຖ້ວນອານ, ນະຄອນ ເຫວ້, ແຂວງ ເທື່ອທຽນເຫວ້ໄດ້ຈັດງານບຸນ ເກົ່າງື (ເທດສະການຫາປາ) ຕາມຮີດຄອງປະເພນີ“ຕາມນຽນ ດ໋າວເລ້” ໝາຍຄວາມວ່າ ສາມປີໄຂຂຶ້ນເທື່ອໜຶ່ງ. ນີ້ແມ່ນງານບຸນໃຫຍ່ທີ່ເຂັ້ມຂຸ້ນໄປດ້ວຍເອກະລັກວັດທະນະທຳແລະ ຊີວິດການເປັນຢູ່ຂອງຊາວປະມົງ ຢູ່ແຄມທະເລ ເທື່ອທຽນ, ງານບຸນ ໄດ້ດຶງດູດມວນຊົນ ແລະ ນັກທ່ອງທ່ຽວ ເຂົ້າຮ່ວມນັບເປັນຈຳນວນຫຼວງຫຼາຍ.
ພິທີ ເກົ່າງື ຢູ່ໝູ່ບ້ານ ຖ໋າຍເຢືອງ ໄດ້ຈັດຂຶ້ນຕາມພິທີກຳພື້ນເມືອງ ທ່ີຫຼາກຫຼາຍ ພ້ອມກັບບັນດາການເຄື່ອນໄຫວດ້ານວັດທະນະທຳ, ສິລະປະ ແລະ ກິລາຊຸມຊົນ ທີ່ເປັນເອກະລັກສະເພາະ ເພື່ອຂໍໃຫ້ເທວະດາຟ້າແຖນ, ບັນພະບຸລຸດຂອງ ໝູ່ບ້ານໃຫ້ການປົກປັກຮັກ ສາປະຊາຊົນ ຢູ່ເຢັນເປັນສຸກ, ຝົນຟ້າອາກາດເອື້ອອຳນວຍ, ເດັກ ນ້ອຍໃນບ້ານ ມີສຸຂະພາບແຂງແຮງ, ການອອກໄປຫາປາ ຢູ່ທ້ອງທະເລ ໄດ້ສະດວກ, ຈັບປາ, ກຸ້ງ ໄດ້ຫຼາຍ, ຊາວບ້ານມີຄວາມອີ່ມໜຳສຳລານ, ທຸກຄົນ ມີຄວາມສຸກ.
ໃນຄືນກ່ອນວັນບຸນ ແມ່ນບັນດາພິທີແຫ່ຂະບວນ, ພິທີຂໍ ຄວາມສະຫງົບ, ພິທີເສັ້ນໄຫວ້... ເຊິ່ງໄດ້ຈັດຂຶ້ນຢ່າງສົມກຽດ ແລະ ເຄົາ ລົບນັບຖື ດ້ວຍຫຼາຍເນື້ອໃນທີ່ແຕກຕ່າງກັນ, ໃນນັ້ນມີການລະ ນຶກເຖິງບຸນຄຸນຂອງບັນພະບຸລຸດ ຜູ້ມີຄຸນງາມຄວາມດີໃນການ ສ້າງອາຊີບຫາປາ ແລະ ສ້າງບ້ານແປງເມືອງ ເພື່ອຕັກເຕືອນລູກຫຼານໃນບ້ານ ໃຫ້ເບິ່ງເຖິງຮາກເຫງົ້າ ສະເໝີ.
ພາຍຫຼັງພິທີເປີດ ກໍ່ຈະເຖິງງານບຸນ ດ້ວຍຫຼາຍກິດຈະກຳທີ່ ເປັນ ເອກະລັກສະເພາະ ແລະ ມ່ວນຊື່ນ, ແຕ່ຍັງອຸດົມສົມບູນໄປດ້ວຍຄວາມໝາຍດ້ານມະນຸດສະທຳ, ເສີມຂະຫຍາຍຈິດໃຈສາມັກຄີ, ຄວາມຫ້າວຫັນໃນການອອກແຮງງ. ຢູ່ກາງເດີນສາລາບ້ານທີ່ກວ້າງຂວາງ ຫັນໜ້າອອກສູ່ທ່າເຮືອ ຕາມຢາງ, ຜູ້ເຖົ້າຜູ້ແກ່ຂອງບ້ານ ຖ໋າຍເຢືອງ ພ້ອມກັບຊາວບ້ານ ແລະ ນັກທ່ອງທ່ຽວຈຳນວນຫຼວງຫຼາຍ ໄດ້ຊົມການສະແດງທີ່ໜ້າຕື່ນເຕັ້ນ ແລະ ຟົດຟື້ນຫຼາຍຢ່າງທີ່ສະທ້ອນໃຫ້ເຫັນຊີວິດການເປັນຢູ່ ປະຈຳວັນຂອງຊາວປະມົງເຊັ່ນ: ຂວ່າງແຫໄຫຼມອງ, ຕຶກປາ, ອອກທະເລ, ຂາຍປາ... ມ່ວນທີ່ສຸດແມ່ນ ເກມຂອງເດັກນ້ອຍແຕ່ງຕົວເປັນກຸ້ງ, ປູ, ປາ, ປາມຶກ... ແລະ ເກມ ຫາບປາໄປຂາຍ ຂອງບັນດາແມ່ຄ້າ, ໄດ້ສ້າງໃຫ້ບັນຍາກາດຂອງງານບຸນ ຍິ່ງຄຶກຄື້ນມ່ວນຊື່ນ ໃນມື້ທຳອິດຂອງປີໃໝ່.
ສາລາບ້ານ ຖ໋າຍເຢືອຍ, ສະຖານທີ່ດຳເນີນພິທີໄຫວ້ບູຊາໃນງານບຸນ ເກົ່າງື. ພາບ: ແທງຮ່ວາ/VNP
ທີມງານ ດຳເນີນພິທີກຳ. ພາບ: ແທງຮ່ວາ/VNP
ວົງດົນຕີ ດຳເນີນຕາມຮີດຄອງປະເພນີ. ພາບ: ແທງຮ່ວາ/VNP
ປະໂລຫິດ (ເສື້ອແດງ) ຖວາຍເຄື່ອງບູຊາ ດ້ວຍຄວາມ ເຄົາລົບ. ພາບ: ແທງຮ່ວາ/VNP
ພິທີຖວາຍເຄື່ອງບູຊາ ມີຄົບສາມຢ່າງຄື ງົວ, ແບ້, ໝູ. ພາບ: ແທງຮ່ວາ/VNP
ໃຫ້ກຽດເຂົ້າຮ່ວມພິທີຖວາຍເຫຼົ້າ. ພາບ: ແທງຮ່ວາ/VNP
ພິທີກຳໄດ້ດຳເນີນໄປຢ່າງເຄັ່ງຂຶມ ຕາມຮີດຄອງປະເພນີ. ພາບ: ແທງຮ່ວາ/VNP
ພິທີໄຫວ້ບູຊາ ເຮືອຫາປາ ຈະດຳເນີນ ແຕ່ເຊົ້າໆ. ພາບ: ແທງຮ່ວາ/VNP
ໃນຕອນເຊົ້າ, ຜູ້ເຖົ້າຜູ້ແກ່ຂອງໝູ່ບ້ານ ຖ໋າຍເຢືອງ ໄດ້ເຕົ້າໂຮມກັນຢູ່ສາລາບ້ານ ເພື່ອເຮັດພິທີບູຊາ ຫໍຫຼັກເມືອງ. ພາບ: ແທງຮ່ວາ/VNP
ບັນຍາກາດທີ່ຄຶກຄື້ນມ່ວນຊື່ນຂອງງານບຸນບ້ານ ຖ໋າຍເຢືອງ ພາຍຫຼັງ 3 ປີທີ່ໄດ້ຮັບຜົນກະທົບຈາກພະຍາດໂຄວິດ-19. ພາບ: ແທງຮ່ວາ/VNP
ຜູ້ເຖົ້າຜູ້ແກ່ຂອງໝູ່ບ້ານ ຖ໋າຍເຢືອງ ເຂົ້າຮ່ວມງານບຸນບ້ານ. ພາບ: ແທງຮ່ວາ/VNP
ນັກທ່ອງທ່ຽວຕ່າງປະເທດ ຄົ້ນພົບຄວາມງາມຂອງງານບຸນ. ພາບ: ແທງຮ່ວາ/VNP
ຄວາມງາມຂອງຊາວປະມົງແຄມທະເລ. ພາບ: ແທງຮ່ວາ/VNP
ນັກສິລະປິນ ຮ້ອງເພງ ແລະ ຟ້ອນລຳ ກ່ຽວກັບປະຫວັດສາດຂອງໝູ່ບ້ານແຄມທະເລ ຖ໋າຍເຢືອງ. ພາບ: ແທງຮ່ວາ/VNP
ບັນຍາກາດຟົດຟື້ນມ່ວນຊື່ນໄດ້ສະທ້ອນໃຫ້ເຫັນບັນດາບັນຍາກາດຂອງງານບຸນໃນຕົ້ນປີໃໝ່. ພາບ: ແທງຮ່ວາ/VNP
ເດັກນ້ອຍໄດ້ເຂົ້າຮ່ວມ ການແຕ່ງຕົວເປັນກຸ້ງ, ປູປາມ, ປາມຶກ. ພາບ: ແທງຮ່ວາ/VNP
ພາບການຫາປາ. ພາບ: ແທງຮ່ວາ/VNP
ສາກສະແດງການຕຶກປາ. ພາບ: ແທງຮ່ວາ/VNP
ພາບ ຊາວປະມົງ ໃສ່ມອງ ຈັບປາ. ພາບ: ແທງຮ່ວາ/VNP
ພາບເຮືອຫາປາເຂົ້າທຽບທ່າ ເຕັມໄປດ້ວຍປາ ແລະ ກຸ້ງ. ພາບ: ແທງຮ່ວາ/VNP
ບັນຍາກາດຢູ່ແຄມຝັ່ງ, ເອື້ອຍນ້ອງ ແມ່ນກຽມພ້ອມກະຕ່າ ແລະ ເງິນ ລໍຖ້າເຮືອເຂົ້າຈອດທຽບທ່າ ເພື່ອຊື້ປາ ຫາຄວາມໂຊກລາບໃນຕົ້ນປີ. ພາບ: ແທງຮ່ວາ/VNP
ພາບເອື້ອຍນ້ອງ ແຂ່ງຂັນຂົນປາໄປຂາຍ ໄດ້ສ້າງບັນຍາກາດຟົດຟື້ນມ່ວນຊື່ນໃນງານບຸນ. ພາບ: ແທງຮ່ວາ/VNP
ຍິງຄົນໜຶ່ງ ສະແດງເປັນຊາວປະມົງ ຫາບປາໄປຂາຍໃນງານບຸນຂອງໝູ່ບ້ານ. ພາບ: ແທງຮ່ວາ/VNP
ເດັກຊາຍ ໄດ້ຮັບບົດ ເປັນປາ ນັ່ງໃນກະຕ່າ ແລະ ຖືກຫາບໄປຂາຍ ໃນງານບຸນຂອງໝູ່ບ້ານ. ພາບ: ແທງຮ່ວາ/VNP
ພາບເອື້ອຍນ້ອງ ແຂ່ງຂັນຂົນປາໄປຂາຍ ໄດ້ສ້າງ ບັນຍາ ກາດຟົດຟື້ນມ່ວນຊື່ນໃນງານບຸນ. ພາບ: ແທງຮວາ/VNP
ປະຕິບັດ: VNP/ແທງຮ່ວາ - ແປໂດຍ: ຢືຟຽນ