ຂ່າວພາບ ຫວຽດນາມ ພາກ ພາສາ ລາວ

ກິລາ

ພິທີເປີດງານມະຫາກຳກິລາ Sea Games 31: ສ້າງຂີດໝາຍ ແລະ ທີ່ຕັ້ງບົດບາດ ໃຫ້ປະເທດເຈົ້າພາບ ຫວຽດນາມ

12/05/2022

ຕອນຄ່ຳວັນທີ 12 ພຶດສະພາ ຢູ່ສະໜາມກິລາແຫ່ງຊາດ ໝີ໊ດິ່ງ ຮ່າໂນ້ຍ, ພິທີເປີດງານມະຫາກຳກິລາ ອາຊີຕາເວັນອອກສຽງໃຕ້ຄັ້ງທີ 31 (SEA Games 31). ພິທີໄຂ ໄດ້ນຳມາ ສູ່ທ່ານຜູ້ຊົມ ບັນດາລາຍການ ສະແດງສິລະປະ ທີ່ເປັນເອກະລັກສະເພາະ, ບັນດາຮູບພາບທີ່ສວຍງາມ ກ່ຽວກັບວັດທະນະທຳ, ຮີດຄອງປະເພນີ ແລະ ຜູ້ຄົນຫວຽດນາມ, ພ້ອມກັນນັ້ນໄດ້ສະແດງໃຫ້ເຫັນ ການປະກອບສ່ວນ ຢ່າງຕັ້ງໜ້າຂອງ ຫວຽດນາມ ໃນການກໍ່ສ້າງ ແລະ ພັດທະນາພື້ນຖານ ກິລາ ອາຊີຕາເວັນອອກສ່ຽງໃຕ້.

ພິທີເປີດ Sea Games 31 ໄດ້ດຳເນີນໄປ ດ້ວຍບັນດາລາຍການສະແດງ ສິລະປະ ມີລັກສະນະ ທີ່ເປັນສັນຍາລັກ, ກະທົບຊ່ຶ່ງກັນ ແລະ ກັນ, ມະຫາຊົນ ແລະ ເອກະລັກສະເພາະ. ບັນດາລາຍການ ສະແດງ ດັ່ງກ່າວ ໄດ້ນຳໃຊ້ ບັນດາຮູບການສິລະປະພື້ນເມືອງ, ສີສັນ ວັດທະນະທຳ ຂອງຊາດ ຫວຽດນາມ ແລະ ພ້ອມກັນນັ້ນ ກໍ່ມີການເຊື່ອມຈອດບັນດາຈຸດຄ້າຍຄືກັນໃນ “ເອກະລັກ ວັດທະ ນະທຳ ອາຊີຕາເວັນອອກສ່ຽງໃຕ້” ເພື່ອກໍ່ສ້າງ ລະບົບສັນຍາລັກ ຂອງປະຊາຄົມ ວັດທະນະທຳພາກພື້ນ. ບັນດາລາຍການສະແດງ ສິລະປະ ໃນພິທີເປີດງານ ແມ່ນໝາກຜົນແຫ່ງການເຝິກແອບ ແລະ ປະດິດສ້າງ ໃນໄລຍະ 45 ວັນຜ່ານມາ ໂດຍນັກສິລະປິນ ທີ່ມີຊື່ສຽງ ກວ່າ 1000 ຄົນ, ບັນດາຫົວໜ່ວຍສິລະປະສູນກາງ ແລະ ນະຄອນ ຮ່າໂນ້ຍ, ບັນດານັກກິລາ, ນັກຮຽນກິລາ, ກຳລັງ ປະກອບອາວຸດ ປະຈຳຢູ່ ຮ່າໂນ້ຍ.

ທ່ານປະທານປະເທດ ຫງວຽນຊວນຟຸກ ກ່າວເປີດງານ ມະຫາກຳກິລາ Sea Games 31. ພາບ: ຖົ໋ງເຍິດ/VNP

ລາຍການສະແດງຟ້ອນກຸບ “ເສັ້ນທາງ ໄປເຖິງ ຫວຽດນາມ”. ພາບ: ຫວຽດເກື່ອງ/VNP

ບັນດາລາຍການສະແດງສິລະປະ ທີ່ເປັນເອກະລັກສະເພາະ ເຕັມໄປດ້ວຍສີສັນວັດທະນະທຳ ແຫ່ງຊາດ ຫວຽດນາມ. ພາບ: ຫວຽດເກື່ອງ, ແຄ໋ງລອງ/VNP

ບັນດາລາຍການສິລະປະ ທີ່ມີລັກສະນະມູນເຊື້ອ ແລະ ສີສັນ ວັດທະນະທຳ ຂອງ ຊາດ ຫວຽດນາມ. ພາບ: ຮວ່າງຮ່າ/VNP

Sea Games 31ຢູ່ ຫວຽດນາມ ແມ່ນຂົວຕໍ່ມິດຕະພາບ ຊ່ວຍຮັດແໜ້ນຄວາມສາມັກຄີ ລະຫວ່າງບັນດາປະເທດ ອາຊີຕາເວັນອອກສ່ຽງໃຕ້. ພາບ: ກົງດາດ/VNP

ລາຍການ ໄດ້ສະແດງໃຫ້ເຫັນຄວາມເປັນເຈົ້າການ, ເຊື່ອມໂຍງ ແລະ ຖ່າຍທອດແຮງບັນດານໃຈ, ແຜ່ຂະຫຍາຍເຖິງ ບັນດາປະເທດ ໃນພາກພື້ນ ອາຊີຕາເວັນອອກສ່ຽງໃຕ້ ໃນສະພາບທີ່ໂລກພວມປະເຊີນໜ້າກັບການຜັນແປປ່ຽນແປງຢ່າງໃຫຍ່ຫຼວງຫຼາຍຢ່າງ. ບໍ່ພຽງແຕ່ຖືສຳຄັນ ການໂຄສະນາເຜີຍແຜ່ ວັດທະນະທຳ ຂອງຊາດ ຫວຽດນາມເທົ່ານັ້ນ, ຈຸດປະສົງໃຫຍ່ກວ່າອີກ ແມ່ນ ແນໃສ່ເຊີດຊູສີສັນວັດທະນະທຳ ຂອງປະຊາຄົມບັນດາປະເທດໃນພາກພື້ນ ອາຊີຕາເວັນອອກສ່ຽງໃຕ້ ເພື່ອຮັດແໜ້ນນ້ຳໃຈສາມັກຄີ, ມິດຕະພາບ, ເຄົາລົບນັບຖື ຈິດໃຈອຸທິດຕົນ ແລະ ຊື່ສັດ, ລະດົມກຳລັງແຮງພາຍໃນຂອງຄົນມະນຸດໂດຍຜ່ານການແຂ່ງຂັນກິລາ.

ບັນດາຄະນະນັກກິລາ ແຫ່ຂະບວນທີ່ສະໜາມກິລາແຫ່ງຊາດ ໝີ໊ດິ່ງ ໃນໂອກາດເປີດ Sea Games 31. ພາບ: ຮວ່າງຮ່າ/VNP

ແປວໄຟອັນສັກສິດ ຂອງ ງານມະຫາກຳກິລາ ຖືກຈູດຂຶ້ນຢູ່ສະ ໜາມກິລາ ໝີ໊ດິ່ງ ຢືນຢັນວ່າ ຫວຽດນາມ ມີເງື່ອນໄຂພຽງພໍ ໃນ ການຈັດບັນດາເຫດການສຳຄັນລະດັບພາກພື້ນ ແລະ ທະວີບ. ພາບ: ແທງຢາງ/VNP

ງານມະຫາກຳກິລາ Sea Games 31 ຢູ່ ຫວຽດນາມ ແມ່ນຂົວຕໍ່ມິດ ຕະພາບ ຊ່ວຍຮັດແໜ້ນຄວາມສາມັກຄີ ຂອງບັນດາປະເທດອາຊີຕາເວັນອອກສ່ຽງໃຕ້ ໃນສະພາບວິກິດການໂລກ ຍ້ອນການລະ ບາດໂຄວິດ-19. ນີ້ກໍ່ແມ່ນໂອກາດ ເພື່ອໃຫ້ບັນດາປະເທດ ໃນພາກພື້ນສົມທົບກັນແບ່ງປັນ, ຊຸກຍູ້ ແລະ ຜ່ານຜ່າບັນດາສິ່ງທ້າທາຍໃນຫຼາຍຂົງເຂດ. ຍິ່ງໄປກວ່ານັ້ນ, ຍັງເປັນແຮງຈູງໃຈ ທີ່ສໍາ ຄັນ ສໍາລັບທຸກປະເທດທີ່ເຂົ້າຮ່ວມ ງານມະຫາກຳກິລາ ຊີເກມໃນ ຄັ້ງນີ້.

ປະຕິບັດ: ກຸ່ມນັກຂ່າວ VNP - ແປໂດຍ: ບິກລຽນ