ເຊົ້າວັນທີ 11 ພຶດສະພາ, ຢູ່ສະໜາມກິລາແຫ່ງຊາດ ມີ໊ດິ່ງ, ຮ່າໂນ້ຍ, ພິທີຊັກທຸງ SEA Games 31 (ງານມະຫາກຳກິລາ ຊີເກມ ຄັ້ງທີ 31) ໄດ້ຮັບການດຳເນີນໄປຢ່າງສົມກຽດໂດຍການເຂົ້າຮ່ວມ ຂອງ ທ່ານ ຮວ່າງດ້າວເກືອງ ຮອງລັດຖະມົນຕີ ກະຊວງ ວັດທະ ນະທຳ, ກິລາ ແລະ ທ່ອງທ່ຽວ; ທ່ານ ຈື໊ຊວນຢຸ໊ງ ຮອງປະທານຄະນະກຳມະການ ປະຊາຊົນນະຄອນ ຮ່າໂນ້ຍ; ການນຳບັນດາຂະແໜງການ ທີ່ກ່ຽວຂ້ອງ ແລະ ຜູ້ຕາງໜ້າ ຄະນະນັກກິລາ ບັນດາ ປະເທດ ເຂົ້າຮ່ວມ SEA Games 31.
ພິທີຊັກທຸງ ໄດ້ຈັດຂຶ້ນເພື່ອສະແດງໃຫ້ເຫັນການ ມີໜ້າ ຂອງບັນດາປະເທດ, ຍິນດີຕ້ອນຮັບບັນດາຄະນະນັກກິລາ ທີ່ເຂົ້າຮ່ວມ SEA Games 31 ແລະ ຊຸກຍູ້ກຳລັງໃຈຂອງນັກກິລາ. ເຫດການນີ້ ຍັງປະກອບສ່ວນ ສະແດງໃຫ້ເຫັນ ສີສັນວັດທະນະທຳ ແລະ ຜູ້ຄົນ ຫວຽດນາມ, ເປັນການສ້າງຄວາມຊົງຈຳໃຫ້ແກ່ບັນດານັກກິລາ ທີ່ເຂົ້າຮ່ວມງານມະຫາກຳກິລາ.
ກອງກຳລັງນັກຮົບໃນຊຸດເຄື່ອງແບບ ໄດ້ດຳເນີນພິທີ ນຳທຸງຊາດ ຂອງ ບັນດາປະເທດເຂົ້າຮ່ວມ ເຖິງບໍລິເວນ ທຳພິທີຊັກທຸງ SEA Games 31. ພາບ: ແຄ໋ງລອງ/VNP
ຄະນະນັກກິລາແຫ່ງຊາດ ມາເລເຊຍ ສະແດງໃຫ້ເຫັນຄວາມຕັດ ສິນໃຈສູງ ໃນພິທີຊັກທຸງ SEA Games 31. ພາບ: ແຄ໋ງລອງ/VNP
ທ່ານຮອງລັດຖະມົນຕີ ກະຊວງວັດທະນະທຳ, ກິລາ ແລະ ທ່ອງທ່ຽວ ຮວ່າງດ້າວເກືອງ ກ່າວຄຳເຫັນ ທີ່ພິທີຊັກທຸງ SEA Games 31. ພາບ: ແຄ໋ງລອງ/VNPພິທີຊັກທຸງ ໄດ້ດຳເນີນໄປ ໃນບັນຍາກາດທີ່ເຄັ່ງຂຶມ. ພາບ: ແຄ໋ງລອງ/VNP
ພາບບັນຍາກາດ ໃນພິທີຊັກທຸງ SEA Games 31. ພາບ: ແຄ໋ງລອງ/VNP
ຄະນະນັກກິລາ ຫວຽດນາມ ຕັດສິນໃຈ ຕັ້ງເປົ້າບັນລຸຜົນການແຂ່ງ ຂັນ ໃຫ້ສູງທີ່ SEA Games 31. ພາບ: ແຄ໋ງລອງ/VNP
ໃນພິທີດັ່ງກ່າວ, ທ່ານຮອງລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຮ່ວາງດ້າວເກືອງ ຕາງໜ້າຄະນະຈັດຕັ້ງງານ ມະຫາກຳກິລາ ອາຊີຕາເວັນອອກສຽງໃຕ້ ຄັ້ງທີ 31 ໄດ້ສົ່ງຄຳອວຍພອນ ເຖິງການນຳ, ພະນັກງານ ແລະ ຄະນະນັກກິລາ ຈາກບັນດາປະເທດ ອາຊີຕາເວັນອອກສ່ຽງໃຕ້ ເຂົ້າຮ່ວມ. ທ່ານຮອງລັດຖະມົນຕີ ຮວ່າງດ້າວເກືອງ ກ່າວວ່າ ນີ້ແມ່ນຄັ້ງທີ 2 ທີ່ ຫວຽດນາມ ໄດ້ຮັບກຽດ ເປັນປະເທດເຈົ້າພາບ SEA Games, ນີ້ທັງແມ່ນສິດຜົນປະໂຫຍດ, ທັງແມ່ນພັນທະ ແລະ ຄວາມຮັບຜິດຊອບ ຂອງ ປະເທດເຈົ້າພາບ ຕໍ່ພາກພື້ນ ອາຊີຕາເວັນອອກສ່ຽງໃຕ້.
ຕາມການຈັດຕັ້ງ ຄະນະກຳມະການຈັດຕັ້ງປະເທດເຈົ້າພາບ ຫວຽດນາມ ຂອງ SEA Games 31, ແຕ່ລະປະເທດໄດ້ແຕ່ງຕັ້ງສະມາຊິກ 31 ຄົນເຂົ້າຮ່ວມພິທີຊັກທຸງ. ນອກນີ້, ຄະນະຈັດຕັ້ງຍັງຈະໄດ້ເຊື້ອເຊີນຜູ້ຕາງໜ້າຂອງສະຖານທູດ ໄທ, ມາເລເຊຍ, ສິງ ກະໂປ, ອິນໂດເນເຊຍ, ຟີລິບປິນ, ລາວ, ກຳປູເຈຍ, ຕີມໍເລສະເຕ, ບຣູໄນ, ມຽນມາ ເຂົ້າຮ່ວມ. ພິທີຊັກທຸງ SEA Games 31 ໄດ້ຈັດຂຶ້ນຢ່າງສົມກຽດ, ເຂ່ັງຂຶມ, ທ່າມກາງບັນຍາກາດສະໜິດສະໜົມ, ຄວາມສາມັກຄີ ຂອງ ບັນດາປະເທດໃນພາກພື້ນອາຊຽນ.