ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຮຽກຮ້ອງໃຫ້ຂະແໜງຫຼັກຊັບບື່ນຕົວຂຶ້ນຢ່າງແຂງແຮງກວ່າ, ນຳຕະຫຼາດຫຼັກຊັບໃຫ້ບັນລຸລະດັບສູງໂດຍໄວ
ທ່ານນາຍົກລັດຖະມົນຕີ ຫງວຽນຊວັນຟຸກ ກ່າວຄຳເຫັນທີ່ພິທີ
(ພາບ: VGP)
ຕອນເຊົ້າວັນທີ 20 ກໍລະກົດ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເຂົ້າຮ່ວມ ແລະ ລັ່ນຄ້ອງທີ່ພິສີສະເຫຼີມສະຫຼອງ 20 ປີແຫ່ງການເຄື່ອນໄຫວຕະຫຼາດຫຼັກຊັບຫວຽດນາມ ແລະ ພະແນກແລກປ່ຽນຄ້າຂາຍຫຼັກຊັບນະຄອນໂຮ່ຈີມິນ - HOSE (20 ກໍລະກົດ 2000 – 20 ກໍລະກົດ 2020).
ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຮຽກຮ້ອງໃຫ້ຂະແໜງຫຼັກຊັບບື່ນຕົວຂຶ້ນຢ່າງແຂງແຮງກວ່າ, ນຳຕະຫຼາດຫຼັກຊັບໃຫ້ບັນລຸລະດັບສູງໂດຍໄວ, ມີຄຸນນະພາບ ແລະ ມີກຳລັງຄວາມສາມາດແກ່ງແຍ້ງສູງ, ບັນລຸລະດັບພາກພື້ນ ແລະ ທົ່ວໂລກ. ຜ່ານນັ້ນ, ປະກອບສ່ວນສຳຄັນເຂົ້າໃນການປະຕິບັດເປົ້າໝາຍນຳຫວຽດນາມ ໃຫ້ກາຍເປັນປະເທດອຸດສາຫະກຳທັນສະໄໝ, ພັດທະນາຢ່າງວັດທະນາຖາວອນໃນຮອບເວລາ 15 – 20 ປີຈະມາເຖິງ, ວິໄສທັດຮອດປີ 2045. ທ່ານນາຍົກລັດຖະມົນຕີ ຫງວຽນຊວັນຟຸກ, ກ່າວວ່າ.
“ຜ່ານໄລຍະ 20 ປີແຫ່ງການພັດທະນາ ແລະ ເຕີບໃຫຍ່, ຕະຫຼາດຫຼັກຊັບຫວຽດນາມ ໄດ້ຜ່ານຜ່າຄວາມຫຍຸ້ງຍາກຫຼາຍຢ່າງ, ສ້າງໂຄງປະກອບໃຫ້ສົມບູນແບບຢ່າງບໍ່ຢຸດຢັ້ງ, ພັດທະນາຂອບຂະໜາດຢ່າງແຮງ, ຍົກຄຸນນະພາບ ແລະ ກາຍເປັນຊ່ອງລະດົມທຶນສຳຄັນໃຫ້ແກ່ພື້ນຖານເສດຖະກິດ, ປະກອບສ່ວນສຳຄັນເຂົ້າໃນການພັດທະນາເສດຖະກິດ ແລະ ບືນຕົວຂຶ້ນເທື່ອລະກ້າວ ເພື່ອບັນລຸລະດັບພາກພື້ນ ແລະ ສາກົນ”.
(ແຫຼ່ງຄັດຈາກ VOV)