ໝາກຜົນການສຳຫຼວດທີ່ໄດ້ປະກາດ ໃນວັນທີ 26 ມິຖຸນາຊີ້ໃຫ້ເຫັນວ່າ ມີ ຜູ້ບໍລິໂພກຊາວຈີນຫຼາຍກ່ວາເຄິ່ງໜຶ່ງບໍ່ຊື້ບໍ່ວ່າຜະລິດຕະພັນໃດທີ່ໄດ້ຜະລິດຢູ່ ອາເມລິກາ ເພື່ອແນໃສ່ສະໜັບສະໜູນ ປະເທດຕົນໃນສົງຄາມການຄ້າພວມປີນຂັ້ນໄດ, ອັນໄດ້ສ້າງໄພອັນຕະລາຍໃຫ້ ບັນດາບໍລິສັດຂອງ ອາເມລິກາ ຫຼາຍພໍສົມຄວນ.
ສິນຄ້າທີ່ໄດ້ວາງຂາຍໃນຮ້ານຊັບພະສິນຄ້າຢູ່ປັກກິ່ງ, ຈີນ (ພາບ: AFP/TTXVN)
ການສຳຫຼວດໂດຍບໍລິສັດໃຫ້ຄຳປຶກສາ Brunswick ຢູ່ ອັງກິດໄດ້ສຳຫຼວດຜູ້ບໍລິໂພກຊາວຈີນ 1000 ຄົນ, ຊີ້ໃຫ້ເຫັນວ່າ 56% ຂອງຈຳນວນຄົນທີ່ຖືກຖາມໃຫ້ຮູ້ວ່າ ເຂົາເຈົ້າບໍໍໍ່ຊື້ຜະລິດຕະພັນຂອງ ອາເມລິກາ, ໃນນັ້ນ ມີ 68% ຂອງຈຳນວນຄົນ ທີ່ມີທັດສະນະທາງລົບຕໍ່ບັນດາບໍລິສັດ ອາເມລິກາ. Brunswick ໃຫ້ຮູ້ວ່າສິ່ງນີ້ໄດ້ສ້າງໄພອັນຕະລາຍ ໃຫ້ແກ່ ບໍລິສັດອາເມລິກາ ຫຼາຍພໍສົມຄວນຍ້ອນວ່າ 3 ໃນ 4 ຜູ້ບໍລິໂພກຊາວຈີນໃຫ້ຮູ້ວ່າ ເຂົາເຈົ້າເຄີຍຊື້ຜະລິດຕະພັນຈາກບັນດາບໍລິສັດອາເມລິກາ.
Brunswick ກໍ່ໄດ້ ສຳຫຼວດຜູ້ບໍລິໂພກຊາວອາເມລິກາ 1000 ຄົນ ກ່ຽວກັບຄຳຄິດເຫັນຂອງເຂົາເຈົ້າຕໍ່ສິນຄ້າຂອງຈີນ. ອົງການນີ້ໃຫ້ຮູ້ວ່າ ຄຳຄິດເຫັນຂອງ ຊາວອາເມລິກາກ່ຽວກັບບັນດາບໍລິສັດ ຈີນແມ່ນພວມຊົ່ວຮ້າຍລົງ ແລະ 60% ຈຳນວນຄົນທີ່ຖືກຖາມກໍ່ໃຫ້ຮູ້ວ່າບໍ່ເຫັນມີການຂຶ້ນລາຄາສຳລັບສິນຄ້າບໍລິໂພກນັບແຕ່ເມື່ອມີການຂຶ້ນພາສີ.
(ແຫຼ່ງຄັດຈາກ VOV)