ພິທີປຸກບະດົມສັບປະດາວັດທະນະທຳມະຫາສາມັກຄີທົ່ວປວງຊົນທັງຊາດ (ພາບ: VNA)

ຕອນເຊົ້າວັນທີ 01 ພະຈິກ, ຕາ​ແສງ ຮະລອງ, ນະຄອນກວາງນິງ, ໄດ້ຈັດພິທີ​ປຸກ​ບະ​ດົມສັບ​ປະ​ດາວັດທະນະທຳ​ມະ​ຫາ​ສາມັກຄີທົ່ວ​ປວງ​ຊົນ​ທັງຊາດ, ຕອບສະໜອງວັນວັດທະນະທຳ ຫວຽດນາມ ຕິດ​ພັນກັບວັນ​ບຸນ​ມະ​ຫາ​ສາມັກຄີທົ່ວ​ປວງ​ຊົນ​ທັງຊາດ 2026. ເຫດການໄດ້ດຶງດູດການເຂົ້າຮ່ວມຂອງ​ປະ​ຊາ​ຊົນກວ່າ 20.000 ຄົນຢູ່ຈຸດ​ເຊື່ອມ​ຕໍ່​ຫຼັກຢູ່​ໃຈ​ກາງ ກັບ​ບັນ​ດາຕາແສງ, ​ບ້ານ, ເຂດພິເສດ.

ນີ້ແມ່ນການ​ເຄື່ອນ​ໄຫວ​ທີ່​ມີ​ຄວາມ​ໝາຍ, ເປັນ​ເປີດ​ຊາກ​ໃຫ້​ບັນ​ດາ​ລາຍ​ການ ​ຕອບ​ສະ​ໜອງວັນວັດ​ທະ​ນະ​ທຳ ຫວຽດນາມ (24 ພະຈິກ)​ ຕິດ​ພັນ​ກັບ​ພີ​ທີສະເຫຼີມສະຫຼອງ 96 ປີ​ແຫ່ງວັນ​ມູນ​ເຊື້ອແນວໂຮມປະເທດຊາດ ຫວຽດນາມ (18 ພະຈິກ 1930 - 18 ພະຈິກ 2026).

ກ່າວຄຳເຫັນທີ່ພິທີ, ທ່ານ ຫງວຽນຈີແທັງ, ຮອງປະທານຄະນະກຳມະການແນວ​ໂຮມ​ປະ​ເທດ​ຊາດນະຄອນ ກວາງນິງ, ເນັ້ນໜັກວ່າ, ແນວໂຮມປະເທດຊາດ ແລະ ບັນ​ດາ​ໝູ່​ຄະ​ນະ ຈະສືບຕໍ່ມີ​ເສີ​ມ​ຂະ​ຫຍາຍ​ບົດ​ບາດ​ແກ່ນ​ສານ, ​ຖືກຳລັງແຮງຂອງ​ມະ​ຫາສາມັກຄີເປັນພື້ນຖານ ໃນການສ້າງ​ປະ​ຊາ​ຄົມທີ່ມີຄວາມສຸກ, ເບິ່ງແຍງ​ຜູ້​ປະ​ສົບ​ກັບ​ຄວາມຫຍຸ້ງຍາກ, ຫັນປ່ຽນວັນບຸນ​ມະ​ຫາສາມັກຄີ​ທົ່ວ​ປວງ​ຊົນ​ທັງ​ຊາດໃຫ້ກາຍເປັນເວທີປາໄສປະຊາທິປະໄຕ ຮັບຟັງຄຳເຫັນຂອງປະຊາຊົນ.

ບັນ​ດາ​ການ​ເຄື່ອນ​ໄຫວຕອບສະໜອງໄດ້ຈັດຂຶ້ນ​ຢ່າງ​ແທ​ດ​ຈິງ, ມີ​ຫົວ​ຄິດ​ປະ​ດິດ​ສ້າງ ຖືປະ​ຊາ​ຊົນ​ເປັນ​ໃຈ​ກາງ, ​ສ້າງ​ການ​ແຜ່​ກະ​ຈາຍຍືນຍົງໃນຊີວິດສັງຄົມ.