ຜູ້ແທນເຂົ້າຮ່ວມພິທີປຸກລະດົມ
ວັນທີ 18/4, ຢູ່ ຮ່າໂນ້ຍ, ຫ້ອງການການຄ້າ ແລະ ອຸດສາຫະກຳຫວຽດນາມ (VCCI) ໄດ້ສົມທົບກັບສະພາວິສາຫະກິດເພື່ອການພັດທະນາແບບຍືນຍົງຫວຽດນາມ ຈັດຕັ້ງການປຸກລະດົມ “ລາຍການຕີລາຄາ, ປະກາດບັນດາວິສາຫະກິດໝັ້ນຄົງເຂັ້ມແຂງຢູ່ຫວຽດນາມ”. ນີ້ແມ່ນລາຍການໄດ້ຮັບການຈັດຕັ້ງຂຶ້ນປະຈຳປີເພື່ອແນໃສ່ເຊີດຊູບັນດາວິສາຫະກິດນຳຫນ້າ ແລະ ບັນລຸບັນດາຜົນງານຈຳນວນຫນຶ່ງໃນຂົງເຂດພັດທະນາແບບຍືນຍົງ. ລາຍການກໍ່ມຸ້ງໄປເຖິງການສົ່ງເສີມບັນດາວິສາຫະກິດຢູ່ຫວຽດນາມ ເອົາໃຈໃສ່ເຖິງການພັດທະນາແບບຍືນຍົງກວ່າ, ວາງອອກແຜນການ ແລະ ປະຕິບັດບັນດາຍຸດທະສາດພັດທະນາແບບຍືນຍົງໃນວິວັດການເຄື່ອນໄຫວດຳເນີນທຸລະກິດ. ກ່າວຄຳເຫັນນະພິທີປຸກລະດົມ, ທ່ານ ຫງວຽນກວາງວີງ, ຮອງເລຂາທິການໃຫຍ່ VCCI, ຮອງປະທານທັງເປັນເລຂາທິການໃຫຍ່ສະພາວິສາຫະກິດເພື່ອການພັດທະນາແບບຍືນຍົງຫວຽດນາມ ໃຫ້ຮູ້ວ່າ: ການພັດທະນາແບບຍືນຍົງໄດ້ກາຍເປັນຄວາມຮຽກຮ້ອງຕ້ອງການຢ່າງຮີບດ່ວນ ແລະ ມີຄວາມຈຳເປັນໃນການເຄື່ອນໄຫວເສດຖະກິດທົ່ວໂລກ ພ້ອມທັງກໍ່ແມ່ນສິ່ງທ້າທາຍໃນສະພາບການເຊື່ອມໂຍງເຂົ້າກັບສາກົນ. ການດຳເນີນທຸລະກິດແບບຍືນຍົງ ຈະຊ່ວຍເພີ່ມກຳລັງແຮງພາຍໃນ, ຍົກສູງບົດບາດທີ່ຕັ້ງ ແລະ ໄດ້ຮັບຄວາມໄວ້ເນື້ອເຊື່ອໃຈຈາກລັດຖະບານ, ລູກຄ້າ, ບັນດານັກລົງທຶນກໍ່ຄືບັນດາຝ່າຍກ່ຽວຂ້ອງອື່ນ.
(ແຫຼ່ງຄັດຈາກ VOV)