ທ່ານຮອງລັດຖະມົນຕີ ຫງວຽນກ໊ວກຢຸ໋ງ ເນັ້ນໜັກວ່າ ອາຊຽນ ຕ້ອງເພິ່ມທະວີຄວາມສາມັກຄີ, ຍູ້ແຮງການປະຕິບັດປະຊາຄົມ ອາຊຽນຢ່າງສຳເລັດຜົນ.
ການປຶກສາຫາລືດ້ານການເມືອງປະຈຳປີຂັ້ນຮອງລັດຖະມົນຕີການຕ່າງປະເທດ ຫວຽດນາມ - ໄທ ຄັ້ງທີ 7
(ພາບ: TTXVN)
ປຶກສາຫາລືດ້ານການເມືອງປະຈຳປີຂັ້ນຮອງລັດຖະມົນຕີການຕ່າງປະເທດຄັ້ງທີ 7 ລະຫວ່າງ ຫວຽດນາມ ແລະ ໄທ ດຳເນີນຢູ່ ນະຄອນຫຼວງ ຮ່າໂນ້ຍ ໃນວັນທີ 20 ມັງກອນ ພາຍໃຕ້ການເປັນປະທານຮ່ວມຂອງທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຫງວຽນກ໊ວກຢຸ໋ງ ແລະ ທ່ານເລຂາປະຈຳກະຊວງການຕ່າງປະເທດ ໄທ ບຸສະຍານາທະແລ້ງ, ສອງຝ່າຍເຫັນດີເປັນເອກະສັນກັນເພິ່ມທະວີການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນໃນໄລຍະຈະມາເຖິງ; ສົມທົບກະກຽມເປັນຢ່າງດີໃຫ້ກອງປະຊຸມຄັ້ງທີ 4 ຄະນະລັດຖະບານລະຫວ່າງ ຫວຽດນາມ - ໄທ ໃນປີ 2020; ສືບຕໍ່ຊຸກຍູ້ການພົວພັນຮ່ວມມືລະຫວ່າງສອງປະເທດໃນບັນດາຂົງເຂດການປ້ອງກັນຊາດປ້ອງກັນຄວາມສະຫງົບ, ເສດຖະກິດ, ການຄ້າ, ການລົງທຶນ, ການເຊື່ອມຕໍ່, ຄົມມະນາຄົມຂົນສົ່ງ, ການທ່ອງທ່ຽວ, ແຮງງານ.
ໂດຍແມ່ນບັນດາສະມາຊິກຂອງບັນດາກົນໄກອະນຸພາກພື້ນ ແມ່ນ້ຳຂອງ, ຫວຽດນາມ ແລະ ໄທ ຕ້ອງເພິ່ມທະວີການສົມທົບ, ແລກປ່ຽນບົດຮຽນກັບບັນດາສະມາຊິກອື່ນ ແລະ ບັນດາຄູ່ຮ່ວມມືກ່ຽວຂ້ອງເພື່ອຊຸກຍູ້ການຮ່ວມມືຢູ່ອະນຸພາກພື້ນຢ່າງແທດຈິງ. ທ່ານຮອງລັດຖະມົນຕີ ຫງວຽນກ໊ວກຢຸ໋ງ ສະເໜີວ່າ ໄທ ຕັ້ງໜ້າສະໜັບສະໜູນ ຫວຽດນາມປະຕິບັດບົດບາດປະທານ ອາຊຽນ ປີ 2020 ຢ່າງສຳເລັດ ແລະ ຮັບໜ້າທີ່ກຳມະການບໍ່ປະຈຳການສະພາຄວາມໝັ້ນຄົງສະຫະປະຊາຊາດອາຍຸການ 2020 - 2021 ເປັນຢ່າງດີ; ປະສານສົມທົບຢ່າງແໜ້ນແຟ້ນກັບ ຫວຽດນາມໃນບັນດາບັນຫາປ້ອງກັນຄວາມສະຫງົບລວມຂອງພາກພື້ນ, ໃນນັ້ນມີທະເລຕາເວັນອອກ, ນຳໃຊ້ ແລ ຄຸ້ມຄອງແຫຼ່ງນ້ຳແມ່ນ້ຳຂອງ. ປຶກສາຫາລືການເມືອງຄັ້ງທີ 8 ປີ 2021 ຈະດຳເນີນຢູ່ ໄທ.
(ແຫຼ່ງຄັດຈາກ VOV)