ມາຮອດປັດຈຸບັນສາມາດຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດໄດ້ 1715 ອັດຖິ, ບັນລຸ 24,5%, ຈັດຕັ້ງການເອົາຕົວຢ່າງ ອັດຖິນັກຮົບເສຍສະຫຼະຊີວິດເພື່ອຊາດຢູ່ ກວ່າ 124.000ຂຸມຝັງສົບ, ບັນລຸ 58,4%.
ທ່ານນາງ ຟ້າມທິແທັງຈ່າ ຮອງນາຍົກລັດຖະມົນຕີ ຫວຽດນາມ ຫົວໜ້າຄະນະຊີ້ນຳແຫ່ງຊາດກ່ຽວກັບການຊອກຫາ, ທ້ອນໂຮມ, ພິສູດເອກະລັກບຸກຄົນຂອງອັດຖິນັກຮົບເສຍສະຫຼະຊີວິດເພື່ອຊາດ (ຄະນະຊີ້ນຳ 515) ເປັນປະທານກອງະຊຸມ (ພາບ: VNA)
ຕອນບ່າຍວັນທີ 13 ສິງຫາ, ຢູ່ຮ່າໂນ້ຍ, ທີ່ການເຮັດວຽກກັບບັນດາກະຊວງ, ຂະແໜງການກ່ຽວກັບໜ້າທີ່ຈຸດສຸມຈຳນວນໜຶ່ງຂອງຄະນະຊີ້ນຳແຫ່ງຊາດກ່ຽວກັບການຊອກຫາ, ທ້ອນໂຮມ, ພິສູດເອກະລັກບຸກຄົນຂອງອັດຖິນັກຮົບເສຍສະຫຼະຊີວິດເພື່ອຊາດ (ຄະນະຊີ້ນຳ 515), ທ່ານນາງ ຟ້າມທິແທັງຈ່າ ຮອງນາຍົກລັດຖະມົນຕີ ຫວຽດນາມ ຮຽກຮ້ອງສ້າງ, ເສີມຖ້ານ ຂໍ້ມູນກ່ຽວກັບນັກຮົບເສຍສະຫຼະຊີວິດເພື່ອຊາດ, ຂຸມຝັງສົບ, ສຸສານນັກຮົບເສຍສະຫຼະຊີວິດເພື່ອຊາດ, ສ້າງພື້ນຖານຮັບໃຊ້ວຽກງານຊອກຫາ, ທ້ອນໂຮມ ແລະ ພິສູດອັດຖິນັກຮົບເສຍສະຫຼະຊີວິດເພື່ອຊາດໃຫ້ມີປະສິດທິຜົນກວ່າ.
ຕາມບົດລາຍງານໝາກຜົນຂອງການປະຕິບັດບັ້ນເຄື່ອນໄຫວ 500 ວັນແລະຄືນຍູ້ແຮງການວຽກງານປະຕິບັດການຊອກຫາ, ທ້ອນໂຮມ ແລະ ພິສູດອັດຖິນັກຮົບເສຍສະຫຼະຊີວິດເພື່ອຊາດ”, ມາຮອດປັດຈຸບັນສາມາດຊອກຫາ, ທ້ອນໂຮມອັດຖິນັກຮົບເສຍສະຫຼະຊີວິດເພື່ອຊາດໄດ້ 1715 ອັດຖິ, ບັນລຸ 24,5%, ຈັດຕັ້ງການເອົາຕົວຢ່າງ ອັດຖິນັກຮົບເສຍສະຫຼະຊີວິດເພື່ອຊາດຢູ່ ກວ່າ 124.000ຂຸມຝັງສົບ, ບັນລຸ 58,4%. ທ່ານນາງ ຟ້າມທິແທັງຈ່າ ຮອງນາຍົກລັດຖະມົນຕີ ເນັ້ນໜັກວ່າ:
ຕ້ອງສ້າງສຳເລັດຖານຂໍ້ມູນ ອັດຖິນັກຮົບເສຍສະຫຼະຊີວິດເພື່ອຊາດ ແລະ ຂຸມຝັງສົບຂອງນັກຮົບ ຢ່າງຄົບຖ້ວນ, ນີ້ແມ່ນວຽກງານຂອງກະຊວງພາຍໃນ. ສ່ວນກ່ຽວຂ້ອງເຖິງສຳເນົາ ນັກຮົບເສຍສະຫຼະຊີວິດເພື່ອຊາດແມ່ນມອບໃຫ້ກະຊວງປ້ອງກັນປະເທດ, ສ້າງຊອບແວເພື່ອປະສານສົມທົບໃຫ້ມີລະບົບຂໍ້ມູນຢ່າງຄົບຖ້ວນ, ແໜ້ນແຟ້ນ, ວຽກງານນີ້ພວກເຮົາຕ້ອງເຮັດດ່ວນ.