ວັນທີ 27 ມີນາ, ຢູ່ນະຄອນຫຼວງຮ່າໂນ້ຍ, ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈີນແທງເໝີນ ໄດ້ໃຫ້ການຕ້ອນຮັບ ຄະນະຜູ້ແທນຂັ້ນສູງ ແນວລາວສ້າງຊາດໂດຍທ່ານນາງ ຍອດແກ້ວມານີ ສຸພານຸວົງ, ຮອງປະທານແນວລາວສ້າງຊາດ ນຳໜ້າ
ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈີນແທງເໝີນ
ຕ້ອນຮັບ ທ່ານນາງຍອດແກ້ວມານີ ສຸພານຸວົງ
ທ່ານປະທານຄະນະກຳມະການສູນກາງແນວໂຮມປະເທດຊາດຫວຽດນາມ ເຈີນແທງເໝີນ ຢັ້ງຢືນວ່າ ພັກ, ລັດ, ສະພາແຫ່ງຊາດ, ແນວໂຮມປະເທດຊາດ ແລະປະຊາຊົນຫວຽດນາມຍາມໃດກໍຖືເປັນສຳຄັນ, ສະຫງວນຄວາມບຸລິມະສິດສູງສຸດໃຫ້ແກ່ວຽກງານການປັບປຸງ, ເພີ່ມທະວີສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ, ເພື່ອພ້ອມກັນປົກປັກຮັກສາ ແລະ ຖືສາຍພົວພັນດັ່ງກ່າວແມ່ນຊັບສົມບັດອັນລ້ຳຄ່າຕໍ່ພາລະກິດປະຕິວັດຂອງສອງປະເທດ ຫວຽດນາມ - ລາວ. ທ່ານ ເຈີນແທງເໝີນ ສະເໜີໃຫ້ ແນວລາວສ້າງຊາດ ຈົ່ງສະເໜີມາຍັງອໍານາດການປົກຄອງທ້ອງຖິ່ນຕ່າງໆ ໜູນຊ່ວຍການ ຊອກ, ຂຸດຄົ້ນ, ທ້ອນໂຮມ ແລະ ສົ່ງອັດຖິຂອງບັນດາທະຫານອາສາສະໝັກ, ຜູ້ຊ່ຽວຊານຫວຽດນາມທີ່ໄດ້ເສຍສະຫຼະຊີວິດເພື່ອຊາດໃນປາງສົງຄາມຢູ່ລາວ ກັບຄືນເມືອປະເທດ; ສືບຕໍ່ສະເໜີໃຫ້ພັກ, ລັດຖະບານລາວເອົາໃຈໃສ່, ສ້າງເງື່ອນໄຂອຳນວຍຄວາມສະດວກໃຫ້ແກ່ປະຊາຄົມຊາວຫວຽດນາມທີ່ພວມດຳລົງຊີວິດ, ເຮັດວຽກ ແລະ ຮ່ຳຮຽນຢູ່ລາວ.
(ແຫຼ່ງຄັດຈາກ VOV)