ຕອນເຊົ້າວັນທີ 23 ມິຖຸນາ, ສຳນັກຂ່າວສານ ສູນກາງ ສປປ.ເກົາຫຼີ KCNA ໄດ້ແຈ້ງການວ່າ ທ່ານ Kim Jong – un ປະທານ ສປປ.ເກົາຫຼີ, ປະທານພັກແຮງງານ ສປປ.ເກົາຫຼີ ໄດ້ຮັບ ຈົດໝາຍສະບັບໜຶ່ງຈາກ ທ່ານ ປະທານາທິບໍດີ ອາເມລິກາ Donald Trump.
ທ່ານ Kim Jong – un ປະທານ ສປປ.ເກົາຫຼີອ່ານຈົດໝາຍຂອງທ່ານປະທານາທິບໍດີ ອາເມລິກາ Donald Trump. (ພາບ: REUTERS)
ທ່ານ Kim Jong – un ໄດ້ສະແດງຄວາມເພິ່ງພໍໃຈເມື່ອເວົ້າວ່າ ຈົດໝາຍມີເນື້ອໃນສຸດຍອດ ແລະ ໃຫ້ຮູ້ວ່າ ຈະຊັ່ງຊາເຖິງການຕັດສິນທາງການເມືອງ ແລະ ຄວາມກ້າຫານ ຂອງການນຳ ອາເມລິກາ.
ກ່ອນໜ້ານັ້ນ, ວັນທີ 21 ມິຖຸນາ, ທ່ານ ປະທານາທິບໍດີ ອາເມລິກາ ໄດ້ຕໍ່ກຳນົດເວລາບັນດາມາດຕະການລົງໂທດ ສປປ.ເກົາຫຼີຕື່ມອີກ 1 ປີ, ຍົກບັນຫາໄພນາບຂູ່ ທີ່ບໍ່ເປັນປົກກະຕິ ແລະ ພິເສດ ມາຈາກບັນດາອາວຸດນິວເຄຼຍຂອງ ພຽງຢາງມາອ້າງອີງ. ໃນແຈ້ງການທີ່ໄດ້ຝາກໄປຍັງ ສະພາແຫ່ງຊາດ ອາເມລິກາ, ທ່ານ Trump ໃຫ້ຮູ້ວ່າ ຈະສືບຕໍ່ “ສະພາວະສຸກເສີນແຫ່ງຊາດ” ທີ່ກ່ຽວຂ້ອງເຖິງບັນຫາ ສປປ.ເກົາຫຼີເຊິ່ງເຄີຍໄດ້ຖະແຫຼງໃນ ລັດຖະດຳລັດ ເລກທີ 13466 ທີ່ ປະກາດໃຊ້ໃນເດືອນມິຖຸນາ 2008.
(ແຫຼ່ງຄັດຈາກ VOV)