ວັນທີ 25 ເມສາ, ທ່ານ ປະທານາທິບໍດີລັດເຊຍ Vladimir Putin ແລະ ທ່ານ Donald Trump ຄູ່ຮ່ວມຕຳແໜ່ງອາເມລິກາ ໄດ້ອອກຖະແຫຼງການຮ່ວມ ເນື່ອງໃນໂອກາດສະເຫຼີມສະຫຼອງ 75 ປີ ແຫ່ງການພົບປະຄັ້ງປະຫວັດສາດລະຫວ່າງກອງທັບໂຊວຽດ ແລະ ກອງທັບອາເມລິກາຢູ່ແມ່ນ້ຳ Elbe, ປະເທດ ເຢຍລະມັນ ໃນສົງຄາມໂລກຄັ້ງທີ 2.
ທ່ານ ປະທານາທິບໍດີລັດເຊຍ Vladimir Putin ແລະ ທ່ານປະທານາທິບໍດີອາເມລິກາ Donald Trump
(ພາບ: AFP/TTXVN)
ຕາມຖະແຫຼງການແລ້ວ, ເນື້ອໃນຈິດໃຈຂອງການພົບປະກັນຢູ່ແມ່ນ້ຳ Elbe ແມ່ນແບບຢ່າງທີ່ດີກ່ຽວກັບວິທີການ ສອງປະເທດສາມາດລົບລ້າງບັນດາຄວາມບໍ່ລົງລອຍກັນ, ສ້າງຄວາມໄວ້ເນື້ອເຊື່ອໃຈ ແລະ ຮ່ວມມືກັນເພື່ອ ເດີນຕາມເປົ້າໝາຍທີ່ຍິ່ງໃຫຍ່ກ່ວາອີກ.
ການນຳສອງປະເທດ ລັດເຊຍ ແລະ ອາເມລິກາ ໄດ້ຍົກອອກຖະແຫຼງການຮ່ວມ ທີ່ຫາຍາກໃນສະພາບການພົວພັນລະຫວ່າງມົດສະກູ ແລະ ວໍຊິງຕັນ ພວມຄັ່ງຕຶງໃນໄລຍະຜ່ານມາ ເຊິ່ງກ່ຽວຂ້ອງເຖິງບັນຫາ ຢູແກຼນ ແລະ ຊີຣີ, ການຄຸ້ມຄອງອາວຸດຕະຫຼອດຮອດການກ່າວຫາລັດເຊຍວ່າ ໄດ້ແຊກແຊງເຂົ້າການເລືອກຕັ້ງປະທານາທິບໍດີ ອາເມລິກາໃນປີ 2016. ກ່ອນໜ້ານັ້ນ, ທ່ານ Trump ໄດ້ສະແດງຄວາມຫວັງຢາກໄປມົດສະດູ ເພື່ອເຂົ້າຮ່ວມການສະເຫຼີມສະຫຼອງເຫດການປະຫວັດສາດນີ້ ພ້ອມທັງຢາກຊຸກຍູ້ການຮ່ວມມືກັບ ລັດເຊຍ.
(ແຫຼ່ງຄັດຈາກ VOV)