ໃນຂອບເຂດການເຄື່ອນໄຫວປະຕິບັດງານຢູ່ບັນດາແຂວງພາກກາງ, ຕອນເຊົ້າວັນທີ 15 ກຸມພາ, ຢູ່ບິ່ງດິ້ງ, ທ່ານປະທານປະເທດ ຫງວຽນຊວັນຟຸກ ໄດ້ເປັນປະທານການເຮັດວຽກກັບການນຳຫຼັກແຫຼ່ງຂອງແຂວງ.
ທ່ານປະທານປະເທດ ຫງວຽນຊວັນຟຸກ ກ່າວຄຳເຫັນທີ່ການເຮັດວຽກ (ພາບ: nhandan.vn)
ທ່ານປະທານປະເທດ ໄດ້ຕີລາຄາສູງແຂວງບິ່ງດິ້ງໄດ້ມີການພັດທະນາກ່ຽວກັບພື້ນຖານໂຄງລ່າງຢ່າງແຮງ ແລະ ມີຄວາມປະທັບໃຈ ໃນອາຍຸການຜ່ານມາ, ສ້າງກຳລັງໜູນສຳຄັນໃນການພັດທະນາເສດຖະກິດສັງຄົມຂອງທ້ອງຖິ່ນກໍ່ຄືປະກອບສ່ວນເຂົ້າໃນການພັດທະນາເສດຖະກິດໃນເຂດ. ທ່ານປະທານປະເທດເນັ້ນໜັກເຖິງຄວາມສາມາດບົ່ມຊ້ອນໃນການພັດທະນາຂອງແຂວງບິ່ງດິງ ເພື່ອກາຍເປັນແຂວງທີ່ມີການເຕີບໂຕໃໝ່ຢູ່ເຂດພາກກາງ ແລະ ທົ່ວປະເທດ.
ທ່ານປະທານປະເທດຊີ້ນຳວ່າໃນໄລຍະຈະມາເຖິງ, ທາງແຂວງຄວນມີບາດກ້າວບຸກລະລຸ ແລະ ດຶງດູດບັນດາແຫຼ່ງກຳລັງຢ່າງແຮງກ່ວາອີກເພື່ອພັດທະນາແບບຍືນຍົງ. ທ່ານປະທານປະເທດ ກໍ່ສະເໜີໃຫ້ແຂວງດິ່ງດິ້ງພັດທະນາອຸດສາຫະກຳປຸງແຕ່ງ, ປະດິດສ້າງທີ່ຕິດພັນກັບທ່າແຮງຂອງທ້ອງຖິ່ນ.
ແລະກໍ່ໃນຕອນບ່າຍວັນດຽວກັນ, ທ່ານປະທານປະເທດຫງວຽນຊວັນຟຸກ ໄດ້ເຂົ້າຮ່ວມພິທີເປີດວິຫານໄຕເຊີນຕາມກຽດ ຊຶ່ງແມ່ນກິດຈະກຳທີ່ມີຄວາມໝາຍສຳຄັນພິເສດດ້ານປະຫວັດສາດ, ວັດທະນະທຳ, ວິທະຍາສາດຕິດພັນກັບເຈົ້າຊີວິດກວາງຈຸງ ແລະ ຂະບວນການລຸກຮຶ້ຂຶ້ນໄຕເຊີນ.
(ແຫຼ່ງຄັດຈາກ VOV)