ຂ່າວພາບ ຫວຽດນາມ ພາກ ພາສາ ລາວ

ຄົ້ນພົບ

ປະທັບໃຈງານບຸນຊ້າງ ບວນດົນ

27/05/2023

ໃນຂອບເຂດງານບຸນກາເຟ ບວນມາທວດ ຄັ້ງທີ 8 ປີ 2023, ງານບຸນຊ້າງ ບວນດົນ ຢູ່ຕາແສງ ກຣົງນາ,ເມືອງ ບວນດົນ ໄດ້ຈັດຂຶ້ນຢ່າງປະທັບໃຈ ດ້ວຍຮູບແບບໃໝ່, ທັງເຊີດຊູຄວາມງາມຂອງຊ້າງ ແລະ ບັນດາຄຸນຄ່າດ້ານວັດທະນະທຳມູນເຊື້ອ ຂອງ ປະຊາຊົນບັນດາເຜົ່າ ຢູ່ ໄຕງວຽນ, ທັງສະແດງໃຫ້ເຫັນຫຼັກໝັ້ນອັນແຮງກ້າຂອງອຳນາດການປົກຄອງແຂວງ ດັກລັກ ກັບອົງການສັດອາຊີ (Animals Asia) ໃນການເບິ່ງແຍງ, ປົກປັກຮັກສາ ແລະ ອະນຸ ລັກ ຊ້າງ ແບບເປັນມິດ ແລະ ຍືນຍົງ.

ດັ່ງນັ້ນ, ງານບຸນຊ້າງປີນີ້ ພຽງແຕ່ສຸມໃສ່ບັນດາເນື້ອໃນທີ່ເປັນມິດກັບນັກທ່ອງທ່ຽວ ເພື່ອເຊີດຊູຄວາມງາມຂອງຊ້າງເຊັ່ນ: ການແຂ່ງ ຂັນຕົກແຕ່ງຊ້າງ, ປະກວດນາງງາມ ຊ້າງ, ການແຂ່ງຂັນຊ້າງເພື່ອຕ້ອນຮັບຜູ້ຊົມ, ຈັດງານລ້ຽງ ບຸບເຟ ຊ້າງ, ໃຫ້ຊ້າງພົວພັນມິດຕະ ພາບກັບນັກທ່ອງທ່ຽວ... ສ່ວນກິດຈະກຳແຂ່ງຂັນທີ່ອາດສົ່ງຜົນກະ ທົບຕໍ່ສຸຂະພາບຂອງຊ້າງໄດ້ງ່າຍເຊັ່ນ: ການແຂ່ງຂັນຊ້າງ, ຊ້າງລອຍນໍ້າ, ຊ້າງເຕະບານ, ດຶງເຊືອກ ລະຫວ່າງຊ້າງ ກັບຄົນ, ການແຫ່ຊ້າງຕາມຖະໜົນ... ຄືໃນງານບຸນທີ່ຜ່ານມາ ຈະຖືກຍົກເລີກ.

ດ້ວຍຮູບແບບການຈັດຕັ້ງໃໝ່ ແລະ ມີຄວາມໝາຍນີ້, ນັກທ່ອງທ່ຽວມີໂອກາດໄດ້ຊົມພາບຂອງຊ້າງ ໄຕງວຽນ ອັນຍິ່ງໃຫຍ່, ສຸຂະ ພາບດີ ແຕ່ຍັງມີຄວາມໜ້າຮັກ, ເປັນມິດ ແລະ ໃກ້ຊິດກັບຜູ້ຄົນ ຍ້ອນໄດ້ຮັບການເບິ່ງແຍງດູແລ, ການປົກປ້ອງທີ່ດີ.