ຂ່າວສານ

ປະຊາຄົມວິສາຫະກິດ ຫວຽດນາມ ເສີມຂະຫຍາຍບົດບາດປະຈັນບານໃນການພັດທະນາເສດຖະກິດສັງຄົມ ໄດ້ເປັນຢ່າງດີ

ປະຊາຄົມວິສາຫະກິດ, ນັກທຸລະກິດ ຫວຽດນາມ ຕ້ອງເສີມຂະຫຍາຍບົດບາດນຳໜ້າທາງດ້ານເສດຖະກິດສັງຄົມໃຫ້ເປັນຢ່າງດີ, ເຊື່ອມຕໍ່ຮ່ວມມືພ້ອມກັນຜ່ານຜ່າຄວາມຫຍຸ້ງຍາກ ແລະ ກ້າວໄກ, ຍືນຍົງກວ່າອີກໃນເສັ້ນທາງແຫ່ງການພັດທະນາ, ນຳປະເທດຊາດພັດທະນາຢ່າງວ່ອງໄວ ແລະ ຍືນຍົງກວ່າ.

ນີ້ແມ່ນຄຳເນັ້ນໜັກຂອງທ່ານ ເຈິ່ນຕ໊ວນແອັງ ຫົວໜ້າຄະນະເສດຖະກິດສູນກາງພັກກອມມູນິດ ຫວຽດນາມ ໃນພິທີມອບລາງວັນ ດາວຄຳ ຫວຽດ 2021 ທີ່ດຳເນີນໃນຕອນຄ່ຳວັນທີ 30 ມີນາ.

  ພິທີມອບລາງວັນ ດາວຄຳ ຫວຽດ 2021 ທີ່ດຳເນີນໃນຕອນຄ່ຳວັນທີ 30 ມີນາ (ພາບ: TTXVN)  

 ວິສາຫະກິດ 200 ແຫ່ງທີ່ໄດ້ຮັບລາງວັນດາວຄຳ ຫວຽດ ໃນຄັ້ງນີ້ ແມ່ນບັນດາເຄື່ອງໝາຍການຄ້າທີ່ພວມປະກອບສ່ວນເຂົ້າໃນການພັດທະນາເສດຖະກິດຂອງປະເທດຊາດ ແລະ ຍົກສູງທີ່ຕັ້ງບົດບາດ, ພາບພົດຂອງ ຫວຽດນາມ ໃນເວທີສາກົນ. ລາຍຮັບທັງໝົດຂອງວິສາຫະກິດ 200 ແຫ່ງນີ້ແມ່ນກວ່າ 740.000 ຕື້ດົ່ງ, ປະກອບເຂົ້າງົບປະມານກວ່າ 40.000 ຕື້ດົ່ງ ແລະ ສ້າງວຽກເຮັດງານທຳໃຫ້ແກ່ຊາວຜູ້ອອກແຮງງານກວ່າ 450.000 ຄົນ. ກ່າວຄຳເຫັນທີ່ພິທີ, ທ່ານ ເຈິ່ນຕວ໊ນແອັງ ຫົວໜ້າຄະນະເສດຖະກິດສູນກາງ ສະເໜີວ່າ:

    ປະຊາຄົມວິສາຫະກິດ, ນັກທຸລະກິດ ຫວຽດນາມ, ໃນນັ້ນມີນັກທຸລະກິດໜຸ່ມ ຫວຽດນາມ ແລະ ວິສາຫະກິດ ດາວຄຳ ຫວຽດ ຈະເສີມຂະຫຍາຍບົດບາດນຳໜ້າ ໃນການພັດທະນາເສດຖະກິດ - ສັງຄົມໃຫ້ເປັນຢ່າງດີ; ລົງທຶນປ່ຽນແປງໃໝ່ເຕັກໂນໂລຢີແກ້ໄຂວຽກເຮັດງານທຳ, ຍົກສູງລາຍຮັບໃຫ້ແກ່ຜູ້ອອກແຮງງານ, ສ້າງລະບົບຊີວະພາບ startup ປ່ຽນແປງໃໝ່, ປະດິດຄິດສ້າງ, ປະກອບສ່ວນເຂົ້າໃນງົບປະມານແຫ່ງລັດ, ເພື່ອພັດທະນາປະເທດຢ່າງວ່ອງໄວ ແລະ ຍືນຍົງກວ່າ”.


top