ທີ່ກອງປະຊຸມທາງອອນລາຍຂອງຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ເຊິ່ງດຳເນີນໃນຕອນເຊົ້າວັນທີ 13 ເມສາ,
ທ່ານຮອງລັດຖະມົນຕີກະຊວງສາທາລະນະສຸກ ຫວຽດນາມ ຫງວຽນແທງລອງ ກ່າວຄຳເຫັນທີ່ກອງປະຊຸມ
ນັກຊ່ຽວຊານຫລາຍທ່ານໄດ້ສະເໜີ ຄວນສືບຕໍ່ປະຕິບັດການແຍກຫ່າງໃນສັງຄົມຮອດວັນທີ 30 ເມສາ 2020. ຍ້ອນວ່າສະພາບການໂລກລະບາດໂຄວິດ-19 ໃນໂລກພວມມີການຜັນແປຢ່າງສັບສົນ ແລະ ຢູ່ພາຍໃນປະເທດຍັງມີບັນດາເຂດເປັນແຫຼ່ງຕິດເຊື້ອ ມີຄວາມສ່ຽງແຜ່ລະບາດອອກສູ່ວົງຄະນະຍາດ.
ບັນດາຄຳເຫັນທີ່ກອງປະຊຸມ ກໍ່ຖືວ່າ: ໃນການປ້ອງກັນ, ສະກັດກັ້ນໂລກລະບາດໂຄວິດ-19 ຄວນສືບຕໍ່ຮັກສາບັນດາມາດຕະການສະກັດກັ້ນໂລກລະບາດຈາກບັນດາດ່ານຊາຍແດນສາກົນ.
(ແຫຼ່ງຄັດຈາກ VOV)