ຂ່າວພາບ ຫວຽດນາມ ພາກ ພາສາ ລາວ

ທ່ອງທ່ຽວ

ບັນຍາກາດທີ່ຄຶກຄື້ນຢູ່ງານມະໂຫລານ ເຫວ້ 2022

15/07/2022

ນັກທ່ອງທ່ຽວ ແລະ ຊາວເມືອງເກົ່າ ເຫ້ວ ນັບໝື່ນຄົນໄດ້ອອກຖະໜົນຫົນທາງຫຼາຍສາຍເພື່ອເຈືອຈານເຂົ້າກັບບັນຍາກາດທີ່ຄຶກຄື້ນຂອງງານບຸນຕາມທ້ອງຖະໜົນໃນງານມະໂຫລານ ເຫວ້ 2022

ດ້ວຍຫົວຂໍ້ “ສີສັນວັດທະນະທຳ”, ງານບຸນຕາມທ້ອງຖະໜົນໃນງານມະໂຫລານ ເຫວ້ 2022 ໄດ້ດຳເນີນເປັນເວລາ 3 ວັນລຽນຕິດແຕ່ວັນທີ 26 – 28 ມິຖຸນາ ເຊິ່ງນຳມາໃຫ້ນັກທ່ອງທ່ຽວ ແລະ ຊາວເມືອງ ເຫ້ວ “ງານລ້ຽງ” ໜຶ່ງທີ່ເຕັມໄປດ້ວຍສຽງດົນຕີ ແລະ ຈັງຫວະຟ້ອນຂອງບັນດາ ຄະນະສິລະປະທີ່ມາຈາກບັນດາເຂດແຄວ້ນຕ່າງໆ ໃນທົ່ວປະເທດ ແລະ ໃນທົ່ວໂລກ, ໃນນັ້ນ ມີຄະນະສິລະປະທີ່ມີຊື່ສຽງເປັນຈຳນວນຫຼວງຫຼາຍຄື: ຄະນະສິລະປະຟ້ອນສິງໂຕ ແລະ ມັງກອນ ເຫວ້, ຄະນະສິລະປະຊົນເຜົ່າ ລາວກາຍ, ດົນຕີພື້ນເມືອງ Belogorie (ຣັດເຊຍ), ວົງດົນຕີ Viet Bambas (ບຣາຊິນ), ຄະນະຟ້ອນຊົນເຜົ່າ ດັກລັກ, ສະຫະພັນ ກາຍຍະສິນ ຫວຽດນາມ, ໂຮງດົນຕີພື້ນເມືອງ ຫວຽດບັກ, ວົງການຟ້ອນ Unity Crew...

ບັນດາການເຄື່ອນໄຫວສະແດງຕາມທ້ອງຖະໜົນດ້ວຍສີສັນ ດ້ານວັດທະນະທຳທີ່ຫຼາກຫຼາຍ ໄດ້ຮັບຄວາມຊົມເຊີຍ ຈາກຊາວເມືອງ ແລະ ນັກທ່ອງທ່ຽວ, ສ້າງບັນຍາກາດທີ່ຟົດຟື້ນມ່ວນຊື່ນຢູ່ຖະໜົນຫຼາຍສາຍຂອງນະຄອນ ເຫ້ວ ໃນຂອບເຂດຂອງງານມະໂຫລານ ເຫວ້ 2022.

ນີ້ແມ່ນໜຶ່ງໃນບັນດາເຫດການຕົ້ນຕໍທີ່ປະຊາຊົນຄອຍຖ້າເປັນພິເສດ, ປະກອບສ່ວນເຂົ້າໃນລັກສະນະພິເສດຂອງງານມະໂຫລານ ເຫ້ວ, ຜ່ານນັ້ນ ຢືນຢັນ ແລະ ເຊີດຊູບັນດາຄຸນຄ່າວັດທະນະທຳຂອງ ຫວຽດນາມ ແລະ ບັນດາປະເທດໃນໂລກ.