ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ
ແລະ ລັດຖະມົນຕີການຕ່າງປະເທດ ສ.ເກົາຫຼີ Yoon Byeong
ຕອນເຊົ້າວັນທີ 20/3, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ໄດ້ມີການເຈລະຈາກັບລັດຖະມົນຕີການຕ່າງປະເທດ ສ.ເກົາຫຼີ Yoon Byeong ເນື່ອງໃນໂອກາດມາຢ້ຽມຢາມຫວຽດນາມຢ່າງເປັນທາງການ. ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນຢືນຢັນວ່າ ຫວຽດນາມຍາມໃດກໍ ຖືເປັນສຳຄັນການເພີ່ມທະວີການພົວພັນກັບ ສ.ເກົາຫຼີ ແລະ ຫວັງວ່າພ້ອມກັບ ສ.ເກົາຫຼີມານະພະຍາຍາມເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ ຢ່າງບໍ່ຢຸດຢັ້ງ, ເປີດກ້ວາງ ແລະຍົກສູງປະສິດທິຜົນການຮ່ວມມື, ສົມທົບກັນຢ່າງແໜ້ນແຟ້ນໃນບັນດາເວທີປາໄສຫຼາຍຝ່າຍ. 2 ຝ່າຍໄດ້ເຫັນດີເພີ່ມທະວີການສົມທົບກັນໃນບັນດາກົນໄກຫຼາຍຝ່າຍຂອງສາກົນ ແລະ ພາກພື້ນ, ຊຸກຍູ້ການແກ້ໄຂຄວາມບໍ່ລົງລອຍກັນ, ໃນນັ້ນມີການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ, ສອດຄ່ອງກັບກົດໝາຍສາກົນ.
ສ່ວນທ່ານ ລັດຖະມົນຕີການຕ່າງປະເທດ ສ.ເກົາຫຼີ Yoon Byeong ໄດ້ເຫັນດີກັບຄຳຄິດເຫັນຂອງ ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ; ແລະ ຢືນຢັນກະຊວງການຕ່າງປະເທດ ສ.ເກົາຫຼີຈະສືບຕໍ່ສົມທົບກັບຝ່າຍຫວຽດນາມເພື່ອຊຸກຍູ້ບັນດາຂໍ້ຕົກລົງຂັ້ນສູງຢ່າງມີປະສິດທິຜົນ.
(ແຫຼ່ງຄັດຈາກ VOV)