ຕອນເຊົ້າວັນທີ 21 ພະຈິກ, ຢູ່ເມືອງ ອານຫລາວ, ນະຄອນຫ໋າຍຟ່ອງ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ແລະ ຄະນະ ສະມາຊິກສະພາແຫ່ງຊາດນະຄອນ ຫ໋າຍຟ່ອງ ໄດ້ພົບປະກັບຜູ້ມີສິດເລືອກຕັ້ງ, ໂດຍແຈ້ງໃຫ້ຊາບ ກ່ຽວກັບໝາກຜົນຂອງກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຊຸດທີ XIV.
ນາຍົກລັດຖະມົນຕີ ຫງວຽນຊວັນຟຸກ ລົງພົບປະກັບຜູ້ມີສິດເລືອກຕັ້ງ ນະຄອນຫ໋າຍຟ່ອງ (ພາບ: TTXVN)
ເມື່ອແບ່ງປັນກັບຜູ້ມີສິດເລືອກຕັ້ງກ່ຽວກັບບັນດາບັນຫາຂອງປະເທດຊາດ, ທ່ານນາຍົກລັດຖະມົນຕີ ໃຫ້ຮູ້ວ່າ, ໃນບັນດາເຫດການຫຼາຍຝ່າຍທີ່ດຳເນີນຫວ່າງແລ້ວນີ້, ທ່ານນາຍົກລັດຖະມົນຕີມີຄວາມເອກອ້າງທະນົງໃຈທີ່ສຸດ ເມື່ອໄດ້ແບ່ງປັນກ່ຽວກັບຜົນສຳເລັດຂອງ ຫວຽດນາມ ໃນການປະຕິບັດເປົ້າໝາຍຄວບຄູ່. ຜົນສຳເລັດນັ້ນ ແມ່ນ ຍ້ອນມີການນຳພາຢ່າງຖືກຕ້ອງຂອງພັກ ແລະ ຄວາມສາມັກຄີ, ເປັນຈິດໜຶ່ງໃນດຽວກັນຂອງປະຊາຊົນທຸກຊັ້ນຄົນ. ທ່ານກ່າວວ່າ:
ພວກເຮົາ ປະຕິບັດໄດ້ວຽກງານສຳຄັນນັ້ນແມ່ນ ຄວບຄຸມໂລກລະບາດ ໂຄວິດ - 19. ຕ້ານພະຍາດຄືຕ້ານສັນຕູ. ວັນທີ 20 ພະຈິກ, ຢູ່ກອງປະຊຸມ APEC 21 ພື້ນຖານເສດຖະກິດ, ຂ້າພະເຈົ້າມີຄວາມເອກອ້າງທະນົງໃຈທີ່ສຸດ ຍ້ອນ ຫວຽດນາມ ສາມາດຄວບຄຸມໂລກລະບາດ ໄດ້ເປັນຢ່າງດີ ແຕ່ເສດຖະກິດກໍ່ຍັງມີການເຕີບໂຕ. ນີ້ແມ່ນຄວາມພະຍາຍາມອັນໃຫຍ່ຫຼວງທີ່ສຸດ.
ທ່ານນາຍົກລັດຖະມົນຕີ ກໍ່ແລກປ່ຽນກັບຜູ້ມີສິດເລືອກຕັ້ງກ່ຽວກັບບັນດາບັນຫາສຳຄັນຂອງປະເທດຊາດ, ເປັນຕົ້ນແມ່ນ ສືບຕໍ່ປ້ອງກັນ, ຕ້ານພະຍາດ ໂຄວິດ - 19; ບັນດາມາດຕະການຮັບມືກັບໄພທຳມະຊາດ; ພັດທະນາພື້ນຖານໂຄງລ່າງ ແລະ ກົນໄກພິເສດສະເພາະເພື່ອພັດທະນານະຄອນ ຫ໋າຍຟ່ອງ…
(ແຫຼ່ງຄັດຈາກ VOV)