ກອງປະຊຸມສົ່ງເສີມການລົງທຶນຢູ່ແຂວງລ້າງເຊີນ ດ້ວຍຫົວຂໍ້ “ລ້າງເຊີນ: ສະຖານທີ່ທີ່ດີຂອງບັນດານັກລົງທຶນ” ຖືກດໍາເນີນໃນຕອນເຊົ້າວັນທີ 30 ກັນຍາ ດ້ວຍການເຂົ້າຮ່ວມຂອງຜູ້ແທນ 500 ທ່ານ ເຊິ່ງເປັນຜູ້ຕາງໜ້າໃຫ້ແກ່ບັນດານັກລົງທຶນ, ວິສາຫະກິດພາຍໃນ ແລະ ຕ່າງປະເທດ.
ທ່ານນາຍົກລັດຖະມົນຕີ ຫງວຽນຊວັນຟຸກ ທີ່ກອງປະຊຸມ (ພາບ: chinhphu.vn)
ກ່າວຄໍາເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວັນຟຸກ ໄດ້ຍົກອອກບັນດາທ່າໄດ້ປຽບຂອງລ້າງເຊີນ, ນັ້ນແມ່ນເສັ້ນທາງດ່ວນບັກຢາງ - ລ້າງເຊີນ ຫາກໍສໍາເລັດການກໍ່ສ້າງ, ຫຼຸດຜ່່ອນເວລາໄປ-ມາລະຫວ່າງ ລ້າງເຊີນ - ຮ່າໂນ້ຍ ລົງ ເຫຼືອພຽງ 2 ຊົ່ວໂມງເທົ່ານັ້ນ. ແຂວງລ້າງເຊີນ ກໍແມ່ນຂົວຕໍ່ທີ່ສໍາຄັນສໍາລັບກະແສລົງທຶນລະຫວ່າງ ຈີນ ກັບ ບັນດາປະເທດ ອາຊຽນ. ທ່ານນາຍົກລັດຖະມົນຕີ ຫງວຽນຊວັນຟຸກ ຖືວ່າ:
“ໂດຍຫ່າງຈາກເມືອງເອກ ກວາງສີ, ປະເທດຈີນ ພຽງແຕ່ 200 ກິໂລແມັດ ແລະ ຮ່າໂນ້ຍ ກວ່າ 100 ກິໂລແມັດ ລ້າງເຊີນມີຕະຫຼາດດ້ວຍຈໍານວນພົນລະເມືອງຫຼາຍກວ່າ 50 ລ້ານຄົນ, ຂອບຂະໜາດ GDP ແມ່ນກວ່າ 300 ຕື້ USD ແລະ ເຂດນະຄອນຫຼວງແມ່ນ ກວ່າ 100 ຕື້ USD. ນີ້ແມ່ນ ທ່າໄດ້ປຽບສໍາຄັນທີີ່ສຸດ, ໂດຍສະເພາະແມ່ນເມື່ອພວກເຮົາເຊື່ອມຕໍ່ລະຫວ່າງບັນດາເສັ້ນທາງດ່ວນ ບັກຢາງ - ລ້າງເຊີນ, ອັນໄດ້ຊ່ວຍໃຫ້ ລ້າງເຊີນ ກ້າວໄປໄກອີກບາດກ້າວໜຶ່ງ”.
ທີ່ກອງປະຊຸມ, ແຂວງ ລ້າງເຊີນ ໄດ້ປະກາດ ບົດບັນທຶກຊ່ວຍຈໍາວ່າດ້ວຍການລົງທຶນສະບັບຕ່າງໆ ການລົງນາມໃນສັນຍາຮ່ວມມືລົງທຶນ, ມອບໃບອະນຸຍາດໃຫ້ລົງທຶນ... ລວມມູນຄ່າຂຶ້ນເຖິງຫຼາຍກວ່າ ໜຶ່ງແສນຕື້ດົ່ງ (ກວ່າ 4,2 ຕື້ USD), ໃນນັ້ນ ສ່ວນຫຼາຍແມ່ນນັກລົງທຶນພາຍໃນປະເທດ.
ທ່ານ ຫງວຽນຊວັນຟຸກ ໄດ້ມີການເຮັດວຽກກັບພະນັກງານຫຼັກແຫຼ່ງຂອງແຂວງລ້າງເຊີນ (ພາບ: TTXVN)
ພາຍຫຼັງເຂົ້າຮ່ວມກອງປະຊຸມ, ຕອນບ່າຍຂອງວັນດຽວກັນ, ທ່ານ ຫງວຽນຊວັນຟຸກ ໄດ້ມີການເຮັດວຽກກັບພະນັກງານຫຼັກແຫຼ່ງຂອງແຂວງລ້າງເຊີນ ກ່ຽວກັບສະພາບການພັດທະນາເສດຖະກິດ-ສັງຄົມໃນບໍລິເວນແຂວງ ແລະ ໃຫ້ຄໍາຊີ້ນໍາບາງໂຄງການພື້ນຖານໂຄງລ່າງສໍາຄັນຂອງແຂວງ.
(ແຫຼ່ງຄັດຈາກ VOV)