![](https://imagevietnam.vnanet.vn/Upload/2018/9/29/29092018132257473songphuong_lqeg.jpg)
ທ່ານປະທານສະພາແຫ່ງລັດ ແລະ ລັດຖະມົນຕີກູບາ Miguel Diaz Canel
(ພາບ: VGP)
ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີການພົບປະກັບປະທານສະພາແຫ່ງລັດ ແລະ ລັດຖະມົນຕີກູບາ, ປະທານາທິບໍດີບຸນກາຣີ, ປະທານາທິບໍດີກຣົວຊີ, ນາຍົກລັດຖະມົນຕີ ຟິຈິ ແລະ ນາຍົກລັດຖະມົນຕີ ແຊັງລຸຍຊີ.
ທີ່ການພົບປະກັບທ່ານປະທານສະພາແຫ່ງລັດ ແລະ ລັດຖະມົນຕີກູບາ Miguel Diaz Canel, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ສະເໜີໃຫ້ 2 ຝ່າຍສືບຕໍ່ປັບປຸງບັນດາກົນໄກຮ່ວມມື, ແລກປ່ຽນບົດຮຽນ, ຍົກສູງປະສິດທິຜົນບັນດາໂຄງການຮ່ວມມືທີ່ມີຢູ່ແລ້ວກ່ຽວກັບດ້ານການຄ້າ, ການລົງທຶນ, ກະສິກຳ, ການສຶກສາ…
ທີ່ການພົບປະເຈລະຈາກັບທ່ານປະທານາທິບໍດີບຸນກາຣີ Rumen Radev, ທ່ານນາຍົກລັດຖະມົນຕີສະເໜີໃຫ້ບຸນກາຣີ ສືບຕໍ່ສົ່ງເສີມບັນດາວິສາຫະກິດຂອງຕົນຊອກຫາກາລະໂອກາດລົງທຶນດຳເນີນທຸລະກິດຢູ່ຫວຽດນາມ; ປາດຖະໜາວ່າ ບຸນກາຣີ ສະໜັບສະໜູນ ແລະ ຊຸກຍູ້ອີຢູ ລົງນາມໃນສັນຍາການຄ້າເສລີຫວຽດນາມ - ອີຢູ (EVFTA) ໃນປີ 2018 ໂດຍໄວ.
ທີ່ການພົບປະກັບທ່ານປະທານາທິບໍດີກຣົວຊີ Kolinda Grabar Kitarovic, ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ພ້ອມແລ້ວທີ່ຈະສ້າງເງື່ອນໄຂສະດວກເພື່ອໃຫ້ບັນດາວິສາຫະກິດກຣົວຊີ ຊອກຮູ້ຕະຫຼາດ, ລົງທຶນ, ດຳເນີນທຸລະກິດຢູ່ຫວຽດນາມ, ພ້ອມທັງສະເໜີໃຫ້ 2 ຝ່າຍເພີ່ມທະວີການແລກປ່ຽນຄະນະຜູ້ແທນຂັ້ນກະຊວງ, ຂະແໜງການ, ວິສາຫະກິດ ແລະ ສົ່ງເສີມດ້ານການຄ້າ, ການລົງທຶນ.
ທີ່ການພົບປະກັບນາຍົກລັດຖະມົນຕີ ຟີຈິ, ທ່ານ Josaia Voreqe Bainimarama, ທ່ານນາຍົກລັດຖະມົນຕີ ຫງວຽນຊວນຟຸກ ຢືນຢັນວ່າ ພ້ອມແລ້ວທີ່ຈະແບ່ງປັນບົດຮຽນກັບ ຟີຈິ ໃນບັນດາຂົງເຂດກະສິກຳ, ປູກເຂົ້າຮັບປະກັນຄວາມປອດໄພດ້ານສະບຽງອາຫານ… 2 ຝ່າຍເຫັນດີເພີ່ມທະວີການສົມທົບກັນຢ່າງແໜ້ນແຟ້ນໃນການຮັບມືກັບການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນສູງ…
ເມື່ອແລກປ່ຽນກັບນາຍົກລັດຖະມົນຕີ ແຊັງລຸຍຊ, ທ່ານ Allen Chastanet, ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີໃຫ້ 2 ຝ່າຍເພີ່ມທະວີການແລກປ່ຽນຄະນະຜູ້ແທນທຸກຂັ້ນ, ໂດຍສະເພາະແມ່ນຂັ້ນສູງ ແລະ ພິຈາລະນາສ້າງຕັ້ງບາງກົນໄກຮ່ວມມື 2 ຝ່າຍ ແລະ ສ້າງເງື່ອນໄຂເພື່ອໃຫ້ວິສາຫະກິດ 2 ຝ່າຍຊອກຮູ້ຕະຫຼາດ ແລະ ກາລະໂອກາດດຳເນີນທຸລະກິດ.
ແລະໃນຕອນບ່າຍວັນທີ 27 ກັນຍາ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ມີບັນດາການພົບປະກັບທ່ານປະທານສະມັດຊາໃຫຍ່ສປຊ, ເລຂາທິການໃຫຍ່ສະຫະປະຊາຊາດ; ພົບປະກັບພະນັກງານ, ພາລະກອນສະຖານທູດຫວຽດນາມ ປະຈຳອາເມລິກາ, ປະຊາຄົມຊາວຫວຽດນາມ, ນັກຮຽນດີເດັ່ນ ແລະ ເພື່ອນມິດອາເມລິກາ ຢູ່ນິວຢອກ.
ຕອນຄ່ຳວັນທີ 27 ກັນຍາ, ທ່ານນາຍົກລັດຖະມົນຕີຫງວຽນຊວນຟຸກ ແລະ ຄະນະຜູ້ແທນຂັ້ນສູງຫວຽດນາມ ໄດ້ສິ້ນສຸດການເຂົ້າຮ່ວມວາລະປຶກສາຫາລືຮ່ວມ ກອງປະຊຸມສະມັດຊາໃຫຍ່ສະຫະປະຊາຊາດຄັ້ງທີ 73 ຢູ່ນິວຢອກ ຢ່າງຈົບງາມ ແລະ ກັບເມືອປະເທດ.
(ແຫຼ່ງຄັດຈາກ VOV)