ຕອນເຊົ້າວັນທີ 09 ມີນາ ທີ່ຮ່າໂນ້ຍ, ວິທະຍາຄານເສນາຮັກໄດ້ຈັດຕັ້ງພິທີສະເຫຼີມສະຫຼອງ 70 ປີແຫ່ງວັນມູນເຊື້ອຂອງວິທະຍາຄານ (10/03/1949 – 10/03/2019) ແລະ ຕ້ອນຮັບຫຼຽນໄຊໂຮ່ຈີມິນ ຄັ້ງທີ 2.
ພິທີສະເຫຼີມສະຫຼອງວັນມູນເຊຶ້ອຂອງວິທະຍາຄານເສນາຮັກ
ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຕີລາຄາສູງວິທະຍາຄານໄດ້ປະຕິບັດທັງ 3 ໜ້າທີ່ການເມືອງຈຸດສຸມເປັນຢ່າງດີ ນັ້ນແມ່ນ ບຳລຸງສ້າງແຫຼ່ງຊັບພະຍາກອນສາທາລະນະສຸກໃຫ້ແກ່ກອງທັບ ແລະ ຂະແໜງສາທາລະນະສຸກ; ຄົ້ນຄວ້າ ແລະ ພັດທະນາວິທະຍາສາດເຕັກໂນໂລຊີການແພດການຢາ; ຍົກສູງຄຸນນະພາບ ແລະ ປະສິດທິພາບການກວດປິ່ນປົວພະຍາດ. ທ່ານນາຍົກລັດຖະມົນຕີ ຫງວຽນຊວນຟຸກ ສະເໜີວ່າ:
ວິທະຍາຄານເສນາຮັກຕ້ອງມີຍຸດທະສາດພັດທະນາໄລຍະຍາວ, ມີວິໄສທັດຮອດປີ 2030, ຮອດປີ 2045; ສູ້ຊົນສ້າງວິທະຍາຄານໃຫ້ກາຍເປັນສູນບຳລຸງສ້າງ, ຄົ້ນຄວ້າ, ໝູນໃຊ້ ແລະ ປິ່ນປົວພະຍາດມທີ່ມີລະດັບພາກພື້ນ, ສາກົນ. ໃນຕໍ່ໜ້າ, ສະເໜີໃຫ້ວິທະຍາຄານຕ້ອງບັນລຸໄດ້ມາດຖານໂຮງຮຽນຈຸດສຸມລະດັບຊາດໂດຍໄວ, ກາຍເປັນສູນຄົ້ນຄວ້າການແພດການຢາແຖວໜ້າຂອງ ຫວຽດນາມ.
ກ່ອນໜ້ານັ້ນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ລົງຢ້ຽມຢາມຮາກຖານວັດຖຸຂອງວິທະຍາຄານ, ປູກຕົ້ນໄມ້ທີ່ລະນຶກໃນບໍລິເວນຂອງວິທະຍາຄານ.
(ແຫຼ່ງຄັດຈາກ VOV)