ວັນທີ 16 ພຶດສະພາ, ຢູ່ແຂວງ ກວາງຈິ້, ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ລົງກວດກາວຽກງານແກ້ໄຂຜົນຮ້າຍຢ້ອນຫລັງຈາກມົນລະພິດສົ່ງແວດລ້ອມ ແລະ ນຳຊີວິດການເປັນຢູ່ ແລະ ການຜະລິດຂອງປະຊາຊົນກັບຄືນສູ່ປົກກະຕິ ຍ້ອນຮັບຜົນສະທ້ອນຈາກເຫດມົນລະພິດສິ່ງແວດລ້ອມທະເລເມື່ອປີ 2016.
ທ່ານນາຍົກລັດຖະມົນຕີ ຫງວຽນຊວນຟຸກ ລົງກວດກາວຽກງານແກ້ໄຂຜົນຮ້າຍຢ້ອນຫລັງ
ຢູ່ບັນດາແຂວງທາງພາກກາງ ຫວຽດນາມ
ກ່ອນໜ້ານັ້ນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ລົງຢ້ຽມຢາມ, ລະດົມກຳລັງໃຈແກ່ປະຊາຊົນເຂດຮັບຜົນສະທ້ອນຈາກເຫດມົນລະພິດສິ່ງແວດລ້ອມທະເລຢູ່ເທດສະບານເມືອງ ທ້ວນອານ ແຂວງ ເທື່ອທຽນເຫວ້. ທ່ານນາຍົກລັດຖະມົນຕີໄດ້ຕີລາຄາສູງທາງທ້ອງຖິ່ນໄດ້ປະຕິບັດຕາມການຊີ້ນຳຂອງລັດຖະບານໃນວຽກງານທົດແທນຄວາມເສຍຫາຍ, ໜູນຊ່ວຍໃຫ້ແກ່ປະຊາຊົນຜູ້ຖືກເສຍຫາຍ. ທ່ານນາຍົກລັດຖະມົນຕີຍັງໃຫ້ຄຳຕັກເຕື່ອນວ່າ ແຂວງ ເທື່ອທຽນເຫວ້, ເມືອງ ຟູ໋ວາງ ຈົ່ງໜູນຊ່ວຍປະຊາຊົນ ທ້ວນອານ ປະຕິບັດການສ້າງຊົນນະບົດໃໝ່, ຫັນປ່ຽນອາຊີບ. ທ່ານນາຍົກລັດຖະມົນຕີໄດ້ຮັບຮູ້ຄຳຄິດຄຳເຫັນຂອງປະຊາຊົນ ທ້ວນອານ ກ່ຽນກັບການເພີ່ມທະວີການຄຸ້ມຄອງລັດ ເພື່ອບໍ່ປະໃຫ້ເກີດເຫດມົນລະພິດສິ່ງແວດລ້ອມອີກຄັ້ງໜຶ່ງ.
(ແຫຼ່ງຄັດຈາກ VOV)