ທ່ານ Layton Pike, ສະມາຊິກສະພາໃຫ້ຄຳປຶກສາຂຶ້ນກັບສະຖາບັນນະໂຍບາຍ ອົດສະຕາລີ - ຫວຽດນາມ (ພາບ: VNA)  

ທ່ານ ໂຕ​ເລິມ, ເລ​ຂາ​ທິ​ການ​ໃຫຍ່​ຄະ​ນະ​ບໍ​ລິ​ຫານ​ງານ​ສູນ​ກາງ​ພັກ​ກອມ​ມູ​ນິດ ຫວຽດ​ນາມ, ປະ​ທານ​ປະ​ເທດ ຫວຽດ​ນາມ ໄປ​ຢ້ຽມ​ຢາມ​ທາງ​ລັດ​ຖະ​ກິດ​ເປັນ​ຄັ້ງ​ທຳ​ອິດຢູ່ ອົດ​ສະ​ຕາ​ລີ ແຕ່​ວັນ​ທີ 09 – 12 ສິງ​ຫາ. ການ​ຢ້ຽມ​ຢາມ​ແມ່ນ​ຂີດ​ໝາຍ​ປະ​ຫວັດ​ສາດ, ເປີດ​ໄລ​ຍະ​ພັດ​ທະ​ນາ​ໃໝ່​ໃນ​ການ​ພົວ​ພັນ​ລະ​ຫວ່າງ 2 ປະ​ເທດ ແລະ ສະ​ແດງ​ໃຫ້​ເຫັນ​ວິ​ໄສ​ທັດ​ຍຸດ​ທະ​ສາດ ກໍ​ຄື​ຄວາມ​ຕັດ​ສິນ​ໃຈ​ຂອງ​ການ​ນຳ 2 ຝ່າຍທີ່​ນັບ​ມື້​ນັບ​ເລິກ​ເຊິ່ງ, ມີ​ປະ​ສິດ​ທິ​ຜົນ, ອີງ​ໃສ່​ຄວາມ​ໄວ້​ເນື້ອ​ເຊື່ອ​ໃຈ, ເຄົາ​ລົບ​ເຊິ່ງ​ກັນ​ແລະ​ກັນ, ນຳ​ມາ​ເຊິ່ງ​ຜົນ​ປ​ະ​ໂຫຍ​ດ​ໃຫ້​ທັງ 2 ປະ​ເທດ.

ເມື່ອ​ຕອບ​ສຳ​ພາດ​ຕໍ່​ນັກ​ຂ່າວ VOV, ທ່ານ Layton Pike, ສະ​ມາ​ຊິກ​ສະ​ພາ​ໃຫ້​ຄຳ​ປຶກ​ສາ​ຂຶ້ນ​ກັບ​ສະ​ຖາ​ບັນ​ນະ​ໂຍ​ບາຍ ອົດ​ສະ​ຕາ​ລີ - ຫວຽດ​ນາມ (AVPI), ຢືນ​ຢັນ​ວ່າ “ການ​ພົບ​ປະ​ລະ​ຫວ່າງ​ການ​ນຳ ຫວຽດ​ນາມ ແລະ ອົດ​ສະ​ຕາ​ລີ ໄດ້​ສ່ອງ​ແສງ​ຄວາມ​ສຳ​ຄັນ​ທີ່​ນັບ​ມື້​ນັບ​ສູງ​ຂອງ​ການ​ພົວ​ພັນ ແລະ ຄວາມ​ໄວ້​ເນື້ອ​ເຊື່ອ​ໃຈ​ສູງ​ລະ​ຫວ່າງ 2 ປະ​ເທດ". ທ່ານກໍ່​ໃຫ້​ຮູ້​ວ່າ ການ​ຢ້ຽມ​ຢາມ​ແມ່ນ​ການ​ “ສະ​ແດງ​ໃຫ້​ເຫັນ​ຄຳ​ໝັ້​ນ​ສັນ​ຍາ​ລວມ​ໃນ​ການ​ຊຸກ​ຍູ້​ການ​ພົວ​ພັນ​ຄູ່​ຮ່ວມ​ມື​ຍຸດ​ທະ​ສາດ​ຮອບ​ດ້ານ ແລະ ເຮັດ​ໃຫ້​ການ​ພົວ​ພັນ​ຮ່ວມ​ມື​ໃນ​ບັນ​ດາ​ຂົງ​ເຂດ​ການ​ຄ້າ, ການ​ລົງ​ທຶນ, ການ​ສຶກ​ສາ, ນະ​ວັດ​ຕະ​ກຳ, ການ​ພັດ​ທະ​ນາ​ແບ​ບ​ຍືນ​ຍົງ ແລະ ການ​ພົບ​ປະ​ແລກ​ປ່ຽນ​ປະ​ຊ​ົນ​ເລິກ​ເຊິ່ງ​ຂຶ້ນ​ຕື່ມ.”