ກົມການເມືອງໄດ້ຕີລາຄາສູງທີ່ນະຄອນໂຮ່ຈີມິນ ພາຍຫຼັງ 10 ປີແຫ່ງການປະຕິບັດມະຕິ ບັນລຸໄດ້ຜົນສຳເລັດສຳຄັນຫຼາຍຢ່າງກ່ຽວກັບການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ. 

  ທ່ານເລຂາທິການໃຫຍ່ ຫງວຽນຝຸຈ້ອງ ເປັນປະທານກອງປະຊຸມ  

ຕອນເຊົ້າວັນທີ 2 ທັນວາ, ຢູ່ຮ່າໂນ້ຍ, ທ່ານເລຂາທິການໃຫຍ່ ຫງວຽນຝຸຈ້ອງ ເປັນປະທານກອງປະຊຸມກົມການເມືອງປະກອບຄຳຫັນກ່ຽວກັບແຜນຮ່າງສະຫຼຸບ 10 ປີແຫ່ງການປະຕິບັດມະຕິຂອງກົມການເມືອງ ກ່ຽວກັບການທິດທາງ, ໜ້າທີ່ພັດທະນານະຄອນ ໂຮ່ຈີມິນ ຮອດປີ 2020 ແລະ ປຶກສາຫາລືກ່ຽວກັບທິດທາງ, ໜ້າທີ່ພັດທະນາຮອດປີ 2030, ວິໄສທັດຮອດປີ 2045.

ກົມການເມືອງໄດ້ຕີລາຄາສູງທີ່ນະຄອນໂຮ່ຈີມິນ ພາຍຫຼັງ 10 ປີແຫ່ງການປະຕິບັດມະຕິ ບັນລຸໄດ້ຜົນສຳເລັດສຳຄັນຫຼາຍຢ່າງກ່ຽວກັບການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ, ປ້ອງກັນຄວາມສະຫງົບ. ເພື່ອແນໃສ່ເສີມຂະຫຍາຍຄວາມສາມາດບົ່ມຊ້ອນ, ທ່າແຮງຂອງນະຄອນ ໂຮ່ຈີມິນ, ກົມການເມືອງໄດ້ເຫັນດີເປັນເອກະພາບ ປະກາດໃຊ້ມະຕິກ່ຽວກັບທິດທາງ, ໜ້າທີ່ພັດທະນານະຄອນໂຮ່ຈີມິນ ດ້ວຍເປົ້າໝາຍ ຮອດປີ 2030 ໄດ້ກາຍເປັນນະຄອນບໍລິການ - ອຸດສາຫະກຳທັນສະໄໝ, ນຳໜ້າກ່ຽວກັບເສດຖະກິດດີຈີຕອນ, ສັງຄົມດີຈີຕອນ ແມ່ນສູນເສດຖະກິດ, ການເງິນ, ການຄ້າ, ວິທະຍາສາດເຕັກໂນໂລຢີ, ວັດທະນະທຳຂອງ ພາກພື້ນ ອາຊີຕາເວັນອອກສ່ຽງໃຕ້, ຮອດປີ 2045 ໄດ້ກາຍເປັນສູນເສດຖະກິດ, ການເງິນ, ການບໍລິການ ອາຊີ.