ຕອນບ່າຍວັນທີ 19 ເມສາ, ຢູ່ຮ່າໂນ້ຍ, ບໍລິສັດຫຸ້ນສ່ວນການບິນ Vietjet ໄດ້ຈັດພິທີປະກາດເປີດສາຍການບິນໃໝ່ໄປຍັງ ອິນເດຍ ດ້ວຍການເປັນສັກສີພິຍານຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ແລະ ປະທານສະພາຕ່ຳ ອິນເດຍ Om Birla.

    

ພິທີປະກາດເປີດສາຍການບິນໃໝ່ໄປຍັງ ອິນເດຍ  (ພາບ: quochoi.vn)

ເນື່ອງໃນໂອກາດຢ້ຽມຢາມ ຫວຽດນາມ ຢ່າງເປັນທາງການຂອງທ່ານປະທານສະພາຕ່ຳ ອິນເດຍ Om Birla, ຕອນບ່າຍວັນທີ 19 ເມສາ, ຢູ່ຮ່າໂນ້ຍ, ບໍລິສັດຫຸ້ນສ່ວນການບິນ Vietjet ໄດ້ຈັດພິທີປະກາດເປີດສາຍການບິນໃໝ່ໄປຍັງ ອິນເດຍ, ລວມມີ ຮ່າໂນ້ຍ - Mumbai, ນະຄອນ ໂຮ່ຈີມິນ - Mumbai, ຝູກວກ - New Delhi ແລະ ຝູກວກ - Mumbai, ເຊິ່ງເປັນການສ້າງຂີດໝາຍແກ່ການການເຄື່ອນໄຫວຄືນໃໝ່ ແລະ ເປີດກວ້າງການເຄື່ອນໄຫວຂອງບໍລິສັດການບິນຢູ່ປະເທດທີ່ມີປະຊາກອນ 1,4 ຕື້ ຄົນ. ເຫດການດັ່ງກ່າວຖຶກດຳເນີນດ້ວຍການເປັນສັກສີພິຍານຂອງທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ແລະ ປະທານສະພາຕ່ຳ ອິນເດຍ Om Birla.

        ກໍເນື່ອງໃນໂອກາດນີ້, ທ່ານປະທານສະພາແຫ່ງຊາດ ເວືອງດິ່ງເຫວ້ ແລະ ທ່ານປະທານສະພາຕ່ຳ Om Birla ໄດ້ເປັນສັກຂີພິຍານພິທີແລກປ່ຽນຂໍ້ຕົກລົງສ້າງຕັ້ງບໍລິສັດຮ່ວມທຸລະກິດເຕັກໂນໂລຢີຂໍ້ມູນຂ່າວສານລະຫວ່າງ Galaxy Digital Holdings,  ເຊິ່ງເປັນສະມາຊິກຂອງກຸ່ມບໍລິສັດ Sovico ແລະ ກຸ່ມບໍລິສັດ Tech Mahindra Limited (ອິນເດຍ). ບໍລິສັດຮ່ວມທຸລະກິດນີ້ ຈະສຸມໃສ່ການສ້າງສູນພັດທະນາຊອບແວທົ່ວໂລກຢູ່ ຫວຽດນາມ, ສະໜອງການບໍລິການພື້ນຖານຂໍ້ມູນຂະໜາດໃຫຍ່, AI/ML (ປັນຍາປະດິດ ແລະ ການຮຽນຮູ້ຂອງເຄື່ອງຈັກ), ພັດທະນາສູນຄົ້ນຄວ້າ ແລະ ປະດິດຄິດສ້າງ, ສູນບຳລຸງສ້າງກຳລັງຄວາມສາມາດເຕັກໂນໂລຢີຂໍ້ມູນຂ່າວສານ…

        ໃນວັນດຽວກັນ, ທ່ານເລຂາທິການໃຫຍ່ສະພາແຫ່ງຊາດ, ຫົວໜ້າຫ້ອງວ່າການສະພາແຫ່ງຊາດ ບຸ່ຍວັນເກືອງ ເຮັດວຽກກັບທ່ານ Om Birla ປະທານສະພາຕ່ຳ ສາທາລະນະລັດ ອິນເດຍ.

(ແຫຼ່ງຄັດຈາກ VOV)