ອນເຊົ້າວັນທີ 10 ມີນາ, ຢູ່ຫໍປະຊຸມແຫ່ງຊາດ, ນະຄອນຫຼວງ ຮ່າໂນ້ຍ, ກອງປະຊຸມໃຫຍ່ຜູ້ແທນແມ່ຍິງທົ່ວປະເທດ ຄັ້ງທີ XIII, ອາຍຸການ 2022 – 2027 ຖືກໄຂຂຶ້ນຢ່າງເປັນທາງການດ້ວຍການເຂົ້າຮ່ວມຂອງຜູ້ແທນເກືອບ 1000 ຄົນ ເຊິ່ງຕາງໜ້າໃຫ້ແມ່ຍິງທຸກຊັ້ນວັນນະໃນທົ່ວປະເທດ.

    

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ກ່າວຄຳເຫັນທີ່ກອງປະຊຸມ

ກອງປະຊຸມໃຫຍ່ ຈະວາງອອກທິດທາງ, ໜ້າທີ່ໃຫ້ແກ່ອາຍຸການໃໝ່. ໃນນັ້ນສືບຕໍ່ໃກ້ຊິດຕິດແທດ, ຫັນແນວທາງ, ແຜນນະໂຍບາຍຂອງລັດ, ໜ້າທີ່ພັດທະນາເສດຖະກິດ - ສັງຄົມ ແລະ ການປົກປັກຮັກສາປະເທດຊາດເປັນລະອຽດ; ອີງໃສ່ພຶດຕິກໍາຕົວຈິງ ແລະ ຄວາມຮຽກຮ້ອງຕ້ອງການຂອງຂະບວນການແມ່ຍິງໃນໄລຍະໃໝ່; ເສີມຂະຫຍາຍ ແລະ ສືບທອດມູນເຊື້ອອັນດີງາມຂອງແມ່ຍິງ ຫວຽດນາມ, ພ້ອມທັງເອົາໃຈໃສ່, ປົກປ້ອງສິດ ແລະ ຜົນປະໂຫຍດອັນຊອບທຳ, ຮ່ວມເດີນທາງແກ້ໄຂບັນຫາໃກ້ຊິດຕິດແທດກັບແມ່ຍິງ.

     “ຈົ່ງເສີມຂະຫຍາຍບົດບາດ, ຄວາມສາມາດບົ່ມຊ້ອນ, ທ່າແຮງຂອງແມ່ຍິງໃນທຸກຂົງເຂດ ແລະ ບໍລິເວນ; ພ້ອມທັງປະຕິບັດການເອົາໃຈໃສ່, ປົກປ້ອງສິດ ແລະ ຜົນປະໂຫຍດອັນຊອບທຳຂອງແມ່ຍິງໃຫ້ເປັນຢ່າງດີກວ່າອີກ. ສຸມໃສ່ປະຕິບັດບັນດາມາດຕະການຢ່າງຄົບຊຸດ ເພື່ອສ້າງແມ່ຍິງ ຫວຽດນາມ ໃຫ້ພັດທະນາ, ເຊື່ອມໂຍງເຂົ້າກັບຄຸນຄ່າຂອງຍຸກສະໄໝ ຕິດພັນກັບການຮັກສາ, ເສີມຂະຫຍາຍຄຸນຄ່າທີ່ເປັນມູນເຊື້ອຂອງຊາດ ຫວຽດນາມ”.

(ແຫຼ່ງຄັດຈາກ VOV)