ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ: ພາຍຫຼັງກອງປະຊຸມຄັ້ງທີ 13 ຂອງຄະນະຊີ້ນຳ, ສະພາບການໂລກມີການຜັນແປຫຼາຍຢ່າງ ໄດ້ກໍ່ຜົນກະທົບ ແລະ ຜົນກະທ້ອນໂດຍກົງຕໍ່ຫວຽດນາມ.

 

ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງເປັນປະທານກອງປະຊຸມ

ຕອນເຊົ້າວັນທີ 9 ເມສາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ຕ້ານໂລກລະບາດໂຄວິດ - 19 (ຄະນະຊີ້ນຳ) ເປັນປະທານກອງປະຊຸມຄັ້ງທີ 14 ຂອງຄະນະຊີ້ນຳກ່ຽວກັບວຽກງານປ້ອງກັນ,ຕ້ານໂລກລະບາດໂຄວິດ - 19. ກອງປະຊຸມໄດ້ຈັດຂຶ້ນທາງໄກໂດຍເຊື່ອມຕໍ່ ກັບ 63 ແຂວງ, ນະຄອນຂຶ້ນກັບສູນກາງ.

ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໃຫ້ຮູ້ວ່າ: ພາຍຫຼັງກອງປະຊຸມຄັ້ງທີ 13 ຂອງຄະນະຊີ້ນຳ, ສະພາບການໂລກມີການຜັນແປຫຼາຍຢ່າງ ໄດ້ກໍ່ຜົນກະທົບ ແລະ ຜົນກະທ້ອນໂດຍກົງຕໍ່ຫວຽດນາມ. ເຖິງວ່າຍັງປະສົບກັບຄວາມຫຍຸ້ງຍາກ, ສິ່ງທ້າທາຍຫຼາຍຢ່າງກໍ່ຕາມ ແຕ່ສະພາບການໂຄວິດ - 19 ພວມໄດ້ຮັບການຄວບຄຸມໃນຂອບເຂດທົ່ວປະເທດ, ດ້ວຍຈຳນວນຜູ້ເສຍຊີວິດ ແລະ ມີອາການເຈັບໜັກຫຼຸດລົງ. ເສດຖະກິດ - ສັງຄົມ ໄດ້ຮັບການຟື້ນຟູໂດຍໄວ ແລະ ມີການ ເຕີບໂຕດີພໍສົມຄວນ.

ເຖິງຢ່າງໃດກໍ່ຕາມ, ສະພາບການໂລກລະບາດໂຄວິດ - 19 ຍາກທີ່ຈະຄາດຄະເນລ່ວງໜ້າໄດ້, ເປັນຕົ້ນແມ່ນອາດຈະເກີດສາຍພັນໃໝ່ຈາກເຊື້ອໄວຣັດ SARS - CoV - 2 ໂດຍເຮັດໃຫ້ການປ້ອງກັນ, ຕ້ານໂລກລະບາດໂຄວິດ - 19 ປະສົບກັບຄວາມຫຍຸ້ງຍາກຂຶ້ນຕື່ມ, ດັ່ງນັ້ນ, ທ່ານນາຍົກລັດຖະມົນຕີ ຈົ່ງຮຽກຮ້ອງບໍ່ໃຫ້ເມີນເສີຍ, ຖືເບົາຕໍ່ການປ້ອງກັນ, ຕ້ານໂລກລະບາດໂຄວິດ - 19.