ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເນັ້ນໜັກວ່າ ບັນດາກະຊວງ, ຂະແໜງການ ແລະ ທ້ອງຖິ່ນ ຕ້ອງຍົກສູງໜ້າທີ່ຄວາມຮັບຜິດຊອບ, ຖືໜ້າທີ່ຮັກສາສຸຂະພາບ ແລະ ຊີວິດຂອງປະຊາຊົນ ແມ່ນໜ້າທີ່ສໍາຄັນທີີ່ສຸດ, ບໍ່ປະໃຫ້ໂລກລະບາດດັ່ງກ່າວລະບາດຢ່າງສັບສົນຢູ່ຫວຽດນາມ.
![](https://imagevietnam.vnanet.vn/Upload/2020/1/29/29012020195136173dich_fpfo_ppwu.jpg)
ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເປັນປະທານກອງປະຊຸມ (ພາບ: TTXVN )
ຕໍ່ໜ້າສະພາບການອັນສັບສົນຂອງໂລກລະບາດອັກເສບປອດ ຍ້ອນເຊື້ອໄວຣັດສາຍພັນ ໂຄໂຣນາ ກໍ່ຂຶ້ນຢູ່ຈີນ ແລະ ໃນໂລກ ເຊິ່່ງພວມມີຄວາມສ່ຽງສົ່ງຜົນສະທ້ອນໂດຍກົງເຖິງຫວຽດນາມ, ຕອນບ່າຍວັນທີ 27 ມັງກອນ, ກົງກັບວັນທີ 3 ບຸນເຕັດປີຊວດ 2020, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມນັດສາມັນຂອງລັດຖະບານ ກ່ຽວກັບການປ້ອງກັນ, ຕ້ານໂລກລະບາດດັ່່ງກ່າວ. ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເນັ້ນໜັກວ່າ ບັນດາກະຊວງ, ຂະແໜງການ ແລະ ທ້ອງຖິ່ນ ຕ້ອງຍົກສູງໜ້າທີ່ຄວາມຮັບຜິດຊອບ, ຖືໜ້າທີ່ຮັກສາສຸຂະພາບ ແລະ ຊີວິດຂອງປະຊາຊົນ ແມ່ນໜ້າທີ່ສໍາຄັນທີີ່ສຸດ, ບໍ່ປະໃຫ້ໂລກລະບາດດັ່ງກ່າວລະບາດຢ່າງສັບສົນຢູ່ຫວຽດນາມ.
ຕາມບົດລາຍງານຂອງກະຊວງສາທາລະນະສຸກ ທີ່ໄດ້ຍົກອອກມາໃນກອງປະຊຸມແລ້ວ, ປັດຈຸບັນ, ຢູ່ຫວຽດນາມມີ 38 ກໍລະນີ ກໍາລັງໄດ້ຮັບການຕິດຕາມເປັນພິເສດ, ໃນນັ້ນ ມີ 2 ກໍລະນີ ແມ່ນຄົນ ຈີີນ ເຊິ່ງຜົນກວດກາໃນເບື້ອງຕົ້ນໃຫ້ຮູ້ວ່າ ແມ່ນຕິດພະຍາດອັກເສບປອດ ຍ້ອນເຊື້ອໄວຣັດສາຍພັນ ໂຄໂຣນາ ກໍ່ຂຶ້ນ.
ປັດຈຸບັນ, ນັບແຕ່ສູນສາທາລະນະສຸກສາທາລະນະຂອງກະຊວງສາທາລະນະສຸກຫວຽດນາມ, ຮາກຖານສາທາລະນະສຸກ ຕະຫຼອດຮອດ ທ້ອງຖິ່ນແຫ່ງຕ່າງໆຂອງຫວຽດນາມ ກໍ່ໄດ້ກຽມພ້ອມເພື່ອກັບມືກັບໂລກລະບາດດັ່ງກ່າວ.
ແລະ ກໍໃນວັນດຽວກັນ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ກໍໄດ້ສົ່ງໂທລະເລກຢື້ຢາມຖາມຂ່າວກ່ຽວກັບສະພາບການຂອງໂລກລະບາດດັ່ງກ່າວເຖິງທ່ານນາຍົກລັດຖະມົນຕີ ຈີີນ ຫຼີເຄີສຽນ ເຊັ່ນດຽວກັນ.
(ແຫຼ່ງຄັດຈາກ VOV)