ລາງວັນ ວື່ອາຢິ໊ງເປັນລາງວັນມອບໃຫ້ບັນດາໝູ່ຄະນະ, ສ່ວນບຸກຄົນທີ່ມີການປະກອບສ່ວນຢ່າງສຸດອົກສຸດໃຈ ແລະ ມີບັນດາຜົນງານທີ່ພົ້ນເດັ່ນໃຫ້ແກ່ ປະຊາຊົນ ເຜົ່າສ່ວນໜ້ອຍຢູ່ເຂດພູດວຍ, ຊາຍແດນ ແລະ ໝູ່ເກາະ.
ທ່ານນາງຮອງປະທານປະເທດ ຫວຽດນາມ ດັ້ງທິງອັກທິ້ງພົບປະກັບຄະນະຜູ້ແທນທີ່ໄດ້ຮັບລາງວັນ ວື່ອາຢິ໊ງ
ວັນທີ 21 ພຶດສະພາ, ຢູ່ທຳນຽບປະທານປະເທດ, ທ່ານນາງຮອງປະທານປະເທດ ຫວຽດນາມ ດັ້ງທິງອັກທິ້ງ ໄດ້ພົບປະກັບຄະນະຜູ້ແທນທີ່ໄດ້ຮັບລາງວັນ ວື່ອາຢິ໊ງ, ເຊິ່ງເປັນລາງວັນມອບໃຫ້ບັນດາໝູ່ຄະນະ, ສ່ວນບຸກຄົນທີ່ມີການປະກອບສ່ວນຢ່າງສຸດອົກສຸດໃຈ ແລະ ມີບັນດາຜົນງານທີ່ພົ້ນເດັ່ນໃຫ້ແກ່ ປະຊາຊົນ ເຜົ່າສ່ວນໜ້ອຍຢູ່ເຂດພູດວຍ, ຊາຍແດນ ແລະ ໝູ່ເກາະ.
ກ່າວຄຳເຫັນທີ່ນີ້, ທ່ານນາງດັ້ງທິງອັກທິ້ງໄດ້ຕີລາຄາສູງບັນດາການເຄື່ອນໄຫວຂອງ ກອງທຶນ ວື່ອາຢິ໊ງ; ພ້ອມທັງສະເໜີໃຫ້ກອງທຶນ ວື່ອາຢິ໊ງ ສືບຕໍ່ລະດົມທຶນ, ຊອກຫາຄວາມແບ່ງປັນຂອງບັນດາຜູ້ມີໃຈບຸນໃຈກຸສົນ, ບັນດາວິສາຫະກິດ, ອົງການຈັດຕັ້ງ, ບຸກຄົນ ທັງຢູ່ພາຍໃນ ແລະ ຕ່າງປະເທດສຳລັບນັກຮຽນຊົນເຜົ່າທີ່ປະສົບຄວາມທຸກຍາກ, ທະວີຄູນບັນດາຮູບແບບ, ວິທີການປະດິດຄິດສ້າງເຂົ້າໃນການດຳລົງຊີວິດຕົວຈິງຂອງປະຊາຊົນບັນດາຊົນເຜົ່າສ່ວນໜ້ອຍເພື່ອຊ່ວຍເຫຼືອເດັກນ້ອຍບັນດາຊົນເຜົ່າ, ກໍ່ຄືປະກອບສ່ວນຕອບສະໜອງຄວາມຕ້ອງການແຫຼ່ງຊັບພະຍາກອນມະນຸດທີ່ມີຄຸນນະພາບສູງຂອງປະເທດຊາດ.
(ແຫຼ່ງຄັດຈາກ VOV)