ທ່ານເລຂາທິການໃຫຍ່ ຫວຽດນາມ ໂຕເລິມ (ພາບ: TTXVN)

ຕອນບ່າຍວັນທີ 20 ທັນວາ, ຢູ່ສຳນັກງານສູນກາງພັກ, ທ່ານເລຂາທິການໃຫຍ່ ຫວຽດນາມ ໂຕເລິມ ໄດ້ໂອລົມທາງໂທລະສັບກັບທ່ານເລຂາທິການໃຫຍ່ພັກເຄື່ອນໄຫວເພື່ອປະຊາຊົນ (PAP), ນາຍົກລັດຖະມົນຕີ ສິງກະໂປ Lawrence Wong.

        ທ່ານເລຂາທິການໃຫຍ່ ໂຕເລິມ ຢືນຢັນວ່າ, ຍາມໃດ ຫວຽດນາມ ກໍ່ຖືເປັນສຳຄັນ ແລະ ປາດຖະໜາຢາກຊຸກຍູ້ການພົວພັນຄູ່ຮ່ວມມືຍຸດທະສາດກັບ ສິງກະໂປ ໃຫ້ພັດທະນາຢ່າງແຮງ, ເຂົ້າສູ່ລວງເລິກ, ແທດຈິງ, ມີປະສິດທິຜົນ. ທ່ານສະເໜີໃຫ້ 2 ປະເທດເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ; ຍູ້ແຮງການຮ່ວມມືລະຫວ່າງພັກກອມມູນິດ ຫວຽດນາມ ແລະ ພັກເຄື່ອນໄຫວເພື່ອປະຊາຊົນ ສິງກະໂປ; ທ່ານຖືວ່າ, ບັນດາອົງການທີ່ກ່ຽວຂ້ອງຂອງ 2 ປະເທດຕ້ອງສືບຕໍ່ສົມທົບກັນຢ່າງແໜ້ນແຟ້ນ ເພື່ອສ້າງຍຸດທະສາດ ແລະ ແຜນການຮ່ວມມືໃນບັນດາຂົງເຂດ, ຄື: ຫັນເປັນດີຈີຕອນ, ພະລັງງານທົດແທນ, ການປ້ອງກັນຊາດ - ປ້ອງກັນຄວາມສະຫງົບ, ການເງິນ, ທ່ອງທ່ຽວ…

        ທ່ານນາຍົກລັດຖະມົນຕີ Lawrence Wong, ໃຫ້ຮູ້ວ່າ ບັນດາວິສາຫະກິດຂອງ ສິງກະໂປ ປາດຖະໜາຢາກເພີ່ມທະວີການເຄື່ອນໄຫວລົງທຶນ, ດຳເນີນທຸລະກິດເຂົ້າ ຫວຽດນາມ, ໂດຍສະເພາະແມ່ນໃນບັນດາຂົງເຂດໃໝ່.

        ການນຳ 2 ທ່ານກໍ່ເຫັນດີເພີ່ມທະວີການສົມທົບກັນໃນ ອາຊຽນ, ກໍຄືຢູ່ບັນດາເວທີປາໄສພາກພື້ນ ແລະ ສາກົນອື່ນ.