ເຂົ້າຮ່ວມພິທີມີທ່ານ ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຝູຈ້ອງ, ທ່ານ ເຈິ່ນກວ໊ກເວື້ອງ ກໍາມະການກົມການເມືອງ, ຜູ້ປະຈໍາການຄະນະເລຂາສູນກາງພັກ; ທ່ານນາງ ຜູ້ຮັກສາການປະທານປະເທດ ດັ້ງທິງັອກທິ້ງ. ພ້ອມກັບບັນດາກໍາມະການກົມການເມືອງ, ອະດີດກໍາມະການກົມການເມືອງ, ເລຂາສູນກາງພັກ, ອະດີດເລຂາສູນກາງພັກ; ຜູ້ຕາງໜ້າການນໍາສະພາແຫ່ງຊາດ, ລັດຖະບານ, ແນວໂຮມປະເທດຊາດຫວຽດນາມ, ບັນດາຄະນະ, ກະຊວງ, ຂະແໜງການ ແລະ ພະນັກງານຂະແໜງກວດກາພັກສະໄໝຕ່າງໆ.

        ກ່າວຄໍາເຫັນທີ່ພິທີ, ຕາງໜ້າໃຫ້ຄະນະບໍລິຫານງານສູນກາງພັກ, ກົມການເມືອງ, ຄະນະເລຂາ, ທ່ານຜູ້ປະຈໍາການຄະນະເລຂາສູນກາງພັກ ເຈິ່ນກວ໊ກເວື້ອງ ຮັບຮູ້, ຕີລາຄາສູງ ບັນດາຜົນງານ ເຊິ່ງຂະແໜງກວດກາຂອງພັກ ບັນລຸໄດ້ໃນ 70 ປີ ຜ່ານມາ. ທ່ານ ເຈິ່ນກວ໊ກເວື້ອງ ກ່າວວ່າ:

        “ຄະນະພັກຂັ້ນຕ່າງໆ, ເປັນຕົ້ນແມ່ນຜູ້ເປັນຫົວໜ້າ ດ້ານໜຶ່ງ ຕ້ອງຈັດຕັ້ງປະຕິບັດວຽກງານກວດກາ, ຕິດຕາມກວດກາ, ປະຕິບັດວິໄນໃນພັກ ໃຫ້ຖືກຕ້ອງຕາມພາລະບົດບາດໜ້າທີ່, ດ້ານອື່ນ ແມ່ນເພີ່ມທະວີການຊີ້ນໍາ-ນໍາພາ, ແນະນໍາຄະນະພັກ, ອົງການຈັດຕັ້ງພັກ ຂັ້ນລຸ່ມ ປະຕິບັດວຽກງານກວດກາ, ແກ້ໄຂສະພາບການທີ່ເກີດຂຶ້ນເປັນຢ່າງດີ,ຖືວຽກງານກໍາແໜ້ນສະພາບການເຄື່ອນໄຫວຂອງບັນດາອົງການຈັດຕັ້ງພັກ, ສະມາຊິກພັກເປັນສໍາຄັນ, ເປັນຕົ້ນແມ່ນ ພະນັກງານການນໍາ, ຄຸ້ມຄອງ, ຜູ້ນໍາພາບັນດາຂະແໜງການ,ທ້ອງຖິ່ນຂັ້ນຕ່າງ ເພື່ອພົບເຫັນສະກັດກັ້ນ, ແກ້ໄຂຂໍ້ຂາດຕົກບົກຜ່ອງ, ອ່ອນດ້ອຍ ໂດຍໄວ.”

        ທີ່ພິທີ, ຕາງໜ້າການນໍາພັກ, ລັດ ທ່ານນາງ ຜູ້ຮັກສາການປະທານປະເທດ ດັ້ງທິງັອກທິ້ງ ໄດ້ມອບຫຼຽນໄຊແຮງງານຊັ້ນ 1 ໃຫ້ແກ່ອົງການ ຄະນະກໍາມະການກວດກາສູນກາງ ຍ້ອນມີບັນດາຜົນງານດີເດັ່ນ ປະກອບສ່ວນສ້າງສັງຄົມນິຍົມ ແລະ ປົກປັກຮັກສາປະເທດຊາດ.

(ແຫຼ່ງຄັດຈາກ VOV)