ທ່ານເລຂາທິການໃຫຍ່ ຫວຽດນາມ ຫງວຽນຝູຈ້ອງ ອວຍພອນບຸນເຕັດພະນັກງານ, ລັດຖະກອນ, ຜູ້ອອກແຮງງານ ຫ້ອງວ່າການສູນກາງພັກ. (ພາບ: TTXVN)

ເນື່ອງໃນໂອກາດບຸນເຕັດປີຂານ 2022 ແລະ ສະເຫຼີມສະຫຼອງ 92 ປີແຫ່ງວັນສ້າງຕັ້ງພັກກອມມູນິດ ຫວຽດນາມ (03 ກຸມພາ 1930 – 03 ກຸມພາ 2022), ຕອນບ່າຍວັນທີ 28 ມັງກອນ (ກົງກັບວັນທີ 26 ເດືອນ 12 ໄລ່ຕາມຈັນທະປະຕິທິນ), ຫ້ອງວ່າການສູນກາງພັກ ໄດ້ຈັດການພົບປະ “ຊົມເຊີຍພັກ-ຊົມເຊີຍລະດູບານໃໝ່”, ອວຍພອນບຸນເຕັດພະນັກງານ, ລັດຖະກອນ, ຜູ້ອອກແຮງງານ ຫ້ອງວ່າການສູນກາງພັກ. ການພົບປະໄດ້ຈັດຂຶ້ນແບບທາງໄກໂດຍມີການເຊື່ອມຕໍ່ ຮ່າໂນ້ຍ, ນະຄອນ ໂຮ່ຈີມິນ ແລະ ດ່ານັ້ງ.

        ທີ່ການພົບປະ, ທ່ານເລຂາທິການໃຫຍ່ ຫງວຽນຝູຈ້ອງ ໄດ້ຕີລາຄາສູງໝາກຜົນເຊິ່ງພະນັກງານ, ລັດຖະກອນຫ້ອງວ່າການສູນກາງພັກ ບັນລຸໄດ້ໃນວຽກງານເປັນເສນທິການ, ຮັບໃຊ້ວຽກງານຊີ້ນຳນຳພາຂອງສູນກາງພັກ, ກົມການເມືອງ, ຄະນະເລຂາ. ທ່ານເລຂາທິການໃຫຍ່ ຫງວຽນຝູຈ້ອງ ສະເໜີວ່າ, ປີ 2022, ຫ້ອງວ່າການສູນກາງພັກ ສູ້ຊົນໃຫ້ບັນລຸໄດ້ບັນດາເປົ້າໝາຍທີ່ວາງອອກຢ່າງມີຄຸນນະພາບ, ປະສິດທິຜົນສູງກວ່າປີ 2021, ປະຕິບັດສຳເລັດໜ້າທີ່ເຊິ່ງຄະນະບໍລິຫານງານສູນກາງພັກ, ກົມການເມືອງ, ຄະນະເລຂາເຊື່ອໝັ້ນມອບໝາຍໃຫ້. ເນື່ອງໃນໂອກາດ, ທ່ານເລຂາທິການໃຫຍ່ ຫງວຽນຝູຈ້ອງ ອວຍພອນໃຫ້ພະນັກງານ, ລັດຖະກອນ, ຜູ້ອອກແຮງງານ ແລະ ຄອບຄົວປີໃໝ່ຈົ່ງມີສຸຂະພາບເຂັ້ມແຂງ, ຢູ່ດີມີແຮງ, ວັດທະຖາວອນ.

(ແຫຼ່ງຄັດຈາກ VOV)