ປີ 2019 ມີຄວາມໝາຍສໍາຄັນທີີ່ສຸດໃນການປະຕິບັດມະຕິກອງປະຊຸມໃຫຍ່ ຄັ້ງທີ 12 ຂອງພັກ ແລະ ແຜນການພັດທະນາເສດຖະກິດ - ສັງຄົມ ໄລຍະ 2016 - 2020 ຢ່າງມີໄຊ
ທ່ານເລຂາທິການໃຫຍ່, ປະທານປະເທດ ຫງວຽນຝຸຈ້ອງ ກ່າວຄໍາເຫັນທີ່ກອງປະຊຸມ (ພາບ: TTXVN )
ວັນທີ 10 ມັງກອນ, ຢູ່ຮ່າໂນ້ຍ, ຄະນະພັກການທະຫານສູນກາງ, ກະຊວງປ້ອງກັນປະເທດຫວຽດນາມ ໄດ້ຈັດຕັ້ງກອງປະຊຸມການເມືອງການທະຫານທົ່ວກອງທັບ, ຕີລາຄາໝາກຜົນຂອງການຊີ້ນໍາ, ນໍາພາໃນການປະຕິບັດໜ້າທີ່ການທະຫານ, ການປ້ອງກັນຊາດ ປີ 2018 ແລະ ຜັນຂະຫຍາຍໜ້າທີ່ປີ 2019. ກ່າວຄໍາເຫັນຊີ້ນໍາ ທີ່ກອງປະຊຸມ, ທ່ານເລຂາທິການໃຫຍ່, ປະທານປະເທດຫວຽດນາມ, ເລຂາຄະນະພັກການທະຫານສູນກາງ ຫງວຽນຝຸຈ້ອງ ຊີ້ແຈ້ງວ່າ: ປີ 2019 ມີຄວາມໝາຍສໍາຄັນທີີ່ສຸດໃນການປະຕິບັດມະຕິກອງປະຊຸມໃຫຍ່ ຄັ້ງທີ 12 ຂອງພັກ ແລະ ແຜນການພັດທະນາເສດຖະກິດ - ສັງຄົມ ໄລຍະ 2016 - 2020 ຢ່າງມີໄຊ; ເປັນປີກະກຽມກອງປະຊຸມໃຫຍ່ອົງຄະນະພັກທຸກຂັ້ນ ກ້າວໄປເຖິງການຈັດຕັ້ງກອງປະຊຸມໃຫຍ່ຄັ້ງທີ 13 ຂອງພັກ. ບັນດາແຜນນະໂຍບາຍ, ນະໂຍບາຍໃໝ່ຂອງພັກ, ລັດ ໃນນັ້ນມີຂົງເຂດປ້ອງກັນຊາດ, ປ້ອງກັນຄວາມສະຫງົບ ຈະໄດ້ຮັບການຜັນຂະຫຍາຍປະຕິບັດຢ່າງເລິກເຊິ່ງ ແລະ ກວ້າງຂວາງ. ກ່ຽວກັບທິດທາງໜ້າທີ່ໃນໄລຍະຈະມາເຖິງ, ທ່ານເລຂາທິການໃຫຍ່, ປະທານປະເທດ ເນັ້ນໜັກວ່າ:
“ເປັນເຈ້ົາການໃນການເປັນເສນາທິການ, ຊີ້ນໍາ ແລະ ເສີມຂະຫຍາຍກໍາລັງແຮງສັງລວມຂອງທົ່ວປະເທດ ເພື່ອກໍ່ສ້າງພື້ນຖານປ້ອງກັນຊາດທົ່ວປວງຊົນ ຕິດພັນກັບພື້ນຖານປ້ອງກັນຄວາມສະຫງົບປະຊາຊົນ; ປະຕິບັດແຜນນະໂຍບາຍໃຫ້ເປັນຢ່າງດີ ສົມທົບການປ້ອງກັນຊາດ, ປ້ອງກັນຄວາມສະຫງົບ ກັບ ເສດຖະກິດ, ເສດຖະກິດ ກັບ ການປ້ອງກັນຊາດ, ປ້ອງກັນຄວາມສະຫງົບ, ໂດຍສະເພາະແມ່ນໃນບັນດາທິດຍຸດທະສາດ, ບໍລິເວນຈຸດສຸມ, ເຂດຊາຍແດນ, ທະເລໝູ່ເກາະ. ປະຕິບັດວຽກງານສຶກສາທາງດ້ານປ້ອງກັນຊາດ, ປ້ອງກັນຄວາມສະຫງົບ ແລະ ຍົກສູງຄວາມຮັບຮູ້, ຄວາມຮັບຜິດຊອບ, ການເຄື່ອນໄຫວຂອງທົ່ວປວງຊົນ ສໍາລັບໜ້າທີ່ປັບປຸງການປ້ອງກັນຊາດ, ປົກປັກຮັກສາປະເທດຊາດ. ສົມທົບກັບຕໍາຫຼວດ ແລະ ບັນດາກໍາລັງອື່ນ ໃຫ້ແໜ້ນແຟ້ນ ເພື່ອຕໍ່ສູ້ເຮັດໃຫ້ທຸກກົນອຸບາຍ, ການກະທໍາມ້າງທໍາລາຍ ຂອງບັນດາອິດທິກໍາລັງເປັນປໍລະປັກ, ສັດຕູໃຫ້ປະລາໄຊ; ບໍ່ປະໃຫ້ບັນດາອິດທິກໍາລັງເປັນປໍລະປັກ, ຜູ້ສວຍໃຊ້ໂອກາດ ມ້າງທໍາລາຍ ແລະສົ່ງຜົນກະທົບເຖິງອິດທິພົນຊື່ສຽງ ແລະ ກໍາລັງສູ້ຮົບຂອງກອງທັບ”.
(ແຫຼ່ງຄັດຈາກ VOV)