ຂ່າວສານ

ທ່ານປະທານສະ​ພາ​ແຫ່ງ​ຊາດ ເວືອງດິ່ງເຫ້ວ ເປັນປະທານກອງປະຊຸມກ່ຽວກັບການສ້າງກົນໄກປົກປັກຮັກສາລັດຖະທຳມະນູນໃຫ້ສົມບູນແບບ

ທີ່ກອງປະຊຸມຄັ້ງນີ້, ຄະນະຊີ້ນຳ ດັ່ງກ່າວໄດ້ສຸມໃສ່ປະກອບຄຳເຫັນໃສ່ວຽກງານປະຕິບັດສຳເລັດຫົວເລື່ອງສະເພາະເລກທີ 12 “ການສ້າງກົນໄກປົກປັກຮັກສາລັດຖະທຳມະນູດໃຫ້ສົມບູນແບບ ເພື່ອຕອບສະໜອງຄວາມຮຽກຮ້ອງໃນການສ້າງສຳເລັດລັດແຫ່ງອຳນາດນິຕິບັນຍັດສັງຄົມນິຍົມ ຫວຽດນາມ”.
ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ 

ຕອນບ່າຍວັນທີ 3 ພະຈິກ, ຢູ່ຫໍສະພາແຫ່ງຊາດ, ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫ້ວ ໄດ້ເປັນປະທານກອງປະຊຸມຄັ້ງທີ 3 ຂອງ ຄະນະຊີ້ນຳນຳພາຂອງ ອົງການສະມາຊິກພັກສະພາແຫ່ງຊາດ ປະຕິບັດ 4 ຫົວເລື່ອງສະເພາະ ທີ່ໄດ້ຮັບການແບ່ງວຽກ ຂຶ້ນກັບແຜນຮ່າງ “ຍຸດທະສາດສ້າງ ແລະ ປະຕິບັດລັດແຫ່ງອຳນາດນິຕິບັນຍັດສັງຄົມນິຍົມ ຫວຽດນາມ ຈົນຮອດປີ 2030, ກຳນົດທິດຮອດປີ 2045ໃຫ້ສົມບູນແບບ”.

ທີ່ກອງປະຊຸມຄັ້ງນີ້, ຄະນະຊີ້ນຳ ດັ່ງກ່າວໄດ້ສຸມໃສ່ປະກອບຄຳເຫັນໃສ່ວຽກງານປະຕິບັດສຳເລັດຫົວເລື່ອງສະເພາະເລກທີ 12 “ການສ້າງກົນໄກປົກປັກຮັກສາລັດຖະທຳມະນູດໃຫ້ສົມບູນແບບ ເພື່ອຕອບສະໜອງຄວາມຮຽກຮ້ອງໃນການສ້າງສຳເລັດລັດແຫ່ງອຳນາດນິຕິບັນຍັດສັງຄົມນິຍົມ ຫວຽດນາມ”. ຕາມແຜນການຂອງ ຄະນະຊີ້ນຳແຜນຮ່າງ ແລະ ອົງການສະມາຊິກພັກສະພາແຫ່ງຊາດ ແລ້ວ,  ຫົວເລື່ອງສະເພາະເລກທີ 12 ຕ້ອງປະຕິບັດສຳເລັດຢ່າງຊ້າຊຸດແມ່ນໃນວັນທີ 30 ພະຈິກ ປີ 2021.

ປະກອບຄຳເຫັນກ່ຽວກັບຂໍ້ສະເໜີໃນໄລຍະແຕ່ປັດຈຸບັນຮອດປີ 2030, ທ່ານປະທານສະພາແຫ່ງຊາດໄດ້ເຫັນດີເປັນເອກະພາບໂດຍພື້ນຖານກ່ຽວກັບວິທີການໂດຍອະນຸກຳມະການຍື່ນສະເໜີ, ຫັນເປັນລະອຽດ ແລະ ເພີ່ມທະວີບັນດາການເຄື່ອນໄຫວເພື່ອແນໃສ່ປະຕິບັດໜ້າທີ່ຄວາມຮັບຜິດຊອບໃນການປົກປ້ອງລັດຖະທຳມະນູດ ຂອງ ສະພາຊົນເຜົ່າ, ບັນດາກຳມາທິການ ຂອງສະພາແຫ່ງຊາດ, ສານປະຊາຊົນ, ອົງການໄອຍະການປະຊາຊົນ, ລັດຖະບານ, ແນວໂຮມປະເທດຊາດ, ບັນດາອົງການການເມືອງ - ສັງຄົມ, ປະຊາຊົນ.

(ແຫຼ່ງຄັດຈາກ VOV)


top