ຕອນບ່າຍວັນທີ 24 ກຸມພາ (ວັນທີ 9 ບຸນເຕັດ), ທ່ານປະທານປະເທດເຈີນດ້າຍກວາງ ໄດ້ໄປຖະຫວາຍທູບທຽນໄຂລະດູບານໃຫມ່ປີຈໍ 2018 ຢູ່ ເຂດປູຊະນີຍະສະຖານພະລາດຊະວັງທັງລອງ.
![](https://imagevietnam.vnanet.vn/Upload/2018/2/26/26022018094333862ctntrandaiquangdanghuongkhaixuanmautuat2018_otiq.jpg)
ທ່ານປະທານປະເທດເຈີນດ້າຍກວາງ ໄດ້ໄປຖະຫວາຍທູບທຽນໄຂລະດູບານໃຫມ່ປີຈໍ 2018
ພາບ:vietnam+
ພິທີຖະຫວາຍທູບທຽນຖືກຈັດຂຶ້ນຢ່າງສົມກຽດ ສະແດງໃຫ້ເຫັນຄວາມເຄົາລົບນັບຖື, ສະແດງຄວາມຮູ້ບຸນຄຸນຕໍ່ບັນດາເຈົ້າຊີວິດທີ່ມີຄຸນງາມຄວາມດີໃນການສ້າງສາພື້ນຖານທັງລອງອະລິຍະທຳ (ນະຄອນຫລວງ ຮ່າໂນ້ຍ ປະຈຸບັນ). ທ່ານປະທານປະເທດ ເຈີນດ້າຍກວາງ ໄດ້ປະຕິບັດບັນດາພິທີກຳຖະຫວາຍທູບທຽນ ແລະ ອາໄລຫາບັນດາເຈົ້າຊີວິດ ແລະ ຄົນລຸ້ນກ່ອນ ໄດ້ເສຍເລືອດເນື້ອກຳລັງເຫື່ອແຮງເພື່ອປົກປັກຮັກສາປະເທດຫວຽດນາມ ແລະ ທ່ານປະທານປະເທດ ລາຍງານບັນດາຜົນງານພົ້ນເດັ່ນ, ຮອບດ້ານຂອງປະເທດຊາດໃນປີຜ່ານມາ, ເປັນຕົ້ນແມ່ນການພັດທະນາເສດຖະກິດສັງຄົມ, ການປ້ອງກັນຊາດ ປ້ອງກັນຄວາມສະຫງົບ, ການຕ່າງປະເທດ.
ພາຍຫລັງພິທີຖະຫວາຍທູບທຽນ, ທ່ານປະທານປະເທດ ໄດ້ປະຕິບັດພິທີປ່ອຍນົກໃນໂອກາດຕົ້ນລະດູບານໃຫມ່ ພາວະນາຂໍໃຫ້ ປະຊາຊົນຮັ່ງມີ, ປະເທດຊາດເຂັ້ມແຂງ, ຍຸຕິທຳ, ປະຊາທິປະໄຕ ແລະ ສີວິໄລ, ກ້າວຂຶ້ນບົນເສັ້ນທາງເຊື່ອມໂຍງ ແລະ ພັດທະນາ.
(ແຫຼ່ງຄັດຈາກ VOV)